Hisaaya 27:9 - Kifuliiru

⁹ Kwokwo, kwo Rurema agahotola amabi gaꞌBahisiraheeri. Mango ayusagya, ututanda twoshi tweꞌkipagaani tugavungulwa, tunasigale luvu naaho. Ndaagwo mugisi gwa Hasheera úgugasigala, kandi iri akatanda koꞌkuguyokera kwoꞌmubadu.

Hisaaya 27:9 ပူးပေါင်းရင်းမြစ်များ

2 Baami 10:26

Banalyosa umugisi muhamu Baali, banagusingoola.

2 Baami 23:14

Inguliro ndaluule zo bâli kizi yikumba, anazivungula-vungula. Anavungula-vungula neꞌnguliro zoꞌmuzimu Hasheera. Yaho handu, anahabwikira naꞌmavuha gaꞌbandu.

2 Baami 25:9

Uyo mukulu, anasingoola inyumba ya Nahano, naꞌkajumiro, neꞌzindi nyumba zooshi zeꞌYerusaleemu. Ngiisi nyumba mbamu, akagisingoola.

2 Kutondobola 14:5

Mwiꞌyo myaka, Nahano yenyene akamúheereza umutuula, ndaanaye úkayiji múteera. Kwokwo, anazitira utwaya tweꞌBuyuda.

2 Kutondobola 34:4

Uyo Yosiya anahanguula abandu kwo bahongole ututanda twoꞌmuzimu Baali. Kiri noꞌtutanda twoꞌkuyokera kwoꞌmubadu, ho twâli teresirwi, banatutema-tema. Banavungula-vungula neꞌnguliro zoꞌmuzimu Hasheera, neꞌgindi migisi yoshi. Yibyo byoshi, mwami akabivungula-vungula, halinde byanahinduka nga lukungu, banagendi luyonera ku shinda za ábâli kizi bitangira amatuulo.

2 Kutondobola 36:19

Ha nyuma, irya nyumba ya Rurema, Nebukandeneza anagisingoola. Anasingoola naꞌkajumiro neꞌzindi nyumba zaaho zooshi, na ngiisi kindu kyeꞌkishingo. Kiri neꞌnzitiro ízâli zungulusiri i Yerusaleemu, anazihongola.

Zaburi 119:67

Ikyanya utâli zaazi mbana, nâli kizi habuka. Haliko buno, ngweti ngakulikiriza Igambo lyawe.

Zaburi 119:71

Ikyanya nâli kizi libuuka, lyo nꞌgalonga akamaro. Mukuba, nꞌgalonga ukukizi yiga imaaja zaawe.

Kulyoka 34:13

Ngiisi kwo mugaagira naaho, muhongolage ututanda twabo. Naꞌmabuye gaabo mataluule, mugavungule-vungule. Kiri neꞌnguliro zo bamanisiri hiꞌgulu lyoꞌmugisi gwabo Hasheera, muyami zihooja-hooja.

Migani 20:30

Ukukubulana ingoni, guli muti gwoꞌkulyosa amabi. Yizo ngoni, zo ziri mu yeruusa umutima.

Hisaaya 1:29

Bwo mwâli kizi yikumba imizimu mwiꞌdako lyeꞌbiti byeꞌmyalooni, na mu matongo go mwâli kizi yisiisa, kyo kitumiri mugalonga ishoni, munateteerwe.

Hisaaya 17:8

Batagaki shubi lola ku tutanda two bakayigirira bongwa ku maboko gaabo. Batâye ki langaalire inguliro zoꞌmuzimu Hasheera, kandi iri akatanda ko bakaguyubakira.

Hisaaya 30:22

Kwokwo, irya migisi yinyu, mukola mugagibona kwo iyulubiiri, munagikabulire. Kundu yangaba íkatulwa mu harija, kandi iri mu nooro, mugagibwira, ti: «Muyihereere! Si mulyagagi ngiꞌjolera!»

Hisaaya 4:4

Abakazi baꞌkaaya keꞌYerusaleemu, kundu bâli kizi yifunda mu bitalaalwe, haliko Nahano agaki bayeruusa. Na kundu umuko gukayoneka bweneene mu yako kaaya, agaki kashuka. Ee! Agashuka i Yerusaleemu ku njira íkwaniini, kiri na ku yoꞌmuliro.

Hisaaya 40:2

Yabo bandu beꞌYerusaleemu, mubamenyeese bwija-bwija, kwoꞌbuja bwabo keera bwamala, keera banakogwa ibyaha byabo. Ee! Ibyaha byabo byoshi-byoshi, keera Nahano akabahaniiriza hiꞌgulu lyabyo ubugira kabiri.»

Hisaaya 48:10

Lolagi! Keera nꞌgamùyeruusa. Si kutâli ku njira yoꞌmuliro, nga kwaꞌbandu bali mu guleeza ku harija. Halikago nꞌgamùyeruusa mu kumùleeza mu malibu.

Hezekyeri 11:18

Na mango mwaba keera mwakigalukira mwo, imigisi yoshi yo mugagwana mwo, mukayami gilyosa.

Hezekyeri 20:38

Neꞌri hangagira ábagalahira kwo bataganzimbaha, banambindulire ingoto, yabo, kundu ngabahulusa ho bakashabukira, haliko batâye ki shubi fina mu kihugo kyeꞌHisiraheeri. Kwokwo, lyo mugaamenya ku kasiisa, kwo nie Nahano.

Hezekyeri 6:4

Ututanda two muli mu holeza kweꞌmigisi, tugahongolwa, kiri na ngiisi ho muli mu giyokera umubadu. Abandu biinyu, ngabayitira haaho imbere lyayo.

Danyeri 11:35

Abitegeereza baguma bagalibuzibwa. Kwokwo, lyo balonga ukuyeruusibwa. Ee! Bagashukwa, halinde babe bazira kashembo, banabe bali beeru ku kyanya kyeꞌmbeka. Yikyo kyanya, kiganayija ku kyanya kyakyo.

Hosheya 14:8

Bagashubi tuula mwiꞌdako lyoꞌbulaazi bwani, Bagakizi gangaala nga ngano, Banayase bwija nga mizabibu. Bagaaba noꞌmuhongolo mwija, nga gweꞌdivaayi yeꞌLebanooni.

Balaawi 26:30

Bwo ngaaba ngoli mùjinikiiri, ngamùsheregeza ho mugweti mugayikumbira imizimu. Kiri noꞌtutanda two muli mu giyokera kwoꞌmubadu, ngatuhongola. Ibirunda biinyu, ngabilasha ku migisi yinyu ífwiri namunyogo.

Mika 5:11

Ngashereeza ibiheeko biinyu byoshi, halinde mutagaki ba noꞌmundu woꞌkumùlagula.

Zakariya 13:2

Nahano woꞌbushobozi bwoshi, adetaga kwokuno: «Ku kirya kyanya, ngashaaza imigisi mu Bahisiraheeri. Kiri naꞌmaziina gaayo, gagayibagirwa lwoshi-lwoshi. «Ngazimiiza abaleevi beꞌbibeesha, kiri neꞌmizimu íri mu bakoleesa.

Barumi 11:27

Neꞌkyanya ngabalyokeza ibyaha byabo, lyo ngabanywaniisa ku njira yeꞌkihango.»

1 Bakorindo 11:32

Na kwakundi, ikyanya Nahano ali mu tuhana, kuli mu ba naaho hiꞌgulu lyoꞌkutukengula. Kwokwo, ikyanya abandu beꞌkihugo bagayiji hanwa, tutayiji kengeera twahanirwa kuguma.

Bukengeeze 12:3

Ututanda twabo twoꞌkutangira kwaꞌmatuulo, mutuhongolage. Naꞌmabuye go batalwiri imweꞌmigisi yabo, mugahooje-hooje. Neꞌnguliro za gulya muzimu Hasheera, mukizi zijigiivya. Imigisi yabo yoshi, mugisandaaze, halinde amaziina gaayo gataki kengeerwe.

Baheburaniya 12:6

Mukuba, ngiisi ye Nahano akuuziri, anabe ayemiiri kwo ali mugala wage, ye na yoyo ye ali mu hana.»