Hisaaya 40:10 - Kifuliiru

¹⁰ Nahano Rurema agweti agayija mu bukalage bwage. Ali mu twala abandu ku bushobozi bwaꞌkahebuuza. Na bwo agabahemba, ali mu yija agweti imbembo zaabo.

Hisaaya 40:10 ပူးပေါင်းရင်းမြစ်များ

Ndondeko 15:1

Ha nyuma, Nahano anayijira Hiburamu mu mabone, anamúbwira kwokuno: «E Hiburamu, utakizi yoboha. Nie siribo yawe. Na byo ngakuhemba, biri tiita.»

Zaburi 110:6

Yago mahanga, ikyanya agagahana, gagaaba gayijwiri ibirunda, anayite abatwali baago booshi.

Zaburi 66:3

Mukizi bwira Rurema kwokuno: «Ngiisi byo uli mu gira, biri bya kitangaaza. Bwo uli kihagarusi bweneene, abagoma baawe bali mu yiji fukama imbere lyawe.

Hisaaya 28:2

Lolagi! Yako kaaya, Nahano agalungika ibikalage byaꞌbasirikaani, gira bagendi kateera. Bagayami yija bali nga nvula yoꞌlugungu íyatundwa neꞌkihuhuuta. Yabo basirikaani bagakayifuka mwo ngoꞌmwijulire muhamu gwaꞌmiiji, banakahongoleke haashi.

Hisaaya 33:2

E Nahano, tukubiisiri kwoꞌmulangaaliro. Aaho! Utukejererage! Ukizi tusikamya ngiisi shesheezi. Neꞌkyanya tugakizi longa amalibu, unatukize.

Hisaaya 49:4

Kundu kwokwo, nanadeta: «Ngiisi byo nꞌgahimbukira kwo, si bikafwa ubusha! Kundu nꞌgabiyitubanula kwo, bikola ndaabyo. Kundu kwokwo, yibyo byoshi, Nahano Rurema ye yiji ikishingo kyabyo. Ye ganambemba hiꞌgulu lyabyo.»

Hisaaya 51:5

Ngola ngamùkiza, namùleetere ibyoꞌkuli. Yibyo byoꞌkuli, ngabileetera kiri neꞌbinyamahanga byoshi, mu kukoleesa ubushobozi bwani. Yabo booshi bakolaga bagandangaalira, halinde mbatabaale.

Hisaaya 53:12

Uyo mukozi akaharuurirwa kuguma naꞌbanyazi, anayitanga ayitwe, gira lyo abetula ibyaha byaꞌbandu bingi. Ee! Yabo booshi, anabahuunira kwo babikogwe. Kyo kitumiri ngamúgingika nga musirikaani úwahima mwiꞌzibo, analonge iminyago kuguma naꞌbakulu.»

Hisaaya 59:15

Yukwo kuli, kukoli bulisiri. Ngiisi úli mu gira kwo ayiyeke amabi, ali mu yami teerwa. Yukwo kuli, ikyanya Nahano akakuloozagya mu bandu, atanakubona. Kyanatuma agayagalwa bweneene.

Hisaaya 59:16

Neꞌri akalooza umundu woꞌkutabaala abandu baage, atanamúbona, kyanatuma agasoomerwa. Kwokwo, yenyene agakoleesa ubushobozi bwage, mu kuyiji kiza abandu baage. Ukuli kwage kwanamúsikamya,

Hisaaya 59:18

Mu kugira kwokwo, lyo agaahana abagoma baage, nga kwo bibakwaniini, kiri na ábatuuziri i mahanga. Ee! Ngiisi ábamúshombiri, agabarakarira.

Hisaaya 62:11

Nahano agweti agabwira abandu baꞌmahanga gooshi kwokuno: «Mubwire abatuulaga beꞌSayuni, kwo Lukiza wabo akolaga mu njira. Anali neꞌmbembo yage, gira abahembe.»

Hisaaya 63:5

Keera nꞌgalangiiza hooshi, haliko, ndaaye mundu ye nꞌgabona, úwangandabaala. Neꞌri nꞌgabulaga umundu woꞌkunjiga, nanasoomerwa bweneene. Kundu kwokwo, nanakiza abandu baani ku bushobozi bwani nienyene. Uburaakari bwani, bwo bukanzikamya.

Yeremiya 31:16

Nie Nahano, nadetaga kwokuno: “Uhulikage ma! Uhotole imigenge. Si ngaki kuhemba ku ngiisi byo wâli kizi kola. Abaana biinyu, kundu bakiri mu maboko gaꞌbagoma biinyu, bâye ki gafuushuke mwo.

Malaki 3:1

Nahano woꞌbushobozi bwoshi, adetaga kwokuno: «Ngola ngalungika indumwa yani, gira igwanwe yanjongaaniza injira. Iyo ndumwa, inayiji menyeesa ikihango kyo tuganywana. Lolagi! Yoliira agweti agayija! Haaho, bwo mundindiriiri ku kyedu, nienyene ngayami yija mu nyumba yani.»

Mataayo 28:18

Haaho, Yesu anabayegeera, anababwira kwokuno: «Niehe, mbaabirwi ubushobozi bwoshi bwa mwiꞌgulu, na bwa hano mu kihugo!

Yohana 12:13

Kyanatuma yabo bandu bagagendi tema amatavi geꞌbigazi. Banagendi músanganira, iri banabanda akabuuli, mu kumúyivuga kwokuno: «Rurema ahuuzibwe! Uyu mundu, bwo ayijaga kwiꞌziina lya Nahano, agashaanirwe! Ee! Mwami waꞌBahisiraheeri agashaanirwe!»

Yohana 12:15

«E bandu beꞌSayuni, mutayobohe! Lolagi! Mwami winyu agweti agayija ashoniri ku mwana wa punda.»

Baheburaniya 2:14

Yabo ábakadetwa kwo abaana, bali mu ba naꞌmagala ágahiiti iminyofu noꞌmuko. Kyo kitumiri Yesu naye akayija ali naꞌmagala noꞌmuko. Kwokwo, ikyanya akafwagaga, lyo akalonga ukushereeza Shetaani, ulya úwâli hiiti ubushobozi hiꞌgulu lyoꞌlufu.

1 Yohana 3:8

Haliko, iri umundu angakizi gira ibyaha, iri alyagagi wa Shetaani. Mukuba, Shetaani ayamiri agweti agaagira ibyaha ukulyokera ku ndondeko. Na íbikatuma Umwana wa Rurema akayija, gira ayiji shereeza ngiisi byo Shetaani agweti agaagira.

Bwigule 17:14

Yabo booshi, bagagendi lwisa yikyo Kyanabuzi. Haliko, kigabahima. Mukuba, yikyo Kyanabuzi, ye Nahano wa banahano. Anali ye Mwami wa baami. Neꞌkyanya kigaahima yabo baami ikumi, kigaaba kuguma naꞌbakulikizi baakyo bemeera, balya bo kikatoola, keera kikanabahamagala.»

Bwigule 20:11

Nanabonaga ikitumbi kihamu kyoꞌbwami, kyeru pepeepe! Nanabona na úwâli kibwatiiri kwo. Ikihugo niꞌgulu byanayami nyerera imbere lyage. Mukuba, hatakaki boneka ho bigabeera.

Bwigule 22:12

«Mumenye bwija kwo ngola bu galuka! Neꞌkyanya ngagaluka, na mbe ngola neꞌmbembo, lyo ngahemba ngiisi bandu, ukukulikirana na ngiisi kwo bâli kizi gira.