Hisaaya 3:26 - Kifuliiru

²⁶ Kwiꞌrembo lyaꞌkaaya, abandu bagakizi liruuka bweneene. Abakazi bagakizi yivuruguuza mu luvu, nga bandu keera ábashahulwa ibindu byabo byoshi.

Hisaaya 3:26 ပူးပေါင်းရင်းမြစ်များ

Hayubu 2:13

Iri hakatama, banayija ha butambi lya Hayubu, banabwatala mu luvu, halinde ukuhisa isiku zirinda, ubushigi niꞌzuuba. Mu yizo siku, ndaalyo igambo lyo bakamúdesa. Mukuba, bâli bwini kwaꞌmalibu gaage galeeziri ulugero bweneene.

Hayubu 2:8

Uyo Hayubu, anayibwandalika mu munyota-kiiko, anayabiira ikihande kyoꞌlugyo, anakizi yikwaraashura mwo.

Hisaaya 14:31

E Bafirisiti mweshi, mukizi shenguka ngana. E miryango yaꞌkaaya kaabo! Mukizi banda akashiba. Leero, uluhande lweꞌmbembe, lugalyoka abasirikaani, baziiziri nga kibungu kyoꞌlukungu. Ngiisi muguma wabo, akola ibiringiini kwiꞌzibo.

Hisaaya 29:2

Kundu kwokwo, ngola ngakulibuza, halinde unalire ku kimombo. Ugaaba nga katanda ákayijwiri kwoꞌmuko.

Hisaaya 32:14

Kiri naꞌkajumiro kagasigala kamaata. Utwaya twoshi, kundu tushuba mwoꞌlujongo, si tugasigala mushaka. Ulwingo lweꞌnaazi, kiri naꞌkaaya kazitire koꞌkutibitira mwo, byombi bigasigala biguuka, halinde imyaka neꞌmyakuula. Linasigale naaho igombaniro lya bapunda ba mu kishuka, neꞌbibuzi binakizi ragirira mwo.

Hisaaya 33:9

Ikihugo kikoli ginunusiri, kinakoli yumagusiri. Kiri neꞌmigazi yeꞌLebanooni, keera ikateezibwa ishoni, inakoli yumagusiri. Indekeera nyiija yeꞌSharooni ikoli yumiri ngiꞌshamba. Ku mugazi Bashaani, na ku gweꞌKarimeeri, ibiti byoshi bikola bizira bihunda.

Hisaaya 47:1

Nahano adetaga kwokuno: «E Babeeri, ugoke, unayibwandalike mu luvu. Utakiri mwami, utanâye ki huuzibwe mbu ubuyahiri, kandi iri mbu unonosiri.

Hisaaya 6:11

Nanabuuza: «E Nahamwitu, yibyo byoshi, ngwiriiri ukukizi bigira, halinde mangoki?» Naye, ti: «Ukizi giraga kwokwo, halinde ku kyanya utwaya twabo tugaaba tusigiiri mushaka. Neꞌnyumba zaabo, zinasigale biguuka. Neꞌkihugo kyabo kinasherebere lwoshi-lwoshi.

Yeremiya 14:2

«Utwaya tweꞌBuyuda tukola mu fwifwitira, banakola mu gandaara. Balya bandu booshi, bakoli shengusiri. Ee! Abandu beꞌYerusaleemu bagweti bagabululuka, halinde amalira gaabo ganambikira mwiꞌgulu.

Yeremiya 15:8

Bwaꞌbashosi bakola bagayitwa, banamufwiri bagaluguuka ukuhima umushenyu kwiꞌbuga. Ngayitiisa kiri neꞌmisore ku kyanya bakiri bikalage. Kwokwo, banyina bagashenguka, iri banabululuka.

Kimombo 1:1

Mu mahanga gooshi, akaaya keꞌYerusaleemu ko kâli kizi huuzibwa bweneene. Haliko buno, kakola nga namufwiri. Yako kaaya kâli yijwiri mwaꞌbandu bingi, si buno keera kasiba lwoshi. Mu tundi twaya, kundu ye wâli muluzi-nyere, si buno, kakolaga muja-kazi naaho.

Kimombo 1:4

Injira íziloziri akaaya keꞌSayuni, zikoli jengiirwi. Mukuba, abandu batakiri mu zilenga mwo, mbu bashambaalire isiku ngulu, batanakiri mu lenga mu miryango yako. Abagingi baamwo bakola mu gongeera. Naꞌbanyere bakola mu bululuka. Kalya kaaya, kakola mu gooka ngana!

Kimombo 2:10

Abakulu beꞌSayuni, bakoli yisiri haashi, bali kanyerere! Bakoli yambiiti ibyambalwa byoꞌkugandaara, iri banayitumuulira ulukungu mu matwe. Abanyere beꞌYerusaleemu nabo, bakola mu hunika amatwe hiꞌgulu lyeꞌshoni.

Kimombo 2:8

Nahano akashungika bweneene ngiisi kwo agahongola inzitiro ízizungulusiri akaaya keꞌSayuni. Yizo nzitiro, kundu zâli shuumiri bweneene, zanayami yihongoleka haashi, buu!

Hezekyeri 12:20

Utwaya twinyu, kundu tuki yijwiri abandu, tugasigala biguuka, halinde ikihugo kinasigale kimaata. Kwokwo, lyo mugaamenya ku kasiisa kwo nie Nahano.»

Hezekyeri 26:16

Yabo batwali ba ku ngombe yeꞌnyaaja, ikyanya bagaabona ngiisi kwo mwashereezibwa, bagakanguka bweneene! Banalyoke ku bitumbi byabo byeꞌkyami, banakaturure ibyambalwa byabo byoꞌmulimbo, banayibwandalike haashi, iri banajuguma neꞌkyoba.

Mika 1:9

Si ikihando kyaꞌbandu baani, kitagaki kira. Yikyo kihando, keera kikahikira i Buyuda, halinde ku nyiivi zaꞌkaaya keꞌYerusaleemu.

Mataayo 11:17

“Si tukamùlakiza umuteera-teera, mutanakina! Neꞌkyanya tukamùyimbira ulwimbo lwaꞌmaganya, mutanalira.”

Luka 19:44

Balya bagoma bagakuhongolera haashi. Ndaanalyo ibuye írigasigala ku lyabo. Kiri na ábakutuuziri mwo, nabo bagabindikwa! Mukuba, ikyanya Rurema akakuleetera ubukize, utakakimenya!»