Hisaaya 40:7 - Kifuliiru

⁷ Ikyanya Nahano ali mu tufuuha, ibyasi binayami bogama, noꞌtwaso tunafwifwitire. Ku kasiisa, abandu balyagagi nga byasi naaho.

Hisaaya 40:7 ပူးပေါင်းရင်းမြစ်များ

Hayubu 14:2

Ali mu yasa bwija nga kaaso, haliko haaho, anashubi bogama. Ali mu lenga nga kimbehwa, anayami nyerera.

Hayubu 4:9

Yabo bandu, Rurema ali mu bafuuhira umuuka gwage, banayami fwa, banakumbululwe noꞌburaakari bwage.

Hayubu 41:21

Ubudinga buli nga kihande kyeꞌkyasi. Neꞌkyanya amatumu gali mu lashwa ku bwingi, kiri mu sheka naaho.

Zaburi 102:4

Isiku zaani, ziri mu yami nyerera nga kyusi. Amavuha gaani, ganakoli duusiri.

Zaburi 103:15

Umwana woꞌmundu, isiku zaage ziryagagi niini bweneene, nga kishuka, zinali mu lenga duba nga twaso.

Zaburi 103:16

Ikyanya imbuusi iri mu huusa, akaaso kanayami yehuuka. Kiri na ho kashuba, hatanaki kengeerwe.

Zaburi 90:5

Uli mu kizi mala abandu, mu kubahuniza. Bali mu ba nga kishuka kya shesheezi.

Zaburi 90:6

Kundu kiri mu ba kidohiri bweneene, haliko kabigingwe, kiri mu ba keera kyaholoka, kinayume.

Hisaaya 11:4

Haliko yehe, ikyanya agakizi twa ulubaaja lwaꞌbakeni, noꞌlwa ábatindimaziibwi, kugakizi ba ku njira íkwaniini. Ikyanya agakyula, abandu babi bagaahanwa, na banangora-mabi banaminikwe.

Hisaaya 37:27

Yiri igambo, lyo litumiri abatuulaga baamwo keera bashenguka, banakoli yobohiri bweneene, banakoli teziibwi ishoni. Bakolaga nga byasi byoꞌmuyonga, íbikiri mu shoga ku katwe. Kundu kwokwo, biri mu yami yumaguka, bítanazi kula bwija.

Hisaaya 40:24

Yabo batwali balyagagi nga mbuto. Ikyanya ziri mu byalwa, zinatondeere ukumera. Haliko, ikyanya ziri mu yisa imizi mwiꞌdaho, haaho, ali mu zifuuha, zinayami bogama. Imbuusi ngayu iri mu yami ziyehuulira hala nga byula!

Hisaaya 51:12

Nahano adetaga kwokuno: «Mumenye kwo niehe, nie ndi mu mùholeeza. Aaho! Kituma kiki muki yobohiri abandu, banali ba kufwa naaho? Si bagaahera nga byasi! Kituma kiki baki gweti bagamùkanga?

Hagayi 1:9

«Mwehe, kundu mukalangaalira umwimbu mwingi, haliko mwanayiji yimbula muniini naaho. Gulya muniini, ikyanya mukagutaahana, nꞌgayami guyehuulira hala. «Nie Nahano woꞌbushobozi bwoshi, namùbuuza kwokuno: “Kituma kiki byaba kwokwo? Yuvwagwi! Inyumba yani iki shasiri. Kundu kwokwo, ngiisi muguma winyu agweti agahahalira iyeꞌmwage naaho.

Yakobo 1:10

Haliko ngiisi mugale, ukuyiyuvwa kwage, kube bwo abiisirwi haashi. Mukuba, agaki lenga naaho, nga twaso twa mu kishuka.

Yakobo 1:11

Ikyanya izuuba liri mu ba keera lyatwa, ikyuka kyalyo kiri mu bogamya imbuto. Utwaso tunaholoke, tunabe tutaki buyahiri. Kwokwo, noꞌmugale naye, ikyanya ali mu ba akiri mu hiduukira mu mikolwa yage, mwomwo mwo ali mu fwira.