Hisaaya 40:12 - Kifuliiru

¹² Aahago! Nyandi gundi keera úkagera inyaaja mu maboko gaage? Kandi iri akoleesa ukuboko, mu kugera ikyanyaanya? Nyandagi úyiji ubuzito bweꞌkihugo, keera anagera imigazi noꞌtugangazi noꞌlugero?

Hisaaya 40:12 ပူးပေါင်းရင်းမြစ်များ

Hayubu 28:25

Ye kashungika ngiisi kweꞌmbuusi igakizi huusa, anashungika kwakundi ngiisi kweꞌnvula igakizi nia.

Migani 30:4

Aaho! Nyandi úkazamuukira mwiꞌgulu anashubi yija hano mu kihugo? Nyandi úkafumbata imbuusi? Nyandi úkaboha amiiji mu mulondo? Nyandi úkabiika imbibi zeꞌkihugo? Uyo, iziina lyage ali nyandi? Na mugala wage, iziina lyage ye nyandi? Iri wangaba umúyiji, umúmbwire.

Hisaaya 48:13

Indaliro zeꞌkihugo, nie kazibiika naꞌmaboko gaani nienyene. Kiri niꞌgulu, nie kalitabika. Ikyanya ndi mu bihamagala, binayami nyitaba.

Yeremiya 31:37

Nahano adetaga kwokuno: «Igulu litangagerwa. Kiri niꞌdaho, ndaaye úwangamenya byoshi íbilibishamiri mwo. Kwokwo naꞌBahisiraheeri, kundu bakahuba, si bitangaziga kwo mbajande.»

Hamoosi 4:13

Nahano ye kalema imigazi. Ye nali mu husiisa imbuusi. Ngiisi byo ali mu ba ashungisiri ukugira, ali mu gwanwa abimenyeesa abandu. Ali mu hindula izuuba lyoꞌmusasa, bube bushigi. Anali mu hinyata-hinyata ku marango. Iziina lyage, ye Nahano Rurema woꞌbushobozi bwoshi!

Bwigule 20:11

Nanabonaga ikitumbi kihamu kyoꞌbwami, kyeru pepeepe! Nanabona na úwâli kibwatiiri kwo. Ikihugo niꞌgulu byanayami nyerera imbere lyage. Mukuba, hatakaki boneka ho bigabeera.