Hisaaya 41:22 - Kifuliiru

²² Aaho! Iyo migisi yinyu, itumenyeesagye keera íbikalenga, gira tubiyitoneese kwo. Na kwakundi, itulagulage ngiisi íbyâye be, tugwanwe twabimenya.

Hisaaya 41:22 ပူးပေါင်းရင်းမြစ်များ

Hisaaya 41:26

Imyazi mwene iyo, nyandagi keera úkagihwehuka, halinde tugwanwe twagimenya? Nyandi úkagilagula, halinde tudete kwokuno: “Kwokwo, kwo biri!” Si mu kati kiinyu, ndaaye kiri noꞌmuguma úkagwanwa adeta. Ee! Yago magambo, ndaabyo mukadeta hiꞌgulu lyago.

Hisaaya 42:9

Lolagi! Ngiisi byo nꞌgagwanwa nadeta, keera byakoleka. Na buno, ngola mu menyeesa ibihyahya. Ee! Ngola mu mùganuulira byo, bítazi koleka.»

Hisaaya 44:7

Aaho! Nyandi gundi úli nga nie? Iri angabiiri ali ho, ayimenyeese ku bweranyange. Andondobolere íbikakoleka yaho keera, ukulyokera ho nꞌgabiikira abandu baani. Anadete kwakundi na íbigaki koleka.

Hisaaya 45:21

Balya bandu, mubabwirage kwo banyijire. Ee! Tuganuulire kuguma! Ngiisi íbiri mu koleka buno, nyandagi úkagwanwa abiyerekana? Ka hali úkagwanwa abimenyeesa? Nanga, maashi! Si niehe Nahano naaho nie kabideta! Kwokwo, ndaaye gundi Rurema, átali niehe. Nie Lukiza úkwaniini, na ndi Rurema woꞌkuli. Ndaaye gundi úli ho!

Hisaaya 45:22

Mweshi, mwe mulyagagi mu mahanga gooshi! Mungalukire, lyo mukizibwa. Nie Rurema, ndaanaye gundi.

Hisaaya 46:10

Ngiisi íbiri mu koleka, nâli mali gwanwa nabimenyeesa ukulyokera ku ndondeko. Kundu bitâli zaazi koleka, haliko, nâli mali gwanwa namùmenyeesa byo. Ngiisi byo njungisiri, byo biri mu koleka. Ee! Ngiisi byo ndoziizi, byebyo, byo ndi mu gira.

Hisaaya 48:14

Mweshi mukuumanage, gira muyuvwirize. Nahano keera atoola Kiiro, abe mwira wage, gira agendi teera i Babeeri. Aaho! Mu mizimu yinyu, ka hali úgukagwanwa gwadeta kwokwo? Aahabi!

Hisaaya 48:3

Yaho kare, nâli mali gwanwa namùmenyeesa íbigakoleka. Ha nyuma, nanatondeera ukubikwiza, byanabuli kizi koleka.

Yohana 13:19

Yibyo byoshi, keera nagwanwa namùbwira byo, ku kyanya bitazi koleka. Kwokwo, mango bikoleka, lyo mulonga ukuyemeera kwo Nie Ndi ho.

Yohana 16:14

«Neꞌkyanya gugakizi yabiira amagambo imwani noꞌkukizi mùmenyeesa go, lyo gugandeetera ubulangashane.