Hisaaya 23:3 - Kifuliiru

³ Mu kudandaza, bo bâli kizi leeta ingano ukulyoka i Miisiri. Ee! Bâli kizi gula ingano ku ngombe yoꞌlwiji Niire, banagendi giguliikiza ibinyamahanga.

Hisaaya 23:3 ပူးပေါင်းရင်းမြစ်များ

1 Kutondobola 13:5

Kwokwo, Dahudi anakuumania Abahisiraheeri booshi, ukulyokera ku lwiji Shihoori i Miisiri, halinde kwiꞌrembo lyeꞌHamaati mu kisaka, banagenda i Kiryati-Yariimu, gira bagendi yabiira yaꞌKajumba keꞌKihango.

Hisaaya 19:7

Ibyasi byoshi íbimeziri ku ngombe yoꞌlwiji Niire bigayumaguka. Kiri neꞌmbuto ízigaaba zabyalwa mu ndalo, nazo zigayehuulwa neꞌmbuusi, zinamale.

Hisaaya 23:8

Aahago! Yukwo kushereezibwa kwinyu, nyandagi úkakushungika? Abadandaza baawe, si bâli bagangambale nga baluzi, banâli kizi gingikwa hooshi mu kihugo!

Hisaaya 32:20

haliko, mwehe mukiri bahiirwa. Mukuba, mukiri mu byala imbuto ha tudota. Ingaavu na bapunda muli mu kizi biteereza.

Yeremiya 2:18

Si keera mukagendi nywana naꞌBamiisiri! Aahago! Ikyanya mukagendi nywa ku magoloovi goꞌlwiji Niire, ka hali byo mukayunguka? Na kwakundi, ikyanya mukagendi nywana naꞌBahasuriya, mbu mugendi nywa ku magoloovi goꞌlwiji Hefuraati, biki byo mukayunguka?

Hezekyeri 27:33

Ibindu byawe, ikyanya byâli kizi hika mu bihugo byeꞌkajabo, abandu bingi bâli kizi longa íbishubi bagooziri! Kiri naꞌbaami, nabo bikabagaza, bwo byâli riiri kanyamwala.

Hezekyeri 28:4

mbu ku bwitegeereze bwawe, na ku bwenge bwawe wayigaza, wanayikumaniza inooro neꞌharija, wanabilunda mu bihinda byawe.

Yuheeri 3:5

Haaho, ngiisi úgahuuna ubutabaazi kwiꞌziina lya Nahano, agakizibwa. Mukuba, ku mugazi Sayuni, bandu baguma bagafuuka mwiꞌyo nguuke, nga kwo Nahano âli mali agwanwa alagaania. Ee! Ngiisi ábagasigala ha nyuma lya lulya lusiku, baabo bo Nahano akahamagala.

Bukengeeze 11:10

Yikyo kihugo, kyo mugweti mugagendi hyana, kitali ngeꞌkihugo kyeꞌMiisiri, kirya kyo mukalyoka mwo. Mukuba, iyo munda i Miisiri, mwâli kizi byala ingano, binamùhuune kwo mukizi zinywisa, nga kwo wanganywisa indalo yeꞌshogo.

Yoshwa 13:3

Ibihugo byabo bitonderiiri uluhande lwoshi úluli mu haruurwa kwo lwaꞌBakaanani, kutondeerera ku lwiji Shihoori, lwa ku lubibi lweꞌMiisiri, halinde ikisaka kyeꞌHekurooni. Yulwo luhande, luli lwaꞌbatwali bataanu baꞌBafirisiti, umutwali weꞌGaza, na weꞌHashidoodi, na weꞌHashikelooni, na weꞌGaati, na weꞌHekurooni kuguma noꞌluhande lweꞌHava,