Hisaaya 40:4 - Kifuliiru

⁴ Ngiisi kabanda kakizi fulirwa. Na ngiisi mugazi, na ngiisi higangazi, bikizi shaabulwa. Injira zeꞌngofola, zigololwe. Na ngiisi áhali ibihomogolo, hasimaanibwe.

Hisaaya 40:4 ပူးပေါင်းရင်းမြစ်များ

Migani 2:15

Ngiisi byo bagweti bagaagira, bihengamiri. Ngiisi ho bali mu lenga, bali mu lyeryegana.

Hisaaya 40:3

Umundu agweti agayiberekania kwiꞌzu lihamu, ti: «Mushongaanize Rurema Nahamwitu injira mwiꞌshamba. Ee! Mugendi múgololera yo, halinde alonge ho agakizi lenga bwija.

Hisaaya 40:5

Haaho, lyoꞌbulangashane bwa Nahano bugayerekanwa. Abandu booshi kuguma, bagabubona. Kwokwo, kwo Nahano adesiri.»

Hisaaya 42:11

Ngiisi ábatuuziri mwiꞌshamba, bakizi múyimbira kwiꞌzu lihamu! Na ábatuuziri mu maheema geꞌKedaari, bakizi múhuuza. Abatuulaga beꞌSeela babandage utubuuli, awi yiyi yiyi! Ee! Bakizi banda utubuuli kwiꞌrango lyoꞌmugazi.

Hisaaya 45:2

Ngakizi gwanwa imbere lyawe, gira ngusemaanize imigazi. Inyiivi ízikagirwa mu miringa, ngakizi zivungula, na ndwise neꞌbyuma byoꞌkuzihamika.

Hisaaya 49:11

Imigazi yoshi, ngagibera mweꞌnjira. Iyo njira inakizi lenga áharambagiiri.

Hisaaya 62:10

E batuulaga beꞌYerusaleemu, muhuluke mu kaaya! Ee! Muhulukage, mulingaanize abandu biinyu injira, gira bagaluke. Ngiisi áhali ibihomogolo, muhaseemanie. Na áhali amabuye, mugalyosagye. Mubiike irembera, likizi languula abandu ho bagalenga.

Hezekyeri 17:24

«Kwokwo, lyeꞌbindi biti byoshi íbiri mu yikyo kihugo bigaamenya ku kasiisa kwo nie Nahano. Ee! Ibiti bila-bila, ndi mu kizi bimanula. Haliko, ibiti byofi-byofi byohe, na mbiyinamule. Ibiti bibishi, ndi mu biyumya. Halikago ibiti byumu, na mbikuze. Yibi byoshi, nie Nahano, nie wabideta, nie nganabigira.»

Hezekyeri 21:26

«Buno, uyo mwami weꞌBabeeri ahika ha mashangaaniza, analaguza. Na mu kulooza ho agalenga, ali mu shagania imyambi, iri anahanuusa imigisi yage. Anakizi loleekeza kiri na madiku geꞌbitugwa íbyatangwa amatuulo.

Zakariya 4:7

Kiri na nangungubanga woꞌmugazi, gutagakuhangirira. Si ugagushaabula! Neꞌkyanya ugabiika ibuye lyeꞌmbeka mu nyumba ya Rurema, abandu bagakizi deta kiranga, ti: “Ibuyahiri! Ibuyahiri!”»

Luka 18:14

Yesu anashubi deta: «Namùbwiraga kwoꞌlya mubuguza, ikyanya akataahira i kaaya, ye kagaluka akoli kwaniini imbere lya Rurema. Si uwabo, nanga! Kwokwo, iri umundu angaba agweti agayikuza, agabiikwa haashi. Haliko, iri angayibiika haashi, lyoki lyo agakuzibwa.»

Luka 3:5

Ngiisi kabanda, kakizi fulirwa! Na ngiisi mugazi, na ngiisi higangazi, bimanulwe. Injira ízihengamiri, zihengamulwe. Na ngiisi áhali ibihomogolo, hasimaanibwe.

1 Samweri 2:8

Abakeni, Nahano ali mu bayinamula mu luvu, na mu munyota-kiiko. Anabayimike, banabwatale kuguma naꞌbatwali. Ikihugo kyoshi, kiri kyeꞌmwage, ye kakitereka ku ndaliro zaakyo.