Hisaaya 3:8 - Kifuliiru

⁸ Abandu beꞌYerusaleemu, bakola mu siitara. Abandu beꞌBuyuda, bakola mu kizi gwa haashi. Mukuba, bagweti bagahagana na Nahano yenyene, mu kukizi deta íbitali nga byo, na mu kukizi gira amabi. Kundu Nahano alyagagi woꞌbulangashane, si bagweti bagamúgayiriza.

Hisaaya 3:8 ပူးပေါင်းရင်းမြစ်များ

2 Kutondobola 28:18

Ku kyekyo kyanya, Abafirisiti nabo bâli mali shahula ibindu mu twaya tweꞌBuyuda twa mu tugangazi, noꞌtwa mwiꞌshamba lyeꞌmbembe. Bananyaga naꞌkaaya keꞌBeeti-Shemeeshi, naꞌkeꞌHayalooni, naꞌkeꞌGederooti, naꞌkeꞌSooko, naꞌkeꞌTimuna, naꞌkeꞌGimuzo, kuguma neꞌbishoola byatwo.

2 Kutondobola 33:11

Kyanatuma Nahano agabatumira abakulu baꞌbasirikaani ba mwami weꞌHasuriya. Balya bakulu banagwata Manaasi, banamúhagika igera mwiꞌzulu, banamúshweka neꞌmirinda yeꞌmiringa, banamútwala halinde i Babeeri.

Migani 26:27

Umundu, iri angahumbira uwabo umwobo, yenyene, agagutibukira mwo. Na ngiisi úli mu hirikira uwabo ibuye, yehe yenyene, ligamúyubama kwo.

Hisaaya 1:7

Ibinyamahanga bikola mu mùshahula imimbu, bikabuli singoola utwaya twinyu, halinde ikihugo kinashereezibwe lwoshi. Kundu kwokwo, mugweti mugabaloleera naaho.

Hisaaya 49:19

«Ku kasiisa, ikihugo kiinyu kikoli sherebiiri. Utwaya twinyu keera tukasiba. Kundu kwokwo buno, yikyo kihugo kikola kigamùniihira. Balya ábakamùminika, leero bagatibitira hala.

Hisaaya 57:4

Nyandagi ye muli mu honyoleza, mbu honyo! Nyandi ye mugweti mugahondoolera? Si mwehe muyamiragi muli banabibeesha, munali mu hindulira Rurema ingoto!

Hisaaya 59:3

Amaboko giinyu, si keera gakayitana, ganakoli yulubiiri mu bindi íbitali nga byo! Utunwa twinyu tuyamiri tuli mu deta ibinyoma, tunali mu kizi ravwanga.

Hisaaya 6:11

Nanabuuza: «E Nahamwitu, yibyo byoshi, ngwiriiri ukukizi bigira, halinde mangoki?» Naye, ti: «Ukizi giraga kwokwo, halinde ku kyanya utwaya twabo tugaaba tusigiiri mushaka. Neꞌnyumba zaabo, zinasigale biguuka. Neꞌkihugo kyabo kinasherebere lwoshi-lwoshi.

Hisaaya 9:17

Ikyanya abandu bagweti bagaagira amabi, gali mu ba nga muliro. Guli mu tee singoola imigenge, gunabuli yigwima mu biti bihamu, halinde ikyusi kinanunge bweneene mu kyanyaanya.

Yeremiya 23:36

Halikago, lirya igambo “Yaga magambo galyosiri imwa Nahano”, mutakolwe mbu mushubi lideta. Si ngiisi byo muli mu deta, galyagagi magambo go mwayihalangira mwenyene naaho. Muli mu hindula amagambo ga Rurema witu, úli mugumaana, ye Nahano woꞌbushobozi bwoshi.

Yeremiya 26:18

«Ikyanya mwami Hezekiya âli twaziri Abayuda, hâli riiri umuleevi muguma weꞌMoresheeti, iziina lyage Mika, anabwira Abayuda booshi, ti: “Nahano woꞌbushobozi bwoshi, adetaga kwokuno: Kano kaaya keꞌSayuni kagahingwa nga ndalo. Ee! I Yerusaleemu igahinduka biguuka. Na ngiisi ho bayubasiri inyumba ya Nahano, hooshi hagaamera ibishungu-shungu.”

Yeremiya 26:6

Kwokwo iyo nyumba yani, ngagishereeza, nga kwo nꞌgashereeza iheema lyeꞌmihumaanano i Shiilo. Iziina lya kano kaaya, abandu baꞌmahanga gooshi bagakizi likoleesa naaho mu kudaakana.”»

Yeremiya 4:13

«Lolagi! Umugoma agweti agatuyijira, akola mu tukanga nga kibungu íkiyidisiri. Amagaare gaage giꞌzibo gali mu suula umulindi, nga kihuhuuta. Ifwarasi zaage zigweti zigaganga mulindi ukuhima utushuta. Ala twe! Si tukolaga tugaahera!

Yeremiya 44:3

«Na íbitumiri nꞌgabashereeza, bwo bâli koli bihuusiri, banakizi ndaakaza, mu kuyokera imigisi umubadu, iri banagiyikumba. Iyo migisi, boonyene batâli giyiji. Kiri na bashokuluza baabo, kiri na mwehe mwenyene, kwo na kwokwo.

Kimombo 1:9

Kundu ibitalaalwe byage byâli kizi múkululira umwama, si atâli kizi gutwaza. Kyanatuma agayiyulubaza bweneene. Kwokwo, ikyanya akayihongoleka haashi, ndaaye úkayiji múholeeza. Akolaga mu yinginga Nahano, ti: «E Nahano, langiiza ngiisi kwo nalonga ubuhanya! Si abagoma keera bambima!»

Hezekyeri 8:12

Ha nyuma, Nahano anashubi mbwira: «E mwana woꞌmundu, ka wabona ngiisi byaꞌbashaaja baꞌBahisiraheeri bakola mu gira ku bumbishwa imbere lyeꞌmigisi yabo mu bisiika? Banagweti bagayigamba, ti: “Rurema keera akasiga ajanda ikihugo. Aaho! Ataki tubwini.”»

Hezekyeri 9:9

Naye, ti: «Amabi gaꞌBahisiraheeri naꞌBayuda, gakoli luguusiri bweneene! Hooshi mu kihugo, abandu bakola mu yitana. Na mu Yerusaleemu, abandu batakiri mu kulikira íbikwaniini. Si bakola mu deta, ti: “Nahano keera akatulekeerera. Aaho! Ataki tubwini.”

Hosheya 5:5

Balya Bahisiraheeri, beene Hifurahimu, ikyanya bali mu gira ibyaha, bali mu kizi yikangaata bweneene. Binali byebyo byaha, byo bitumiri bali mu siitara. Kiri naꞌBayuda nabo, bagweti bagasiitara nga bo.

Hosheya 7:16

Ikyanya bagweti bagalooza ubutabaazi, batali mu bulooza imwani. Balyagagi ba busha, nga muheto úguhengamiri. Na bwo bagweti bagavwajagira byoꞌbusha, abimangizi baabo bagayitwa ku ngooti. Abamiisiri bagakizi bashekeereza.»

Mika 3:12

Hiꞌgulu liinyu, kyo kitumiri akaaya keꞌYerusaleemu kagahingwa nga ndalo, kanahinduke biguuka! Na ngiisi ho bayubasiragi inyumba ya Nahano, hooshi, hagaamera ibishungu-shungu.

Mika 6:12

Abagale ba mu kaaya kiinyu, bagweti bagayitana. Abandu biinyu bakoli komiiri ukukizi beesha, batanganaki hasha ukudeta íbiri ukuli.

Habakuki 1:13

Kundu kwokwo, ulyagagi mweru. Utali mu kejeerera amabi, utali mu gooyera ibihigo. Aaho! Kutagi wayihulikira, wanabalekeerera baminike abandu ábakwaniini ukubahima?

1 Bakorindo 10:22

Ka tuloziizi ukuteera Nahano uluugi? Kandi iri, ka mutoniri kwo twe tuhiiti imisi ukumúhima?

Yuda 1:15

gira ayiji twa imaaja za booshi. Neꞌri abandu bangaba bakamúgayiriza, agabahaniiriza ku byaha byabo. Mukuba, ikyanya bâli kizi biyifunda mwo, lyo bâli kizi múgayiriza. Agabahaniiriza na ku magambo go bâli kizi mútuka kwo ku buraakari.»