Hisaaya 41:18 - Kifuliiru

¹⁸ Ngaleeta amiiji, gakizi hinga kiri áhayumuusiri ku marango geꞌmigazi. Ngashyosa ishyoko na mu ndekeera, na mbindulage ishamba ibe inyaaja. Na kundu liyumuusiri buno, haliko ligaaba noꞌtudota.

Hisaaya 41:18 ပူးပေါင်းရင်းမြစ်များ

Zaburi 104:10

Yumwo mu ndekeera, wanabiika mweꞌshyoko. Inyiiji zaazo, ziri mu kizi hinga mu misima.

Zaburi 105:41

Rurema anabalyokeza amiiji mu lwala. Kundu bâli riiri mwiꞌshamba, yago miiji ganakizi hinga nga lwiji.

Zaburi 107:35

Na kwakundi, anahindula ishamba, zibe kitenga kyaꞌmiiji. Kiri neꞌkihugo íkiyumiri, anakihindula kibe mweꞌshyoko íziri mu hinga.

Zaburi 126:4

E Nahano, ngiisi kwo ukatugashaanira ubwa mbere, kube kwo ugakizi tugashaanira kandi. Tukizi ba ngiꞌshamba lyeꞌNegebu, ikyanya inyiiji ziri mu shubi hinga mwo.

Hisaaya 12:3

Ikyanya mugakizibwa, lyo mugashambaala bweneene, nga ku kyanya muli mu vwoma amagoloovi mu shyoko.

Hisaaya 30:25

Ku yikyo kyanya, abagoma biinyu bagaaba keera baminikwa. Neꞌnyingo zoꞌtwaya twabo, zinabe zikola mishaka. Haliko mwehe, mu ngiisi migazi noꞌtugangazi, mugakizi hinga inyiiji.

Hisaaya 32:2

Ngiisi muguma wabo, agaaba nga handu haꞌbandu bagakizi yisiika umunyaga. Na kundu invula yoꞌmusiluula yangavuduka, agabatabaala, halinde batalobe. Bagaaba nga nyiiji íziri mu nywesa ishamba írihangalusiri, banabe nga lwala úlugiziri ikimbehwa mwiꞌshamba.

Hisaaya 33:21

Mu kalya kaaya, mwo Nahano agayiyerekana kwo ali munabushobozi. Tugakizi tuula ha butambi lyoꞌtudota, kiri neꞌnyiiji mbamu. Si amashuba gaꞌbagoma, kundu gangaba gali nangungubanga, goohe, gatagakizi bilenga mwo.

Hisaaya 35:1

Mu yizo siku, kiri niꞌshamba lyâye shagaluke. Kundu liki yumagusiri, lyâye ki shambaale. Indagiriro zâye hiirwe, zinayase ngiꞌpamba.

Hisaaya 44:3

E Bahisiraheeri, ikihugo kiinyu, kundu kikoli yumagusiri, haliko, ngakizi kinywisa, na ngishyose mweꞌnyiiji. Abandu beꞌkibusi kyawe, ngabayijuza mwoꞌmutima gwani. Na ngizi bagashaanira, halinde ku bashokuluza baabo.

Hisaaya 48:21

Ikyanya Nahano âli kizi rongoora Abahisiraheeri mwiꞌshamba, batâli nyotiirwi. Mukuba akababerera ulwala, anabalyokeze mwaꞌmiiji mingi. Yago miiji ganakizi golomba.

Hisaaya 58:11

Nie Nahano ngakizi mùrongoora. Kundu mwangaba mutuuziri ku luumagu, ngakizi mùkania indege. Mugaaba nga ndalo yo bali mu vwomerera, munabe nga shyoko yaꞌmiiji ágatâye kame.

Hisaaya 65:13

«Ku yukwo, nie Nahano Rurema, nadetaga kwokuno: Ku kyanya abakozi baani bagalonga ibyokulya neꞌbinywebwa, haliko mwehe kwo muli bandu babi, mugaaba muki shalisiri, iri munanyotiirwi. Abakozi baani bagakizi ba bashambiiri, haliko mwehe, munabe mujojobiiri.

Zakariya 14:8

Lwolwo lusiku, ishyoko zigaabira mu kaaya keꞌYerusaleemu. Yago miiji, maguma gagakizi hingira iwa Nyaaja yoꞌMuunyu. Agandi, ganakizi hingira iwa Nyaaja Mediterane. Yago miiji, gagayama gali mu kizi hinga ngiisi mwaka, kiba kikamo, kandi iri mbondo.

Bwigule 22:1

Uyo muganda, ananyerekaga ulwiji úluli mwaꞌmiiji goꞌbulamu. Yulwo lwiji, lwâli twanguusiri bweneene nga kiyo! Lwâli kizi huluka mu kitumbi kyeꞌkyami kya Rurema, na mu kyeꞌKyanabuzi.

Bwigule 7:17

Mukuba, kirya Kyanabuzi, ngiisi kwo kiri ha kati keꞌkitumbi kya Rurema, kyo kigakizi baragira. Kinakizi barongoora ha shyoko zaꞌmiiji goꞌbulamu. Imigenge yoshi íkeresiri mu masu gaabo, Rurema agagihotola.»

Batwi beꞌmaaja 15:19

Yaho i Leehi, Rurema anazununula amiiji mu kishimo, Samusooni anaganywa kwo, anashubi hembuluka. Kyo kitumiri iyo shyoko, ikayinikwa iziina Heni-Hakoore (kuli kudeta: ishyoko yoꞌlya úli mu huuna). Halinde na zeene, iyo shyoko ikiri ho.