Hisaaya 32:5 - Kifuliiru

⁵ Abahwija batagaki yivugwa mbu bo bakulu. Kiri noꞌtufwa-busha, abandu batagaki tugingika.

Hisaaya 32:5 ပူးပေါင်းရင်းမြစ်များ

Zaburi 12:8

E Nahano, banangora-mabi bagweti bagayikangaata. Na íbitali nga byo, byo biri mu huuzibwa mu bandu. Kundu kwokwo, balya babi, we gakizi tuhaliza bo. We ganakizi tulanga, halinde imyaka neꞌmyakuula.

Zaburi 15:4

Banangora-mabi boohe, uyo mundu ababwini buligo bweneene. Si ngiisi ábasimbahiri Nahano, ali mu kizi bagingika. Ngiisi byo ali mu biikira kweꞌndahiro, ali mu bikoleesa, kundu byangaba bya kumúhombeesa.

Hisaaya 32:7

Balya banangora-mabi bagweti bagateberezania. Kundu abakeni bangaba bo bakwiriiri ukulonga ukuli kwabo, yabo babi boohe, bali mu babangaaniza, lyo babanyage ibindu byabo.

Hisaaya 5:20

Yayewe imwa ngiisi ábakola mu deta kwaꞌmabi go miija, na kwaꞌmiija go mabi! Banadesiragi kweꞌkihulu gwoꞌmulengeerwe, na kwoꞌmulengeerwe kyo kihulu. Banadesiri kweꞌbilulu byo binunu, na kweꞌbinunu byo bilulu.

Malaki 3:18

Haaho, lyo mugashubi bona ulubibi, úluli ha kati koꞌmundu úkwaniini, noꞌmundu mubi. Muganaki bona ulubibi ha kati koꞌmundu úgweti úgakolera Rurema, na útali mu twaza ukumúkolera.

1 Samweri 25:25

Utakizi twaza ulya nakuhambwa Nabaali. Balya bakozi bo ukatuma, ndakababona. Uyo Nabaali akayinikwa iziina Muhwija, linamúkwaniini, bwoꞌbuhwija bumúyamiri mwo.