Hisaaya 41:11 - Kifuliiru

¹¹ Balya booshi, kundu bagweti bagamùrakarira, si bagaki teezibwa ishoni, banatindimazibwe. Ikyanya bagaagira mbu bamùhambanie, bagaaba naaho nga kindu busha, banayami minikwa.

Hisaaya 41:11 ပူးပေါင်းရင်းမြစ်များ

Kulyoka 11:8

Musa anashubiza, ti: «Abatwali baawe booshi, bagayija imbere lyani, bananvukamire, iri banadeta: “Ugendage, maashi! Ugende na booshi bo muliriinwi.” Lyeryo, lyo ngalyoka mwo.» Musa anayami kuuduka imbere lya Faraho, akoli rakiiri bweneene.

Kulyoka 12:29

Iri kakaba kahola-masiga, Nahano anayita ifula zooshi za mu kirya kihugo kyeꞌMiisiri. Zirya fula zo akayita, zikatondeerera ku fula ya mwami, kundu âli kizi bwatala ku kitumbi kyeꞌkyami. Zanahisa na ku fula za ábâli lashirwi mu nyumba zeꞌmbohe. Kiri neꞌbitugwa, akayita ibyana byabyo bya mbere.

Kulyoka 23:22

Uyo muganda, iri mwangamúyuvwa ku bwigenderezi, munagire ngiisi byo ngamùbwira, lyo ngayigira mbe mugoma waꞌbagoma biinyu. Na ngiisi ábagweti bagamùgaya, naani, ngakizi bagaya.

Hisaaya 17:13

Yibyo binyamahanga, kundu bigweti bigalunduma kwokwo, haliko, Rurema agaki bikanukira, halinde binatibitire hala. Ee! Bagayimulwa duba, nga biguhulu íbiri mu yehuulwa neꞌmbuusi ku mugazi, kandi iri nga lukungu úluli mu tumuulwa noꞌmubangami.

Hisaaya 29:5

Kundu kwokwo, abagoma baawe, bagatumuulwa nga lukungu. Na kundu balyagagi katundu, banali banambamba, si bagalyosibwa ngana, nga byula íbiri mu yehuulwa. Masaasa atabukwa, yibyo byoshi bigayami koleka.

Hisaaya 29:7

Yibyo binyamahanga, ikyanya bigayiji teera i Yerusaleemu, booshi bagayami zimiira ngana, nga birooto. Mu kulooza ukuteera i Yerusaleemu, bagaaba bagisokaniini. Kundu kwokwo, bagazimiira ngana ngaꞌmabone ga mu bushigi.

Hisaaya 29:8

Umunamwena, ikyanya ali mu loota ibirooto, ali mu bona kwo agweti agaalya. Si mu kusisimuka, anakanguke mu kuyuvwa kwo aki shalisiri. Kiri noꞌmundu únyotiirwi, ali mu loota kwo akola mu nywa amagoloovi. Si mu kusisimuka, anabe aki nyotiirwi. Kwo na kwokwo, ikyanya abagoma bagayiji teera umugazi Sayuni, bagaatona kwo bagamùhima, shoobe!

Hisaaya 34:12

Yikyo kihugo, abatwali baamwo booshi bagaamala. Abaluzi nabo, bananyerere.

Hisaaya 40:17

Imbere lya Nahano, ibihugo byoshi biri nga ndaabyo. Agweti agabibona nga kindu busha, na nga kindu kizira kamaro.

Hisaaya 40:2

Yabo bandu beꞌYerusaleemu, mubamenyeese bwija-bwija, kwoꞌbuja bwabo keera bwamala, keera banakogwa ibyaha byabo. Ee! Ibyaha byabo byoshi-byoshi, keera Nahano akabahaniiriza hiꞌgulu lyabyo ubugira kabiri.»

Hisaaya 41:24

Aahabi! Ku kasiisa, mulyagagi tufwa-busha! Ndaanahyo íhiteerwa ku shinda hyo mwangahasha. Ngiisi úgweti úgakizi mùyikumba, si akoli ba kyagaza naaho!

Hisaaya 41:29

Aahabi! Iyo migisi yoshi, si iri yeꞌbibeesha naaho! Imikolezi yayo iri ndaayo. Iryagagi mimaata naaho, nga mbuusi!»

Hisaaya 45:24

Abandu bagaadeta hiꞌgulu lyani kwokuno: “Nahano naaho, ye mu gira íbikwaniini, ye na mwene ubushobozi.”» Haliko, ngiisi ábakamúrakarira, boohe, bagakizi múyijira bali jabati-jabati, banateezibwe ishoni.

Hisaaya 49:25

Kundu kwokwo, Nahano adetaga kwokuno: «Leero, imbira igaanyagwa mu maboko geꞌndwani. Na ngiisi byaꞌbasirikaani bakashahulaga, bigagalulwa. Ngiisi ábali mu kulwisa, nienyene ngabalwisa, halinde na ngize abaana baawe.

Hisaaya 49:26

Ngiisi ábali mu mùlibuza, ngakyula kwo balyagage iminyofu yabo boonyene. Na mbanywese noꞌmuko gwabo, halinde gunabalaluse, nga banywa idivaayi yeꞌkishogwe. Niehe, nie Nahano! Kwokwo abandu booshi bagaamenya kwo nie wamùkiza, nanamùguluula. Nie Rurema wa Yakobo, Rurema woꞌbushobozi bwoshi!»

Hisaaya 54:15

Ndaabo bandu bo ngaatuma, mbu bayiji kuteera. Na kundu bangayija, ugabaminika ngana-ngana!

Hisaaya 54:17

Kundu bangatula ibyugi hiꞌgulu lyoꞌkukulwisa, ndaakwo bigakugira. Neꞌkyanya bagakizi kubeeshera, ugakizi babeshuuza. «Yubu bwo buhyane bwaꞌbakozi baani. Ee! Nienyene nie gakuhimira!» Kwokwo, kwo Nahano adesiri.

Yeremiya 12:17

Si ngiisi mulala úgutagaba gunzimbahiri, ngagushikula lwoshi, gunazimiire.» Kwokwo, kwo Nahano adesiri.

Yeremiya 2:3

Ku yikyo kyanya, mwe Bahisiraheeri mwâli talwirwi imwani, mwanaba ngiꞌtomola lyeꞌmimbu. Ngiisi ábâli kizi kolwa mbu bamùhume kwo, banayami hanwa.» Kwokwo, kwo Nahano adesiri.

Zakariya 12:3

Ku yulwo lusiku, ngaagira akaaya keꞌYerusaleemu, gube mukungubwe muzito bweneene. Neꞌkyanya abandu ba yago mahanga bagaagira mbu bagutelule, bagayami guyikomeeresa kwo.

Mikolezi 16:39

Kyanatuma bagayiji balembereza. Na boonyene, banabahulusa mu nyumba yeꞌmbohe, banabayinginga kwo bashaagage mu yako kaaya kaabo.

Bwigule 3:9

«Yuvwagwi! Abandu ba mu kiso kya Shetaani bagweti bagabeesha mbu bali Bayahudi. Kundu kwokwo, ngabafukamya imbere liinyu, banayemeere kwo nimùkuuziri.