Hisaaya 38:5 - Kifuliiru

⁵ kwo agendi bwira Hezekiya kwokuno: «Ndi Nahano Rurema wa shokuluza wawe Dahudi. Galya mahuuno gaawe, keera nagayuvwa, nanabona neꞌmigenge yawe. Ku yukwo, ngakuyushuulira imyaka ikumi niꞌtaanu ku burambe bwawe.

Hisaaya 38:5 ပူးပေါင်းရင်းမြစ်များ

1 Baami 15:4

Kundu kwokwo, bwo Nahano âli kuuziri shokuluza wage Dahudi, kyanatuma agahanguula abaana baage bakizi yiji yimikwa ahandu haage. Kwokwo, lyeꞌmbaga yeꞌkyami itahere, haliko akaaya keꞌYerusaleemu kalonge ukukizi sikama.

1 Baami 8:25

«E Nahano Rurema waꞌBahisiraheeri, daata Dahudi âli mukozi wawe. Keera ukamútangira gulya muhango, ti: “Iri bagala baawe bangakizi simbaha amagambo gaani, nga kwo wenyene wâli kizi gasimbaha, kwokwo mu bibusi byawe byoshi, ugagenderera ukukizi ba noꞌmundu woꞌkubwatala ku kitumbi kyoꞌbwami bwaꞌBahisiraheeri, halinde imyaka neꞌmyakuula.” «Kwokwo, e Rurema! Buno gulya muhango, ugukoleesagye.

2 Baami 18:13

Uyo mwami Hezekiya, ikyanya akahisa imyaka ikumi niꞌna atwaziri, lyo mwami Senakeribu weꞌHasuriya akayiji teera utwaya twoshi tuzitire tweꞌBuyuda, anatugwata.

2 Baami 18:2

Uyo Hezekiya, ikyanya akayima, âli kola neꞌmyaka makumi gabiri niꞌtaanu, anahisa imyaka makumi gabiri na mwenda atwaziri i Yerusaleemu. Nyina ye wâli Habi, munyere Zakariya.

2 Baami 19:20

Ha nyuma, Hisaaya mugala Hamoozi, anatuma indumwa imwa Hezekiya, ti: «Nahano Rurema waꞌBahisiraheeri adetaga kwokuno: “Yago mahuuno gaawe hiꞌgulu lya mwami Senakeribu weꞌHasuriya, keera nagayuvwa.

2 Kutondobola 34:3

Mwami Yosiya, ikyanya akahisa imyaka munaana atwaziri, âli ki riiri musore. Haaho, anatondeera ukulooza Rurema wa shokuluza wage Dahudi. Neꞌri akahisa imyaka ikumi niꞌbiri atwaziri, anatondeera ukuyeruusa ikihugo kyeꞌBuyuda, kuguma naꞌkaaya keꞌYerusaleemu. Akahongola imbeero zoꞌkuyikumbira mwo ku marango. Anavungula neꞌnguliro zoꞌmuzimu Hasheera, neꞌmigisi mibaaje, kiri neꞌgindi migisi íkatulwa.

Hayubu 14:5

Umundu, isiku zaage zoꞌkuramba, keera ukazigereereza. Unakoli yiji umuharuuro gweꞌmyezi yage. Atanahangwirwi ukutalusa kiri neꞌhinyerere hiniini.

Zaburi 116:15

Abandu ba Nahano, ikyanya bali mu fwa, naye ali mu lyanirwa bweneene.

Zaburi 147:3

Ngiisi ábali mu ba bavunisiri imitima, ali mu bakania yo. Neꞌnguma zaabo, anazishweke.

Zaburi 39:12

Ikyanya abandu bali mu kizi huba, uli mu bakanukira, unabahane. Na kundu bangalongaga ubugale, haliko ibihwi-hwi biri mu bufuuha kwo, bunamale. Ngiisi mundu ali nga muuka naaho, úguli mu lengaga.

Zaburi 56:8

E Rurema, utabaleke kwo bafuushuke. Haliko, ubatindimaze ku buraakari bwawe.

Zaburi 6:9

Mwe banangora-mabi mweshi, munjaagage ha butambi. Si Nahano keera ayuvwa ngiisi kwo ngola mu lira.

Mwigiriza 3:3

Hali ikyanya kyoꞌkuyita, na kyoꞌkukiza. Hali ikyanya kyoꞌkuhongola, na kyoꞌkuyubakulula.

Hisaaya 37:21

Ha nyuma, Hisaaya mugala Hamoozi, anatuma indumwa imwa Hezekiya, ti: «Nahano Rurema waꞌBahisiraheeri adetaga kwokuno: Yago mahuuno gaawe hiꞌgulu lya mwami Senakeribu weꞌHasuriya, keera nagayuvwa.

Hisaaya 38:4

Lyeryo Hisaaya, Nahano anashubi mútumira indumwa

Kimombo 3:56

Nâli gweti ngakutakira kwokuno: «Unyuvwirize, we kongwa! Si ngweti ngakulirira, mu kukutabaaza!»

Mataayo 22:32

“Nie Rurema wa Hiburahimu, na wa Hisake, na wa Yakobo.” Kwokwo, Rurema atalyagagi Rurema waꞌbafwiri. Si ali Rurema waꞌbagumaana!»

Luka 1:13

Haliko, uyo muganda anamúbwira, ti: «E Zakariya, utayobohe! Galya magambo go ukahuuna Rurema, keera agayuvwa. Mukaawe Ruzabeeti, agakubutira umwana woꞌbutabana. Noꞌyo mwana, ukamúyinike iziina Yohana.

Mikolezi 27:24

anambwira: “E Pahulu! Utayobohe! Si ushungisirwi kwo ugagendi yimanga imbere lya Kahisaari. Na kwakundi, umenye bwija kwo yaba booshi bo mubalamiinwi, Rurema agakukiriza bo ku lukogo lwage.”

2 Bakorindo 7:6

Haliko, ikyanya Tiito akayija, lyo Rurema akatuholeeza. Ee! Ikyanya abandu bali mu vunika imitima, Rurema ali mu baholeeza.

Bwigule 7:17

Mukuba, kirya Kyanabuzi, ngiisi kwo kiri ha kati keꞌkitumbi kya Rurema, kyo kigakizi baragira. Kinakizi barongoora ha shyoko zaꞌmiiji goꞌbulamu. Imigenge yoshi íkeresiri mu masu gaabo, Rurema agagihotola.»