Hisaaya 27:12 - Kifuliiru

¹² Kundu kwokwo, ku yikyo kyanya, Nahano agatondeera ukukuumania abandu baage, muguma-muguma, nga kwo bali mu hulumula ingano. Balya bandu, bagalyokera ku lwiji Hefuraati, halinde ku lubibi lweꞌMiisiri.

Hisaaya 27:12 ပူးပေါင်းရင်းမြစ်များ

Ndondeko 15:18

Ku lwolwo lusiku, Nahano ananywana ikihango bo na Hiburamu, anamúbwira: «Kino kihugo, ngakiheereza abandu ba mwiꞌkondo lyawe. Kigatondeerera ku lwiji úluli uluhande lweꞌsheere lweꞌkihugo kyeꞌMiisiri, halinde ukuhisa ku lwiji luhamu Hefuraati.

1 Baami 8:65

Uyo Sulumaani, anahisa isiku zirinda agweti agakulikiriza ulusiku lukulu lweꞌbitunda imbere lya Nahano Rurema, ali kuguma naꞌBahisiraheeri booshi. Hâli riiri ikizimya-izuuba kyaꞌBahisiraheeri, boꞌkulyoka kwiꞌrembo lyeꞌHamaati mu mbande zeꞌmbembe, halinde ku lwiji lweꞌMiisiri mu mbande zeꞌkisaka. Ha nyuma, banashubi yushuula izindi siku zirinda. Zooshi kuguma, zanaba isiku ikumi na zina.

Nehemiya 1:9

Haliko, iri mwangangalukira, munasimbahe imaaja zaani, ngamùkuumania. Kundu mwangaba mukatwalwa ku mbeka yeꞌkihugo, ngashubi mùgalulira i Yerusaleemu. Mukuba, haaho ho nꞌgatoola kwo ngizi yikumbirwa.”

Zaburi 68:22

Ku kasiisa, Rurema agavungula amatwe gaꞌbagoma baage. Iri bangagenderera ukukizi yifunda mu byaha, agajiga utuhanga twabo.

Zaburi 72:8

Mwami alonge ukukizi twala, halinde ku nyaaja zooshi, ukulyokera ku lwiji Hefuraati, halinde ukuhisa ku mbeka yeꞌkihugo.

Hisaaya 17:6

Ábagasigala bagaaba bagerwa nga muhumbuuka gweꞌbitumbwe byeꞌmizehituuni. Kwiꞌtavi lyeꞌlugulu, kugasigala ibitumbwe bibiri, kandi iri bishatu. Na ku matavi ágajojesiri, kugasigala naaho ibitumbwe bina, kandi iri bitaanu. Kwokwo, kwo Nahano Rurema waꞌBahisiraheeri adesiri.

Hisaaya 49:5

Ikyanya ndazi butwa, Nahano akandoola kwo nimúkolere, halinde nimúgalulire Abahisiraheeri. Ee! Nahano akoli ngingisiri, keera anambeereza imisi.

Hisaaya 56:8

Balya Bahisiraheeri ábâli koli huuziri, Nahano Rurema akoli gweti agabakuumania, iri anadetaga kwokuno: «Ngaki kuumania abandi, gira bayiji yibiika ku bandu bo keera nakuumania.»

Yeremiya 3:14

Nahano adetaga kwokuno: «E baana bahemu, mugirage mugaluke. Si nie Nahamwinyu! Kundu mushabukiiri mu mahanga, ngagalula babiri-babiri ba mu ngiisi mbaga, na muguma-muguma wa mu ngiisi kaaya. Balya booshi, na mbatwale ku mugazi Sayuni.

Yeremiya 44:28

«“Hali bagerwa naaho ábagafuushuka, banagalukire mu kihugo kyeꞌBuyuda. Haaho, lyo bagasobanukirwa ngiisi úgweti úgaadeta amagambo goꞌkuli, iri angaba ali niehe, kandi iri boohe.

Hezekyeri 20:34

Ku bwobwo bushobozi bwaꞌkahebuuza, na ku buraakari, ngamùlyosa mu mahanga. Nganashubi mùkuumania ukulyoka mu bihugo byo mwâli shabukiiri mwo,

Hezekyeri 20:41

Neꞌkyanya ngamùlyosa imunda mukashabulirwa mu mahanga, ngamùyakiira nga mubadu mwija, na njubi mùkuumania haguma. Kwokwo, lyo ngayerekana kwo ndi Mweru, imbere lyeꞌbinyamahanga byoshi.

Hezekyeri 39:25

«Haliko, nie Rurema Nahamwinyu nadetaga kwokuno: Buno, ngola ngashubi kejeerera Abahisiraheeri, na mbalyose mu buja. Kwokwo, liꞌziina lyani lyeru lilonge ukukizi gingikwa.

Hezekyeri 47:19

«Ulubibi lweꞌkisaka, lugatondeerera yaho i Tamaari, lunagenderere halinde i Kadeeshi, ha birigo byeꞌMeriba. Lunashubi tondeerera yaho i Meriba yeꞌKadeshi, lunahike ku lwiji Niire i Miisiri, halinde ku nyaaja Mediterane. Kwokwo, kwoꞌlubibi lweꞌkisaka luli.

Hamoosi 9:9

Ikyanya ngakyula, ibinyamahanga bigayiji yeluula-yeluula Abahisiraheeri, nga kwo bali mu yeluula ingano, na ndyose mwo ábatakwaniini. Na mu yabo ábatakwaniini, ndaaye kiri noꞌmuguma úgafuuka.

Zakariya 8:7

«Nie Nahano woꞌbushobozi bwoshi, nadetaga kwokuno: “Ku kasiisa, abandu baani, ngabaguluula halinde banalyoke isheere neꞌmuga,

Luka 15:4

«Muguma winyu, iri angaba ali neꞌbibuzi igana, kiguma kinateereke, kuti kwo angagira? Ka atangatee siga birya makumi galimwenda na mwenda i bungere, anagende agalooza kirya kiguma íkyateereka, halinde akibone?

Yohana 10:16

«Ngi hiiti neꞌbindi bibuzi íbitali bya mu kino kiso. Bingwiriiri nabyo, ngendi bileeta. Nabyo kwakundi, bigakizi yuvwiriza izu lyani, halinde byoshi binakumaanibwe mu kiso kiguma. Binabe noꞌmungere muguma.

Yohana 6:37

Kundu kwokwo, ngiisi bo Daata agweti agambeereza, bali mu nyijira. Na naani, ndagabakumuula, kiri neꞌhiniini!

Yoshwa 15:4

Lwanalenga kiri i Hazimooni, lwanahekera ku ngombe yeꞌNyaaja Mediterane. Zeezo zo mbibi zoꞌmulala gwaꞌBayuda uluhande lweꞌkisaka.