Hisaaya 38:12 - Kifuliiru

¹² Uburambe bwani bukolaga ngiꞌheema lyoꞌmungere, lyo bali mu kulula haashi, banalishaaze. Yoho wee! Si ngola mu malaga, ngoꞌmulondo gwoꞌmuhaazi ali mu bungiriza. Mu lusiku luguma naaho, lyo wayami mbisa ku mbeka yeꞌsiku zaani.

Hisaaya 38:12 ပူးပေါင်းရင်းမြစ်များ

Hayubu 14:2

Ali mu yasa bwija nga kaaso, haliko haaho, anashubi bogama. Ali mu lenga nga kimbehwa, anayami nyerera.

Hayubu 17:1

«Keera nꞌgavunika umutima. Isiku zaani, zikola bu mala. Ishinda naaho, yo ikoli ndindiiri.

Hayubu 4:20

Shesheezi, abandu bali mu ba bakiri bagumaana. Haliko kabigingwe, banabe keera bafwa. Yabo bandu, bali mu ba bazimiiri lwoshi-lwoshi.

Hayubu 6:9

Emwe! Nangaloziizi kwo anganvuta-nvuta. Angagolwiri ukuboko, anayami nyita.

Zaburi 102:11

E Rurema, maashi! Nabonaga kwo ukoli rakiiri bweneene. Keera ukandengeza, wananvugumula hala.

Zaburi 119:23

Kundu abatwali bangakuumana, mbu bakizi ngirira igambi libi, haliko ngakizi yitoneesa hiꞌgulu lyeꞌmaaja zaawe. Mukuba, ndi mukozi wawe.

Zaburi 31:22

Nahano ayivugwe! Mukuba, ikyanya nâli koli kunguliirwi niꞌzibo, akanyereka urukundo lwage lwaꞌkahebuuza.

Zaburi 73:14

Si ndi mu shiiba mu malibu naaho! Ngiisi shesheezi ndi mu hanwa-hanwa.

Zaburi 90:5

Uli mu kizi mala abandu, mu kubahuniza. Bali mu ba nga kishuka kya shesheezi.

Hisaaya 1:8

Kalya kaaya keꞌSayuni, kakoli sokaniinwi naꞌbagoma. Kakoli sizirwi nga kitunda kyoꞌmushaka mu ndalo yeꞌmizabibu, kandi iri mu yeꞌngukuma.

Hisaaya 13:20

Kalya kaaya keꞌBabeeri, katâye ki tuulwe mwo. Si kagasigala mushaka, halinde imyaka neꞌmyakuula. Ndaaye Muharaabu úwâye ki shinge mwiꞌheema lyage, ndaanaye mungere úwâye ki gishe mwo.

2 Bakorindo 5:1

Yaga magala go tuki tuuziri mwo hano mu kihugo, galyagagi ngiꞌheema naaho. Tunayiji kweꞌkyanya gagashereera, Rurema agatuheereza inyumba mwiꞌgulu, itanayubasirwi naꞌmaboko gaꞌbandu. Haaho, ho tugatuula mweꞌmyaka neꞌmyakuula!

2 Bakorindo 5:4

Si ikyanya tuki ryagagi mu gano magala, tukiri mu zidoherwa, tunali mu gongeera. Kutali kudeta kwo tuloziizi ukushaaga mu magala giitu, mbu tufwe. Si ibyo tuloziizi, kwo tuyambikwe amagala ga mwiꞌgulu. Ee! Tuloziizi kwo gano magala ga kufwa, gamirwe na íbigayama biri bigumaana!

Baheburaniya 1:12

unabigushe-gushe ngiꞌkanju, binahindulwe nga bishajiira. Wehe, uyamiri uli we yolya-yolya. Neꞌmyaka yawe itâye heke!»

Yakobo 4:14

Si mutayiji íbigamùkoleka kwo, kiri na kusheezi! Uburambe bwinyu, bulyagagi buki? Si buli nga luuta! Luli mu boneka ku hyanya hiniini, lunayami nyerera!