Hisaaya 40:6 - Kifuliiru

⁶ Izu ligweti ligaadeta: «Uberangire!» Nanabuuza: «Aaho! Biki byo nangaberangira?» Na wa naye, ti: «Udetage kwaꞌbandu booshi bali nga byasi. Kundu bali mu ba banonosiri, halikago, bali mu ba, ngoꞌtwaso naaho útugweti tugaholoka.

Hisaaya 40:6 ပူးပေါင်းရင်းမြစ်များ

Hayubu 14:2

Ali mu yasa bwija nga kaaso, haliko haaho, anashubi bogama. Ali mu lenga nga kimbehwa, anayami nyerera.

Zaburi 102:11

E Rurema, maashi! Nabonaga kwo ukoli rakiiri bweneene. Keera ukandengeza, wananvugumula hala.

Zaburi 92:7

Banangora-mabi, kundu bangadeha nga kishuka, banakizi genduukirwa, haliko ubuzinda, bagashereera imyaka neꞌmyakuula. Yibyo byoshi, ibizeeze bitangabimenya. Abahwija batangabisobanukirwa.

Hisaaya 12:6

Mwe batuulaga beꞌSayuni! Mubandire Nahano akabuuli, awi yiyi yiyi! Ee! Ali Mutaluule waꞌBahisiraheeri. Anatuuziri mu kati kiinyu, ku njira ya kahebuuza!»

Hisaaya 37:27

Yiri igambo, lyo litumiri abatuulaga baamwo keera bashenguka, banakoli yobohiri bweneene, banakoli teziibwi ishoni. Bakolaga nga byasi byoꞌmuyonga, íbikiri mu shoga ku katwe. Kundu kwokwo, biri mu yami yumaguka, bítanazi kula bwija.

Hisaaya 40:3

Umundu agweti agayiberekania kwiꞌzu lihamu, ti: «Mushongaanize Rurema Nahamwitu injira mwiꞌshamba. Ee! Mugendi múgololera yo, halinde alonge ho agakizi lenga bwija.

Hisaaya 51:12

Nahano adetaga kwokuno: «Mumenye kwo niehe, nie ndi mu mùholeeza. Aaho! Kituma kiki muki yobohiri abandu, banali ba kufwa naaho? Si bagaahera nga byasi! Kituma kiki baki gweti bagamùkanga?

Hisaaya 58:1

Nahano adetaga kwokuno: «Ukizi banda akashiba! Utanayihangirire! Uyiberekaanie bukayu, kwiꞌzu nga lyeꞌkibuga! Umenyeese abandu baani ngiisi kwo keera bahubira Rurema, mu kukizi yifunda mu byaha.

Yeremiya 2:2

kwo ngendi menyeesa abatuulaga beꞌYerusaleemu, ti: «Ngi kengiiri kweꞌkyanya mwâli ki riiri nga muhya-kazi wani, mwâli nvitiirwi kwo bweneene. Mwâli njagalukiiri. Neꞌkyanya nꞌgamùleeza mwiꞌshamba, mwanakizi ngulikira, kundu ndaazo mbuto ízimeziri mwo.

Yeremiya 31:6

Mu yizo siku, abalaliizi bagakizi yimanga mu migazi ya Hifurahimu, banatange ikitambira, ti: E balya! Mugire tuzamuukire ku mugazi Sayuni, gira tugendi yikumba Rurema Nahamwitu.”»

Hosheya 5:8

«Mukizi dihiriza ikibuga i Gibeya, kiri na mu kaaya keꞌRama. Mukizi yamiza-yamiza mu kaaya keꞌBeeti-Haweni, mu kubakengula. Mwe basirikaani ba Binyamiini! Mushokolage injira, mu kugendi lwa.

Zakariya 1:14

«Uyo muganda anambwira kwokuno: “Uberangirage, halinde abandu booshi bakuyuvwe. Mukuba, Nahano woꞌbushobozi bwoshi, adetaga kwokuno: Akaaya keꞌYerusaleemu, kuguma noꞌmugazi Sayuni, mbikuuziri bweneene.