Hisaaya 32:6 - Kifuliiru

⁶ Umuhwija agweti agaravwanga, iri anakizi shungika naaho ukugira amabi. Ali mu higula imbere lya Nahano, iri anakizi mútyoza. Ikyanya ali mu bonaga ábashalisiri, atali mu bashaluula. Kiri na ábanyotiirwi, atali mu baheereza amiiji mbu banywe.

Hisaaya 32:6 ပူးပေါင်းရင်းမြစ်များ

Zaburi 141:4

Ukizi langa noꞌmutima gwani, gutahemukire amabi. Utalekage kwo ngizi yibiika ku bali mu kizi gira ibihigo. Na kundu ibyokulya byabo byangaba biheshiri ngana, haliko, utaleke mbu ngizi birya kwo.

Migani 19:3

Umuhwija, ubuhwija bwage bwo buli mu músherebeza. Kundu kwokwo, ali mu rakarira Nahano.

Migani 24:7

Umuhwija atangasobanukirwa noꞌbwitegeereze. Ikyanya kyoꞌkuhanuusania, ndaalyo igambo lyo ahiiti.

Hisaaya 10:2

Bali mu kizi yima abakeni íbibakwaniini. Yabo bandu, kundu bali beꞌmwani, si bakiri mu balyalyania. Bali mu hanguula abandu kwo bakizi nyaga ibindu bya banamufwiri, neꞌfuuvi.

Hisaaya 10:6

Balya bandu beꞌHasuriya, nie mu batuma, kwo bagendi teera abandu baani! Mukuba, balya bandu baani, keera bambindulira ingoto. Na bwo bakandakarira bweneene, ngahanguulaga Abahasuriya kwo bagendi bateera, banabashahule ibindu. Bagabahinyata-hinyata, nga kwo bali mu hinyata ibidaka mu njira.

Hisaaya 26:10

Si banangora-mabi, boohe, kundu wangabagirira bwija, ndaazo ngesho nyija zo bali mu yiga. Bagenderiiri naaho ukukizi bihuuka. Na kundu ulyagagi Nahano woꞌbulangashane, si batakutwaziizi.

Hisaaya 3:15

Aahago! Kituma kiki mugweti mugavindagaza abandu baani, halinde banabe banakahuku?» Kwokwo, kwo Nahano Rurema woꞌbushobozi bwoshi adesiri.

Hisaaya 31:2

Kundu kwokwo, Rurema alyagagi mwitegeereza, anali noꞌbushobozi bwoꞌkuhana. Neꞌkyanya ali mu kyula, atali mu yishuhiza. Agweti agahagana na banangora-mabi, anaminike ngiisi ábali mu bayibiika kwo.

Hisaaya 59:13

Tukakulahira, tutanâli kutwaziizi. Twanakuhindulira ingoto, unali we Rurema witu. Tuli mu kizi vyula ubuhuni, iri tunalibuzania. Imitono ya mu mitima yitu, biri binyoma naaho, kiri na byo tuli mu deta.

Hisaaya 59:7

Muyeshuhiri ukugendi kola amabi. Munavwarusiri, kwo mugendi yita abandu bazira buhube. Inzaliro ziinyu ziri mu lola ku mabi naaho. Na ngiisi ho muli mu genda, muli mu yita haꞌbandu, munahasige mushaka.

Hisaaya 9:17

Ikyanya abandu bagweti bagaagira amabi, gali mu ba nga muliro. Guli mu tee singoola imigenge, gunabuli yigwima mu biti bihamu, halinde ikyusi kinanunge bweneene mu kyanyaanya.

Yeremiya 13:23

«Aahago! Umuhendyopiya, ka ashobwiri ukuyihindula uluhu lwage? Neꞌngwi kwakundi, ka yangahindula ibikeba-bikeba byayo? Kwo na kwokwo niinyu, bwo mukoli komiiri ukugira amabi, ka mwangaki hasha ukuhinduka, mbu munakole amiija? Nanga, maashi!

Hezekyeri 34:18

Baguma biinyu bagweti bagaliisa ubwasi bwija. Haliko, imisigala yabwo, banagifine-fine. Na kwakundi, muli mu shyola amiiji miija. Haliko, amiiji ágasigiiri, munakizi gatwanga mu kugafina-fina mwo!

Danyeri 12:10

Abandu bingi bagayeruusibwa, halinde batanabe naꞌkashembo, banabe bakola beeru. Si banangora-mabi boohe, bagagenderera ukukizi bihuuka. Mu kati kaabo, ndaaye úgakizi sobanukirwa. Si abitegeereza boohe, bagasobanukirwa.

Hamoosi 8:6

Si kiri neꞌshekesheke zeꞌngano, tugazifusha mweꞌngano nyija, tunaguliise byoshi kuguma. Tugagulaga abakeni ku biraato bibiri, kandi iri ku harija niini, banabaagage baja biitu.»

Mataayo 15:19

Mu mutima gwoꞌmundu, mwo muli mu lyoka imitono mibi, noꞌbwitani, noꞌbushule, noꞌbweruzi, noꞌbuzimba, neꞌbibeesha, noꞌlugamba.

Mataayo 23:13

«Yayewe imwinyu, mwe bigiriza beꞌmaaja naꞌBafarisaayo! Si mulyagagi balyalya! Umulyango gwoꞌkuyingira mu bwami bwa mwiꞌgulu, mugweti mugaguyigalira abandu! Mwenyene, mutali mu buyingira mwo. Neꞌkyanya abandi bagweti bagaagira mbu bayingire mwo, muli mu bahangirira. [

Yakobo 1:27

Abandu bo Daata Rurema ali mu bona kwo bali beeru na bazira buhube, bali mu tabaala ifuuvi na banamufwiri mu makuba gaabo, banali mu yilanga neꞌbyeꞌkihugo, gira bitakizi bayulubaza.

1 Samweri 24:13

«Ku yukwo, ha kati kiitu twembi, Nahano abe ye gaatwa ulubaaja. Keera wambubira bweneene. Kwokwo, hali ikyanya Nahano yenyene anganyihoolera. Si niehe, ndagakuhuma kwo!