Hisaaya 32:16 - Kifuliiru

¹⁶ Imaaja zigakizi twibwa ku njira íkwaniini, kiri na mwiꞌshamba. Kiri na mwiꞌrya ndalo yeꞌnagiira, abandu bagakizi kulikiriza íbikwaniini.

Hisaaya 32:16 ပူးပေါင်းရင်းမြစ်များ

Hisaaya 11:9

Mu mugazi gwani mweru, batagaki komeresania, kandi iri kushereezania. Nga kweꞌnyaaja iyijwiri mwaꞌmiiji, kwo na kwokwo, neꞌkihugo kyoshi kigayijula mwaꞌbandu ábakoli yiji Nahano.

Hisaaya 28:6

Lyeryo, lyo agaheereza abatwi beꞌmaaja ubwitegeereze, gira bakizi zitwa ku njira íkwaniini. Naꞌbasirikaani ábagaaba bali mu lwira irembo lyaꞌkaaya, agakizi bakania indege.

Hisaaya 33:5

Nahano atuuziri mwiꞌgulu, anali mu gingikwa bweneene. Agayijuza akaaya keꞌSayuni mwoꞌkuli, na íbikwaniini.

Hisaaya 35:8

Iyo munda igaaba injira mbamu. Iyo njira, iziina lyayo «Njira yaꞌbataluule bali mu lenga mwo». Abandu ba Rurema naaho, bo bagagilenga mwo. Si abanabitalaalwe boohe, batâye hanguulwe. Kiri naꞌbahwija, ndaaye úgagiterekera mwo.

Hisaaya 42:11

Ngiisi ábatuuziri mwiꞌshamba, bakizi múyimbira kwiꞌzu lihamu! Na ábatuuziri mu maheema geꞌKedaari, bakizi múhuuza. Abatuulaga beꞌSeela babandage utubuuli, awi yiyi yiyi! Ee! Bakizi banda utubuuli kwiꞌrango lyoꞌmugazi.

Hisaaya 42:4

Atâye vunike umutima, atanâye hebuure. Agayitanga, halinde abandu booshi balonge íbikwaniini. Kwokwo, ikyanya agayigiriza, ibinyamahanga bigakizi biika amagambo gaage kwoꞌmulangaaliro.

Hisaaya 48:18

Imaaja zaani, úkibaagage uzisimbahiri, ushuba ugaaba noꞌbutoge ngoꞌlwiji. Unashuba ugalonga amiija, halinde ganakizi kuyijira nga midunda mu nyaaja.

Hisaaya 60:21

«Mweshi mugakizi gira íbikwaniini, munahyane ikihugo imyaka neꞌmyakuula! Mugaaba ishibwe lyo nꞌgayibyalira. Mukuba, nꞌgamùbumba naꞌmaboko gaani, gira mukizi mbuuza.

Yeremiya 31:23

Nahano woꞌbushobozi bwoshi, Rurema waꞌBahisiraheeri adetaga kwokuno: «Yabo Bayuda, ikyanya ngabagalula mu kihugo kyabo, na mu twaya twamwo, lyaꞌbandu bagashubi kizi deta kwokuno: “Nahano akizi gashaanira umugazi Sayuni! Ee! Haaho, ho atuuziri.”

Hosheya 3:5

Si ha nyuma, Abahisiraheeri bagagalukira Rurema Nahamwabo, banashubi kizi múkulikira. Bagayiji yibiika na ku mwami, wa mwiꞌkondo lya Dahudi. Ee! Mu siku ízigayija, bagagalukira Nahano, iri banakizi juguma imbere lyage. Nahano anakizi bagashaanira.

Zakariya 8:3

Kyo kitumiri nadetaga kwokuno: Ngagalukira i Yerusaleemu, na njubi tuula mwo. Iyo munda i Yerusaleemu igashubi detwa Kaaya kemeera. Umugazi gwani Sayuni, gugakizi detwa Mugazi mweruusibwa.»