Hisaaya 30:9 - Kifuliiru

⁹ Yabo bandu, kundu Nahano ali mu bayigiriza, si batamútwaziizi. Bali mu yifunda mu bibeesha naaho.

Hisaaya 30:9 ပူးပေါင်းရင်းမြစ်များ

2 Kutondobola 33:10

Ulya Manaasi, kundu Nahano akamúhanuula, kuguma naꞌbandu baage, haliko batanamútwaza.

Zaburi 78:8

Batanabe balangi, nga bashokuluza baabo. Mukuba, boohe bâli kizi huna. Imitima yabo itâli tungiini imbere lya Rurema, batanâli kizi ba bemeera imbere lyage.

Zaburi 81:12

«Kundu kwokwo, abandu baani Abahisiraheeri batanandwaza, banalahira kwo batagakizi nzimbaha.

Migani 28:9

Iri umundu angalahira mbu atagayuvwa imaaja, kiri neꞌkyanya ali mu tabaaza Rurema, ali mu múyagaza.

Hisaaya 1:10

E Yerusaleemu, abatwali baawe bakoli bihuusiri, nga bandu beꞌSoodoma, naꞌbeꞌGomora! Aahago! Yuvwi ngiisi kwo Rurema Nahamwitu, agweti agamúyigiriza.

Hisaaya 1:2

Nahano adetaga kwokuno: «Ewe igulu, unyuvwirize! Na naawe, e kihugo! Undegage amatwiri. Keera nꞌgalera abaana baani, banakoli shuusiri. Kundu kwokwo, bakiri mu huna imbere lyani!

Hisaaya 1:4

E Bahisiraheeri, yayewe imwinyu! Si mugweti mugayifunda mu byaha, binakoli mùzidohiiri. Mukola banangora-mabi, munakola baana ábasherebiiri! Keera mukajanda Nahano. Na kundu alyagagi Mutaluule waꞌBahisiraheeri, haliko mwamúhindulira ingoto, munakoli múnegwiri!

Hisaaya 10:5

Nahano adetaga kwokuno: «Yayewe imwinyu, mwe batuulaga beꞌHasuriya! Zeene, muki fumbiiti ubuhiri mu maboko giinyu. Kiziga! Yago mahiri galyagagi ga kuyerekana ubute bwani!

Hisaaya 10:6

Balya bandu beꞌHasuriya, nie mu batuma, kwo bagendi teera abandu baani! Mukuba, balya bandu baani, keera bambindulira ingoto. Na bwo bakandakarira bweneene, ngahanguulaga Abahasuriya kwo bagendi bateera, banabashahule ibindu. Bagabahinyata-hinyata, nga kwo bali mu hinyata ibidaka mu njira.

Hisaaya 24:5

Abandu ábatuuziri mu kihugo, keera bakiyulubaza. Bataki simbahiri imaaja za Rurema, batanaki mútwaziizi. Kundu bakanywana ikihango na Rurema, kyanâli kyeꞌmyakuula, haliko bakakihongola.

Hisaaya 28:15

Mugweti mugakizi yihaya, mbu: «Twehe keera tukanywana ikihango na Narufu, kuguma neꞌnakwere. Kwokwo, irya nguuke, ikyanya igayija, itagaki tugwa kwo. Tugweti tugayilangaalira mu kudeta ibinyoma, na mu kuhendana.»

Hisaaya 30:1

Nahano adetaga kwokuno: «E baana baani, yayewe imwinyu, si mulyagagi bahuni! Munali mu yilundira ibyaha ku bindi bingi. Muyamiri muli mu shungika ibyeꞌmwinyu, kundu bitanzimisiizi. Muli mu nywana ikihango neꞌbinyamahanga, buzira kutee hanuusa Umutima gwani.

Hisaaya 48:4

Kundu kwokwo, nâli mùyiji-yiji kwo muli mindagabika. Amagosi giinyu, gatigaliiri nga kyuma. Naꞌmatwe giinyu, gali makomu nga mulinga.

Hisaaya 5:24

Keera bakajanda amigirizo ga Nahano, anali ye Mwene Ubushobozi. Ee! Kundu Umutaluule waꞌBahisiraheeri agweti agaadeta, si batamútwaziizi. Ku yukwo, bagashereezibwa ngana, nga kwoꞌmuliro guli mu boyola ikishuka. Bagaaba nga mbuto yeꞌmizi ikoli boziri, na nga kwoꞌtwaso, tuli mu yehuulwa nga lukungu.

Hisaaya 63:8

Nahano adetaga kwokuno: «Ku kasiisa, yaba Bahisiraheeri bali bandu baani, ndaanakyo kyanya bâye nyihindulire.» Kyo kitumiri Nahano agabakiza.

Hisaaya 65:2

Yabo bandu, ubwakya-ubwayira, nyamiri mbateziri amaboko mu kubayakiira. Kundu kwokwo, baki genderiiri ukuyilala mu bitali nga byo. Bakahinduka bagoma baani, banali mu gira nga ngiisi kwo baloziizi.

Yeremiya 35:14

Yabo Barekabu, si batali mu nywa idivaayi, halinde zeene, bwoꞌyo Yonadaabu akabalahiza yo. «Haliko niehe, kundu nyamiri ndi mu mùganuuza ubwakya-ubwayira, si mutali mu ndwaza.

Yeremiya 7:13

Kwo na kwokwo niinyu, mwe Bayuda, muki gweti mugaagira byebyo-byebyo byaha. Na kundu nâli kizi mùberangira, mutananyakula. Nanâli kizi mùkengula, mutanandwaza! Kwokwo nie Nahano ndesiri.

Yeremiya 7:28

Kwokwo, ugendi babwira kwokuno: “Kundu Rurema Nahamwitu agweti agamùtegeka, si muli mulala úgatamúsimbahiri. Na kundu ndi mu mùyigiriza, mutandwaziizi. Mutanakiri mu deta ukuli. Si yukwo kuli keera kwamala mu tunwa twinyu.”»

Yeremiya 9:3

«Yehee! Ukizi yiyeka naꞌbiira baawe. Kiri na beene winyu, utayami bayitegera umulundi. Kundu balyagagi beene winyu, si bagweti bamùlyalyania! Kiri na ngiisi mwira, ali kateerania!

Hezekyeri 24:3

Ha nyuma, unaheereze abahuni umugani, kwo nie Rurema Nahamwinyu nadetaga kwokuno: “Utereke inyungu ku masiga, unagiyijuze mwaꞌmiiji.

Hosheya 4:2

Si mugweti mugadaakana, iri munabeesherana, noꞌkukizi yitana, noꞌkuyifunda mu bushule. Mutakiri mu yihangirira, mugenderiiri naaho noꞌkukizi yitana.

Sefaniya 3:2

Ikyanya abahanuuzi bali mu kizi kuhanuula, utali mu batwaza, utali mu yemeera ukuyerekezibwa. Utabiisiri Nahano kwoꞌmulangaaliro, utanagweti ugamúyikumba.

Mikolezi 7:51

Setefaano anagenderera noꞌkudeta: «Si muli mindagabika! Imitima yinyu, kiri naꞌmatwiri giinyu, biri nga bya kipagaani. Muyamiri muli mu gahaasa-haasa ku byoꞌMutima Mweru, nga kwo bashokuluza biinyu nabo bâli kizi gira!

Bukengeeze 32:20

Anadeta: “Yaba, bakoli bihuusiri ngana-ngana. Batanali bemeera. Kwokwo, ndagaki batanduula. Aaho! Leka tulole ngiisi ho bagaherera.

Bwigule 21:8

Haliko, abahemu boohe, ahandu haabo hagaaba mwiꞌrya nyenga yoꞌmuliro kwo guli mu yaka bweneene. Bagalashwa mwo, kuguma na ábatali mu mbiika kwoꞌbwemeere, naꞌbanabitalaalwe, na ábali mu yitana, na ábali mu yerula, na ábali mu logana, na ábali mu yikumba imigisi, na ábali mu beesha booshi. Yulwo, lwo lugaaba ulufu lwa kabiri.»

Bwigule 22:15

Haliko, utubwa tugasigala imbuga lyako, kuguma naꞌbalozi, naꞌbashule, naꞌbiitani, na ábali mu yikumba imigisi, na ngiisi ábakuuziri ibibeesha, noꞌkukizi bideta-deta.