Hisaaya 3:11 - Kifuliiru

¹¹ Halikago banangora-mabi, boohe, yayewe imwabo! Bagaahanwa, ukukulikirana naꞌmabi gooshi go bâli kizi kola.

Hisaaya 3:11 ပူးပေါင်းရင်းမြစ်များ

Ndondeko 18:25

Nanga! Utangayita ábakwaniini, na ábatakwaniini. Bitanganaziga kwo ábayimaaziri mu kuli, bahanirwe kuguma na banangora-mabi. Si we mutwi weꞌmaaja wa mu kihugo kyoshi, unali mu zitwa mu kati koꞌkuli.»

2 Samweri 3:39

Na kundu nꞌgayimikwa kwo mbe mwami, haliko zeene ngola mwoꞌbukaholwe. Yaba baana ba Zeruya, bali balangi bweneene imbere lyani. Nahano abe ye gabahana, ukukulikirana naꞌmabi gaabo.

1 Baami 21:21

Yuvwagwa ngiisi kwo Nahano adeta: “Ku kasiisa, ngakuleetera ubuhanya. Ngaminika ibibusi byawe, na nzimiize ngiisi úyimbwa mushosi wa mwiꞌkondo lyawe, aba muja, kandi iri atali muja.

2 Kutondobola 6:23

Haaho, umúyuvwirize yaho mwiꞌgulu. Uhambuule abakozi baawe. Ngiisi úli naꞌmahube, umútwire ulubaaja ukukulikirana naꞌmahube gaage. Noꞌmuzira mahube, umúleke, ukukulikirana na ngiisi kwo akwaniini imbere lyawe.

Hayubu 10:15

Iri nangaba ndi nangora-mabi, yayewe imwani. Kandi iri nangaba ndi woꞌkuli, ndashobwiri ukuyihuuza. Mukuba, nyijwiri mweꞌshoni, na ngola mu libuuka bweneene.

Zaburi 28:4

Balya babi, bagweti bagayifunda mu bitalaalwe. Aaho! Byebyo bitalaalwe bibe byo ugabahembera kwo. Bwo bayamiragi bali mu yifunda mu mabi, gabe go ugabahemba, nga ngiisi kwo bibakwaniini.

Zaburi 62:12

Rurema keera akadeta amagambo, nanayuvwa kwo gali gabiri. Ubwa mbere: wehe naaho, we Rurema woꞌbushobozi.

Migani 1:31

Na bwo mwâli kizi yifunda mu mabi, leero mwayikululira umwama. Bwo mwâli kizi shungikira abandi amagambi, buno mwenyene mwe mugakizi galongaga.

Migani 11:31

Umundu úkwaniini ali mu longa ikihembo ku byo agira hano mu kihugo. Aahago! Imwa nangora-mabi, neꞌmwoꞌmunabyaha, ka itali yo haahe!

Migani 12:14

Ikyanya umundu ali mu deta amiija, ali mu galongera mwoꞌbunguke. Anali mu bulonga ku byo agweti agaagira naꞌmaboko gaage.

Migani 26:27

Umundu, iri angahumbira uwabo umwobo, yenyene, agagutibukira mwo. Na ngiisi úli mu hirikira uwabo ibuye, yehe yenyene, ligamúyubama kwo.

Mwigiriza 8:13

Yabo banabyaha, bwo batasimbahiri Rurema, nyiji kwo bagayiji goorwa. Isiku zaabo, zitanabe nyingi.

Hisaaya 13:11

Nahano adetaga kwokuno: «Bwaꞌbandu ba mu kihugo bakoli bihuusiri, ngolaga ngabahana. Ee! Ngahaniiriza banangora-mabi booshi. Kundu balyagagi noꞌbwikangaate, si ngabumala lwoshi. Na kundu bakiri mu tindimazania ku kanyaaro, haliko nabo, ngabatindimaza, gira batakizi ki yikangaata.

Hisaaya 48:22

Kundu kwokwo, Nahano adetaga kwokuno: «Banangora-mabi boohe, ndaagwo mutuula gwo bâye longe!»

Hisaaya 65:20

Hataganaki boneka akaanafu. Kiri naꞌbandu bakulu batagakizi ki fwa, bátazi shaaja. Umundu úwafwagaga mbura-kihe, agakizi fwa neꞌmyaka igana. Neꞌri angafwa átazi hisa imyaka igana, agamenyeekana kwo ali munabyaha, na kwo adaasirwi.

Hisaaya 65:6

Lolagi! Keera nayandika hano kwokuno: “Ndagahulika! Si ngayihoola ngana!

Hisaaya 65:7

Ee! Ngayihoola ibyaha byabo, halinde kiri neꞌbyaha bya bashokuluza baabo. Si bâli kizi yokera imizimu yabo umubadu ku migazi, na ku tugangazi, banâli kizi ndeegeza heꞌshoni. Kwokwo, ngabahana nga kwo bibakwaniini, ukukulikirana na kwo bâli kizi gira yaho keera.” Kwokwo, kwo nie Nahano ndesiri.»

Yeremiya 21:14

Ngamùhana ngana-ngana, nga ngiisi kwo bimùkwaniini. Na nduulike ulubako lwinyu mwoꞌmuliro, halinde gunasingoole byoshi íbimùsokaniini.» Kwokwo, kwo Nahano adesiri.

Yeremiya 31:30

«Yibyo bitumbwe bibishi, ngiisi úwabilya, ye ganayuvwa injijira. Umundu, iri angagira ibyaha, yenyene ye ganayitwa hiꞌgulu lyabyo.

Hezekyeri 16:59

Rurema Nahamwitu, adetaga kwokuno: «Mwe bandu beꞌYerusaleemu, ngamùgirira nga kwo bimùkwiriiri. Mukuba kundu tukanywana ikihango na niinyu, haliko mukakigayiriza, mwanakihongola.

Hezekyeri 18:20

«Si umundu, iri angakizi gira ikyaha, yehe ye gayitwa. Umwana atangabetula ibyaha bya yishe. Na yishe woꞌmwana, naye atangabetula amahube goꞌmwana wage. Ngiisi ábali mu gira ibyoꞌkuli, bagakizi genduukirwa. Halikago banangora-mabi boohe, bo bagakizi libuuka hiꞌgulu lyaꞌmabi gaabo.

Hezekyeri 2:10

Mwene kyo, anakibunguula mu masu gaani, nanabona kwo kyâli yandisirwi mwaꞌmagambo geꞌkimombo, na gaꞌmalira, na goꞌruhombo. Yibyo byoshi, byâli yandisirwi imbande zombi.

Hezekyeri 24:14

Nie Nahano, byo ngweti ngaadeta, ngabikola. Ndaganaki shiginya, kwo nimùkejeerere. Si ngamùtwira ulubaaja, ukukulikirana na ngiisi byo mwâli kizi kola. Kwokwo, kwo nie Rurema Nahamwinyu ndesiri.»

Hezekyeri 33:8

«Tudete kwo nangabwira umundu mubi, ti: “E nakuhambwa! Ukufwa, ugaafwa nyene!” Kundu kwokwo, unabe ugweti ugayihulikira, utanamúkengule, mbu atwikire ku mabi gaage. Kwokwo, uyo mundu agaafwa hiꞌgulu lyaꞌmabi gaage. Si yulwo lufu lwage, we ngaludwika.

Mika 3:4

Aahabi! Mugweti mugakizi takira Nahano, gira amùtabaale. Kundu kwokwo, atagamùyakula. Bwo mwâli kizi gira ibitalaalwe, akolaga agamùbisha amalanga gaage!

Mika 7:13

Ikihugo kigaashaka, kinabe kimaata, mukuba ábakoli tuuziri mwo, keera babihuuka bweneene.

Muharuuro 32:23

«E balya, yaga magambo giinyu, iri mwangaleka ukugakoleesa, mugaaba mwagira ikyaha imbere lya Nahano. Munamenye ku kasiisa kwo yikyo kyaha, mugahanirizibwa hiꞌgulu lyakyo.

2 Bakorindo 5:10

Tweshi, tukwiriiri tuyimange imbere lya Kirisito, gira tutwirwe ulubaaja! Ngiisi muguma witu anahembwe ku byo âli kizi gira ikyanya âli ki tuuziri mu magala, biba biija, kandi iri bibi.

Yakobo 2:13

Iri abandu bangaba batali mu bonerana ulukogo, iri nabo batagalubonerwa. Haliko, iri bangaba bali mu lubonerana, iri nabo, mu kutwirwa ulubaaja, bagaakogwa.

Batwi beꞌmaaja 9:57

Kiri naꞌbandu beꞌShekemu, nabo kwakundi Rurema akabahana ku mabi go bakagira. Kwokwo, kwiꞌdaaki lya Yotamu mugala Gidyoni, likabatibukira kwo.