Hisaaya 41:4 - Kifuliiru

⁴ Yago gooshi, nyandagi úli mu gagira? Nyandi úli mu gwanwa ashungika íbigakoleka mu ngiisi kibusi? Ali niehe, Nahano! Nyamiri ndi ho, ukulyokera ku ndondeko, halinde ukuhisa ku nyukizo. Ndaanaye gundi!

Hisaaya 41:4 ပူးပေါင်းရင်းမြစ်များ

Zaburi 102:27

Yibyo byombi, biganyerera, haliko, wehe ugayama ho. Si bigahula nga mirondo, unabihindule nga bishajiira, binakabulirwe.

Zaburi 102:28

Wehe, uyamiri uli we yolya-yolya. Neꞌmyaka yawe, itâye heke.

Hisaaya 40:12

Aahago! Nyandi gundi keera úkagera inyaaja mu maboko gaage? Kandi iri akoleesa ukuboko, mu kugera ikyanyaanya? Nyandagi úyiji ubuzito bweꞌkihugo, keera anagera imigazi noꞌtugangazi noꞌlugero?

Hisaaya 40:26

Muyinamulage amasu, gira mulangiize mwiꞌgulu! Aaho! Yizo ndonde zooshi, nyandi úkazibumba? Si Rurema ye mu yerekana ngiisi nguma yazo, anakizi gibuuza kwiꞌziina lyayo. Na bwo ye mwene ubushobozi bwaꞌkahebuuza, ndaayo íri mu teereka, kiri neꞌnguma.

Hisaaya 41:20

Kwokwo lyaꞌbandu bagakizi bona, banasoomerwe, banamenye kwo nie wabigira. Nie Nahano, Umutaluule waꞌBahisiraheeri.

Hisaaya 41:26

Imyazi mwene iyo, nyandagi keera úkagihwehuka, halinde tugwanwe twagimenya? Nyandi úkagilagula, halinde tudete kwokuno: “Kwokwo, kwo biri!” Si mu kati kiinyu, ndaaye kiri noꞌmuguma úkagwanwa adeta. Ee! Yago magambo, ndaabyo mukadeta hiꞌgulu lyago.

Hisaaya 41:3

Agweti agabahaviiriza. Haliko yenyene, atali mu komeresibwa, kundu ali mu genda ho atazindi fina.

Hisaaya 42:24

Twe beene Yakobo, ikyanya twâli kizi nyagwa, nyandi uwâli kizi tunyagiisa? Ka atali Nahano? Ee! Keera tukamúhubira, twanalahira ukukulikira injira zaage. Kiri neꞌmaaja zaage, tutanazitwaza.

Hisaaya 43:10

Nahano adetaga kwokuno: «E Bahisiraheeri, si mwe mulyagagi tumasi twani! Keera nꞌgamùtoola, kwo mube bakozi baani, na ndoziizi mumenye kwo nie Rurema, munabe munyemiiri. Ndaaye gundi Rurema úzindi tanga imbere lyani, ndaanaye úwâye nzinde ho.

Hisaaya 43:13

«Niehe nyamiri ndi ho, ukulyokera ku ndondeko. Ikyanya ndi mu ba ngweti ngaakola, ndaaye úwangambangirira. Ndaanaye úwanganyugutula umundu mu maboko gaani.»

Hisaaya 46:10

Ngiisi íbiri mu koleka, nâli mali gwanwa nabimenyeesa ukulyokera ku ndondeko. Kundu bitâli zaazi koleka, haliko, nâli mali gwanwa namùmenyeesa byo. Ngiisi byo njungisiri, byo biri mu koleka. Ee! Ngiisi byo ndoziizi, byebyo, byo ndi mu gira.

Hisaaya 48:12

«E Bahisiraheeri, beene Yakobo! Mundegage amatwiri. Nie kamùhamagala, kwo mube bandu baani. Na nyamiri ndi nie yolya. Nie ndangiriro, na ndi nie nyukizo. Hatanayimbwa gundi Rurema átali niehe.

Mataayo 1:23

«Loli! Umunyere, kundu atazi menyana noꞌmushosi, haliko agaheeka inda, anabute umwana woꞌbutabana! Noꞌyo mwana, bagamúyinika iziina Manweri, umugeeza gwalyo: Tutuliinwi na Rurema.»

Mataayo 28:20

Birya byoshi byo keera nꞌgamùbwira, mubayigirize kwo nabo bakizi bisimbaha. Munamenyage bwija kwo tuyamiinwi, halinde ukuhisa ku mberuuka yeꞌkihugo.»

Mikolezi 15:18

Ganali go nꞌgamenyeesa ukulyokera keera.”»

Mikolezi 17:26

«Mu mundu muguma, mwo Rurema akalyosa imilala yoshi yaꞌbandu, gira bakwire mu mahanga gooshi. Anababiikira neꞌbyanya byo âli mali gwanwa abatengekera. Anababiikira neꞌmbibi zaꞌho bagakizi tuula.

Bukengeeze 32:39

«“Lolaga! Si nienyene nie Rurema! Ndaaye gundi, átali niehe naaho. Nie mu yita, na ndi nie mu lamiisa. Ndi mu yita umundu, na njubi múheereza ubugumaana. Keera namùkomeeresa. Haliko buno, ngola ngamùkiza. Ndaaye úwanganyugutula umundu mu maboko gaani.

Bwigule 1:11

Yiryo izu, lyanambwira: «Ngiisi byo ugaabona, ubiyandike mu kitaabo! Unakitume mu yaga mashengero galinda: ishengero lyeꞌHefeso, neꞌryeꞌSimirina, neꞌryeꞌPerigaamo, neꞌryeꞌTyatira, neꞌryeꞌSaridi, neꞌryeꞌFiladerifiya, neꞌryeꞌLahodikiya.»

Bwigule 1:17

Ulya Mwana woꞌMundu, iri nꞌgamúbonaga, nanayami gwa mu magulu gaage, nanaba nga úkoli fwiri. Haliko, anambuma kwo noꞌkuboko kwage kweꞌlulyo. Anambwira: «Utayobohe! Nie Ndangiro. Na ndi nie Nyukizo.

Bwigule 1:8

Nahano Rurema adesiragi kwokuno: «Nie Rurema woꞌbushobozi bwoshi! Nie Halifa, na ndi nie Homega. Nie ndi ho. Nie wanâli yamiri ho. Nie ganaki yija.»

Bwigule 2:8

«Neꞌmwoꞌmuganda wiꞌshengero lya mu kaaya keꞌSimirina, uyandikage kwokuno: «Yaga magambo galyosiri imwoꞌlya úli Ndangiriro, anali ye Nyukizo. Kundu akafwa, haliko akazuuka:

Bwigule 22:13

Niehe nie Alifa na Omega! Nie Ndangiriro na Nyukizo. Nie Ndondeko na woꞌKuheza.