Hisaaya 3:14 - Kifuliiru

¹⁴ Agweti agalega abashaaja, kuguma naꞌbandi bimangizi baꞌbandu baage kwokuno: «Si mwe mukashereeza Abahisiraheeri, banali nga ndalo yani yeꞌmizabibu. Mu nyumba ziinyu, muyijwiri ibindu byo mukanyaga abakeni.

Hisaaya 3:14 ပူးပေါင်းရင်းမြစ်များ

Hayubu 22:4

«Na kwakundi, ka Rurema ali mu kuhana, iri anakutwira ulubaaja, mbu bwo umúsimbahiri?

Hayubu 24:14

Umwitani ali mu vyuka shesheezi kare-kare, gira agendi yita abakeni, na banakahuku. Na bushigi, ali mu genda luto-luto nga muzimba.

Hayubu 24:9

«Yabo babi, bali mu yongoola abaana beꞌfuuvi ku bifuba bya banyina. Bali mu bayabiira, babe ngwati.

Hayubu 34:23

«Twehe, tutangakyula, mbu Rurema atutwire ulubaaja ku kyanya kirebe.

Zaburi 10:9

Ali mu ba ayiteziri nga ndare, gira agwate ábatashobwiri. Agweti agabagwasa mu mutego gwage, anabatwale.

Zaburi 14:4

Rurema abuuza: «Balya banangora-mabi, ka batâye sobanukirwe? Si batali mu ndabaaza, banali mu janganula abandu baani, nga bagweti bagavwajagira ibyokulya.»

Zaburi 143:2

Si ndyagagi mukozi wawe! Aahago! Utandwire ulubaaja kwo mbanwe. Si mu booshi ábali ho, ndaaye kiri noꞌmuguma úkwaniini imbere lyawe!

Migani 30:14

«Amiino gaabo gali nga ngooti. Imigeka yabo, iri nga tuhamba. Yabo bandu bali mu janganula abakeni, halinde yabo bakeni, batashubi boneka mu kati kaꞌbandu.»

Hisaaya 10:1

Yayewe imwaꞌbatwi beꞌmaaja! Si bali mu kizi biika imaaja ízitakwaniini, zinali za kulibuzania naaho.

Hisaaya 10:2

Bali mu kizi yima abakeni íbibakwaniini. Yabo bandu, kundu bali beꞌmwani, si bakiri mu balyalyania. Bali mu hanguula abandu kwo bakizi nyaga ibindu bya banamufwiri, neꞌfuuvi.

Hisaaya 11:4

Haliko yehe, ikyanya agakizi twa ulubaaja lwaꞌbakeni, noꞌlwa ábatindimaziibwi, kugakizi ba ku njira íkwaniini. Ikyanya agakyula, abandu babi bagaahanwa, na banangora-mabi banaminikwe.

Hisaaya 14:30

Abakeni, kundu bakekeriiri bweneene, bagaki yiguta. Na kundu balyagagi banakahuku, si bagaki ramba mu kati koꞌbutoge. Halikago mwehe, mwe Bafirisiti, abandu biinyu ábagasigala, ngabayitiisa umwena. Ee! Ngiisi úgasigala mu kati kiinyu, ngamúyita ngana.

Hisaaya 26:6

Yako kaaya, ngiisi ábashubi kekeriiri, banabe bashubi tindimaziibwi, bo bali mu kahinyata-hinyata.

Hisaaya 29:19

Ngiisi ábatindimaziibwi, Nahano agabashambaaza. Na ábakekeriiri bagashambaala mu kati ka Rurema, Umutaluule waꞌBahisiraheeri.

Hisaaya 30:12

Nahano, Umutaluule waꞌBahisiraheeri, anashuvya kwokuno: «Kundu ngweti ngamùyerekeza, si keera mwanjajaaka. Munali mu biika umulangaaliro ku binyoma, iri munalibuzania.

Hisaaya 5:7

Iyo ndalo yeꞌmizabibu, gulyagagi mulala gwaꞌBahisiraheeri. Neꞌmizabibu miija, bali bandu beꞌBuyuda. Nahano woꞌbushobozi bwoshi ye mwene yo, anâli gikuuziri bweneene. Yabo bandu, Nahano âli loziizi kwo bakulikirage imaaja zaage, banatuule ku njira íkwaniini. Si bâli kizi yamiza-yamiza naaho, mu kukomeresania, iri banakizi yitana.

Hisaaya 58:4

Si mu zirya siku ngulu ziinyu, muli mu kizi hambanwa, munagweti mugakizi lwa, iri munashulikana ibifune! Iri mwangakizi giraga kwokwo, mutashubi langaalira kwo ngayuvwa amahuuno giinyu.

Yeremiya 12:10

Abangere bingi, keera bayilala mu ndalo yani yeꞌmizabibu, banagishereeza. Iyo ndalo, kundu ishuba nyiija, haliko bagagilibata-libata mwo, banagihindula libe ishamba.

Yeremiya 5:27

Inyumba zaabo ziyijwiri ibibeesha, nga kitiri íkiyijwiri utunyuni útwagwatwa. Yabo babi, keera bakagala ngana-ngana, banakola banamisi bweneene.

Hezekyeri 18:12

Anabe agweti agalibuza abakeni na ábatashobwiri. Anabe ali mu zimba. Anabe atali mu galula ingwati. Anabe ali mu tabaaza imigisi. Anabe agweti agaagira ibitalaalwe, kundu biri kyagaza imwani.

Hezekyeri 20:35

ninamùtwale mwiꞌshamba, hala neꞌbinyamahanga. Yeyo munda, yo ngakizi mùtwira ulubaaja, masu ku gandi.

Hezekyeri 20:36

Kiri na bashokuluza biinyu, kwokwo kwo nꞌgabatwira zo mwiꞌshamba, ku kyanya nꞌgabalyosa i Miisiri. Kwokwo, kwo nie Rurema Nahamwinyu ndesiri.

Balaawi 25:14

Iri wangagulira uwinyu itongo, kandi iri wamúguliikiza lyo, utamúgunge.

Balaawi 25:17

«Mutakizi gungana. Haliko, mukizi nyoboha, nie Nahano Rurema winyu.

Hamoosi 2:7

Babwinagi kwaꞌbakeni bali nga lukungu naaho, banagweti bagakizi balibata-libata kwo. Balya bakeni, ikyanya bali mu ba imbere lyaꞌbatwi beꞌmaaja, bali mu bayima ukuli kwabo. Lolaga ibala! Umwana na yishe, bagweti bagashangiira umukazi muguma. Kwokwo, kwo bagweti bagatukiisa iziina lyani, na ndi nie Mutaluule.

Hamoosi 4:1

E bakazi beꞌSamariya! Munyuvwirize bwija! Si mujeziri ngana nga ngaavu zeꞌBashaani! Munagweti mugakizi vindagaza ábagoozirwi, kiri naꞌbakeni. Mugweti mugakizi bwira bayibalo: «Mutuleterage idivaayi, tunywe!»

Mika 2:1

Yayewe imwinyu, mwe mugwejiiri ku ngingo, iri munashungika kwo mugaakola ibitalaalwe. Yibyo bitalaalwe, bwo muhiitagi ubulyo bwoꞌkubigira, muli mu zinduka ku mutwezi, gira mugendi bikoleesa.

Mika 2:2

Ikyanya muli mu ba muyifwijiri indalo, muli mu yami zinyaga. Neꞌri mwangaloozagya inyumba za beene, muli mu gungana mu kuzinyaga. Muli mu gungana, mu kunyaga ibya beene, kiri noꞌbuhyane bwa beene.

Mika 3:3

Mugweti mugakizi shulula iminyofu yaꞌbandu baani, noꞌluhu lwabo, munavune naꞌmavuha gaabo. Muli mu batenga-tenga nga nyama ízigadeekerwa mu nyungu. Iyo iminyofu yabo, mukabuli kizi givwajagira.»

Mika 6:10

E banangora-mabi, si nyumba ziinyu ziyijwiri ibindu bingi byo mukalonga mu kugungana! Zinalyagagi mweꞌbigero byo mugweti mugagungana mwo!

Mataayo 21:33

Yesu anashubi babwira kwokuno: «Muyuvwirize ugundi mugani. Hâli riiri mundu muguma úkabyala indalo yage mweꞌmizabibu. Uyo mundu, anagizungulusa ikyogo, anagihumba mweꞌkishimo kyoꞌkukizi kandira mwo, anagiyubaka na mweꞌkitunda kyaꞌbalaazi íkishuumiri. Ha nyuma, anagitiiza abahiizi, anabalamira i mahanga.

Yakobo 2:6

Kundu kwokwo, mwehe muki gweti mugabakeneka. Yabo bagale, ka batali bo bali mu mùtindimaza? Si bagweti bagamùkululira imbere lyaꞌbatwi beꞌmaaja.