Hisaaya 26:9 - Kifuliiru

⁹ Ngiisi bushigi, umutima gwani guli mu kuyidula. Gunaki kuyiduziri, halinde na shesheezi. Ikyanya uli mu tuyereka íbikwaniini, lyaꞌbandu bali mu biyiga, banatuule bwija.

Hisaaya 26:9 ပူးပေါင်းရင်းမြစ်များ

1 Kutondobola 16:14

Nahano, ye Rurema witu. Kiri na mu mahanga gooshi, ye mu twa mweꞌmaaja.

Zaburi 105:7

Ye Nahano, Rurema witu. Kiri na mu mahanga gooshi, ye mu twa mweꞌmaaja.

Zaburi 119:55

E Nahano, kiri na bushigi, ndi mu ba ngukengiiri. Kwokwo ngakizi simbaha imaaja zaawe.

Zaburi 119:62

Ndi mu vyuka ubushigi ikati, na ngizi deta kongwa imwawe, mukuba imaaja zaawe, zitungiini.

Zaburi 130:6

Umutima gwani guli mu lindirira Nahano, ukuhima kwoꞌmulaliizi ali mu lindirira kwo bukye. Ee! Ukuhima kwoꞌmulaliizi ali mu lindirira kwo bukye.

Zaburi 58:11

Balya banangora-mabi, ikyanya bagaahanwa, lyaꞌbandu boꞌkuli bagashambaala, iri banakizi fina mu muko gwabo.

Zaburi 63:1

Izaburi ya Dahudi. Ikayandikwa ku kyanya âli riiri mwiꞌshamba lyeꞌBuyuda.

Zaburi 63:5

Ikyanya ngiri noꞌmuuka, ngakizi kuyivuga, na ngizi golola amaboko hiꞌgulu, mu kuhuuna kwiꞌziina lyawe.

Zaburi 64:9

Agakoleesa amagambo gaabo boonyene, mu kubashereeza. Ngiisi ábagaabona kwokwo, bagakizi zuuza amatwe.

Zaburi 78:34

Ngiisi kyanya Rurema âli kizi bayita kwo, banakizi mútabaaza. Banakizi yilega, iri banamúgalukira.

Zaburi 83:18

Balya bagoma bakizi teteerwa, banakizi yama bashengusiri. Ee! Bagendi fwira ku mbinga.

Migani 8:17

Ngiisi ábanguuziri, naani mbakuuziri. Na ngiisi ábagweti bagandooza, bagayiji ndonga.

Hisaaya 27:9

Kwokwo, kwo Rurema agahotola amabi gaꞌBahisiraheeri. Mango ayusagya, ututanda twoshi tweꞌkipagaani tugavungulwa, tunasigale luvu naaho. Ndaagwo mugisi gwa Hasheera úgugasigala, kandi iri akatanda koꞌkuguyokera kwoꞌmubadu.

Hisaaya 50:10

Mu kati kiinyu, nyandagi úyobohiri Nahano, anabe asimbahiri umukozi wage? Iri wangaba ukiri mu genda mu kihulu buzira itara, ugire ukizi yihega ku Nahano Rurema, unamúbiike kwoꞌmulangaaliro.

Hisaaya 55:6

Ugirage umwete gwoꞌkulooza Nahano, ku kyanya akiri mu boneka. Unamúhuune ubutabaazi, bwo akiri hoofi-hoofi.

Kimombo 2:19

Ubushigi bwoshi ukizi yama ugweti ugaborooga. Ngiisi byo ubishiri mu mutima gwawe, ubimenyeesagye Nahano. Abaana baawe, bakola mu holera mu ngiisi njira hiꞌgulu liꞌshali. Kwokwo, ukizi golola amaboko mu kumútabaaza.

Kimombo 3:25

Iri abandu bangabiika Nahano kwoꞌmulangaaliro, banabe bagweti bagamúlooza ngana, ali mu bagirira amiija.

Hezekyeri 5:15

«Ngaaba keera namùhaniiriza ku buraakari bweneene, mu kuyagazania. Abagoma biinyu bagakizi mùshekeereza, honyo! Ikyanya bagaabona ngiisi kwo mwahanwa, bagalonga ukukengulwa, iri banahuumirwa. Ee! Bagaabona ngiisi kwo ndi mu hana ikihugo. Kwokwo, kwo nie Nahano ndesiri.

Hosheya 5:15

«Ha nyuma, ngagalukira ahandu haani, na mbeere haaho, halinde ku kyanya bagayaga kwo balyagagi banabuhube, banandooze. Ee! Ikyanya bagalonga amalibu, bagayami ndooza.»

Mataayo 6:33

«Mwehe, mukizi hahaliraga ubwami bwa Rurema, munakizi gira íbikwaniini imbere lyage, lyo mugayushuulirwa yibyo bindi byoshi.

Mariko 1:35

Iri hakaba shesheezi kare-kare, bútazi tejuukana, Yesu anavyuka, anahuluka mu nyumba, anagendi huuna Rurema áhayiheriiri.

Luka 6:12

Mu yizo siku, Yesu anagenda ku mugazi, gira agendi huunira ho Rurema. Bwanakya aki gweti agamúhuuna.

Bwigule 11:13

Ku kyekyo kihe, mu kihugo mwanalenga sizigirye woꞌmusisi. Ikihande kiguma kiꞌkumi kya yako kaaya kyanayami yihongoleka haashi. Hanayami fwa abandu bihumbi birinda. Na ábakafuuka, banahuumirwa ngana. Banatondeera ukuhuuza ubukulu bwa Rurema úli mwiꞌgulu.