Hisaaya 23:9 - Kifuliiru

⁹ Úwashungika kwoku, ali Nahano woꞌbushobozi bwoshi. Yaba bandu, kundu bâli kizi yikangaata, haliko Rurema analooza ukubatindimaza. Na kundu bâli gweti bagashaagwa, halikago anashungika ukubateeza ishoni.

Hisaaya 23:9 ပူးပေါင်းရင်းမြစ်များ

Hayubu 12:21

Kundu umundu angaba ali mukulu, ali mu mútetereza. Kiri naꞌbanamisi, ali mu banyaga isiribo zaabo.

Zaburi 107:40

Nahano ananegura abakulu baabo, anabaleeza mwiꞌshamba, muzira injira.

Kulyoka 8:4

Kwokwo, Faraho anatumira Musa na Harooni, anababwira: «Muyingingage Nahano maashi, anjaagize yaba bakere mu mwani, kiri na mu bandu baani. Leero, ngola ngamùhanguula, mugendi mútangira ituulo.»

Hisaaya 10:33

Kundu kwokwo, abakulu baabo, Rurema Nahamwitu woꞌbushobozi bwoshi, agabanyanyaga haashi. Kundu bangabiiri bali bagangambale, bagaakubwa haashi, nga kiti kihamu.

Hisaaya 13:11

Nahano adetaga kwokuno: «Bwaꞌbandu ba mu kihugo bakoli bihuusiri, ngolaga ngabahana. Ee! Ngahaniiriza banangora-mabi booshi. Kundu balyagagi noꞌbwikangaate, si ngabumala lwoshi. Na kundu bakiri mu tindimazania ku kanyaaro, haliko nabo, ngabatindimaza, gira batakizi ki yikangaata.

Hisaaya 14:24

Nahano woꞌbushobozi bwoshi, abiika indahiro kwokuno: «Ngiisi byo nꞌgashungika, kwokwo kwo biganakoleka! Ee! Ngiisi kwo nꞌgatwa uluhango, kwo bigaanaba.

Hisaaya 14:26

Yibyo byoshi, kwokwo kwo ngoli bishungisiri, hiꞌgulu lyaꞌmahanga gooshi. Mukuba, ngoli loziizi ukuhana abandu baago booshi.

Hisaaya 14:27

Niehe, ndi Nahano woꞌbushobozi bwoshi! Aaho! Ikyanya ngweti ngashungika igambo, nyandi úwangaki lihongola? Neꞌkyanya ndi mu ba ndoziizi ukubahana, nyandi úwangaki mbagana kwo?»

Hisaaya 2:11

Hâye ki be ulusiku, lwo Nahano naaho ye gakuzibwa! Si abanabwihemye boohe, bagabiikwa haashi. Ee! Abanabwikangaate bagakizi goka mu kati keꞌshoni.

Hisaaya 2:12

Ngiisi ábagweti bagayikuza, mu lwolwo lusiku, Nahano woꞌbushobozi bwoshi agabahana, anabatindimaze.

Hisaaya 2:17

Ku kirya kyanya, Nahano naaho ye gakizi huuzibwa. Si abanabwikangaate boohe, bagatindimazibwa, banagoke mu kati keꞌshoni.

Hisaaya 23:10

E bandu beꞌTarasisi, si mutaki hiiti ikyambu! Leero, mukolaga mugakizi lima indalo ngaꞌBamiisiri.

Hisaaya 32:13

Ikihugo kyaꞌbandu baani, kigaamera mweꞌmigenge, neꞌmihanda-njovu naaho. Utwaya twinyu, neꞌnyumba ziinyu, kundu bishuba mwoꞌbushambaale, si leero yubwo bushambaale butakiri ho.

Hisaaya 5:13

Abahisiraheeri, bwo batanyiji, kyo kitumiri bagatwalwa imbohe. Abatwali baabo, kiri naꞌbagunda booshi, bagayuvwa umwena, bananyoterwe, halinde banakizi fwa.

Hisaaya 9:15

Yabo bimangizi baabo, bakabahushiisa ikirari. Kyo kitumiri keera bavujuuka.

Yeremiya 13:9

«Abandu beꞌYerusaleemu, kiri naꞌbandi Bayuda, kwokwo kwo ngabashereeza. Si bagweti bagayikangaata bweneene,

Yeremiya 51:62

Ha nyuma, unahuunage Rurema kwokuno: “E Nahano! Ukagwanwa wadeta kwo ugashereeza hano handu, halinde hataki tuule abandu, kandi iri bindi biremwa. Si kino kihugo kigajandwa, kinasigale ngiꞌshamba halinde imyaka neꞌmyakuula!”

Hobadiya 1:2

NaꞌBahedoomu boonyene, Nahano anababwira, ti: «Mu mahanga gooshi, mwehe mwe ngatindimaza. Mwe mugakizi tooherera, mwe muganakenekwa bweneene.

Mikolezi 4:28

«Ngiisi kwo bakagira, byo na byebyo naawe wâli mali gwanwa washungika ukulyokera keera, ku bukalage bwawe, kwo bigaaba.

Bahefeso 1:11

Ngiisi byo Rurema ali mu gira, ali mu gwanwa abishungika. Kwokwo, na nyiitu, akatutoola kwo tube beꞌmwage mu kati ka Kirisito.

Bahefeso 3:11

Yibyo byoshi, kwokwo kwo Rurema âli mali gwanwa abishungika ukulyokera keera. Na buno keera abikoleesa mu kati ka Nahamwitu Yesu Kirisito.

Yakobo 4:6

Kuguma na yibyo, Rurema ali mu tuyushuulira ulukogo. Kyo kitumiri biyandisirwi mu Mandiko Meeru na kwokuno: «Ikyanya abandu bali mu yiheemya, Rurema ali mu batindimaza. Si abatuudu boohe, ali mu bagashaanira.»