Hisaaya 22:5 - Kifuliiru

⁵ Luno lusiku lwatutwisa indege ngana-ngana! Nahano woꞌbushobozi bwoshi atubiisiragi mwaꞌkalugi, anatushengusa lwoshi-lwoshi! Mu ndekeera yaꞌmabone, abandu bagweti bagalibatana mwo. Inzitiro zaꞌkaaya, keera bakazihongolera haashi, banakola mu tabaaza imweꞌmigazi.

Hisaaya 22:5 ပူးပေါင်းရင်းမြစ်များ

2 Baami 19:3

Banagendi múbwira kwokuno: «Mwami Hezekiya adeta: “Zeene, lukola lusiku lwoꞌkushenguka. Keera twatukwa, twanagayirizibwa. Tukolaga nga mukazi úwahika ku lusiku lwoꞌkubuta umwana, haliko imisi yoꞌkumúbuta, ndaakiyo.

2 Baami 25:10

Kiri neꞌnzitiro zooshi zeꞌYerusaleemu, anabwira abasirikaani beꞌBabeeri kwo bazihongolere haashi.

Hesiteeri 3:15

Ikyanya mwami akakyula, yabo ábakatumwa, banayami vwaruka. Lulya lubaaja, banayami gendi lumenyeesa mu kaaya kahamu keꞌSusaani. Abandu booshi ba mu yako kaaya, iri bakayuvwa, banakanguka bweneene. Haliko mwami bo na Hamaani, bâli bwatiiri, iri bananywa.

Hisaaya 10:6

Balya bandu beꞌHasuriya, nie mu batuma, kwo bagendi teera abandu baani! Mukuba, balya bandu baani, keera bambindulira ingoto. Na bwo bakandakarira bweneene, ngahanguulaga Abahasuriya kwo bagendi bateera, banabashahule ibindu. Bagabahinyata-hinyata, nga kwo bali mu hinyata ibidaka mu njira.

Hisaaya 22:1

Ino ndumwa idesiri hiꞌgulu lyeꞌndekeera yaꞌmabone. E Yerusaleemu, maki gano? Si mweshi mukoli shoniiri ku nyumba!

Hisaaya 25:10

Nahano agakizi langa i Yerusaleemu. Si Abamohabu, boohe, agabahinyata-hinyata. Bagaaba ngiꞌsukiro íri mu hinyatwa mwaꞌmashe geꞌngaavu.

Hisaaya 37:3

Banagendi múbwira kwokuno: «Mwami Hezekiya adeta: “Zeene, lukola lusiku lwoꞌkushenguka. Keera twatukwa, twanagayirizibwa. Tukolaga nga mukazi úwahika ku lusiku lwoꞌkubuta umwana, haliko imisi yoꞌkumúbuta, ndaakiyo!

Hisaaya 5:5

«Iyo ndalo yani, buno ngolaga ngamùbwira ngiisi kwo ngagigira. Ngahongola inzitiro zaayo, halinde inasherebere, naꞌbandu banakizi gilibata-libata mwo.

Hisaaya 63:3

Nahano naye, ti: «Njubi kaaziri imizabibu niengwa, ndanaaye gundi úwandabaala. Ee! Mu buraakari bwani, keera nakanda-kanda ibinyamahanga. Na bwo mbarakariiri bweneene, keera nabahinyata-hinyata, halinde banaminikwa. Kwokwo, imirondo yo nyambiiti, ikoli yijwiri umuko. Yayulubala ngana-ngana!

Hisaaya 63:6

Ikyanya nâli rakiiri, nanakizi libata-libata ibinyamahanga, halinde nanayona umuko gwabo.»

Yeremiya 30:7

Yulwo lusiku, lukola lugaaba lweꞌnguuke. Beene Yakobo bagagooka ngana-ngana! Yayewe! Ulusiku mwene yulwo, lutâye shubi ba ho. Kundu kwokwo, ubuzinda, bâye kizibwe.»

Kimombo 1:5

Emwe! Abandu baamwo bâli kizi yidulumbika mu byaha bweneene. Kyo kitumiri Nahano yenyene, akola mu kalibuza. Abagoma keera bakabagwata, banatwala abandu hala bweneene i mahanga. Yako kaaya, buno abagoma bo bakoli katwaziri. Keera bakakashahula mweꞌbindu, binakola mu bagenduukira.

Kimombo 2:2

Nahano atakayuvwirwa abandu baage ikimino, si akayami bashereegeza inyumba zaabo. Na bwo âli koli rakiiri, anayami hongola inyumba zooshi zaꞌBayuda. Ubwami bwabo, anabudeedeka haashi, anabubonia ishoni, kiri naꞌbatwali baabo.

Kimombo 2:8

Nahano akashungika bweneene ngiisi kwo agahongola inzitiro ízizungulusiri akaaya keꞌSayuni. Yizo nzitiro, kundu zâli shuumiri bweneene, zanayami yihongoleka haashi, buu!

Hezekyeri 7:7

Mwe mutuuziri mu kino kihugo, mukola mugashereezibwa! Ikyanya kiinyu, kyahikaga. Ku migazi yinyu, mutagaki banda akabuuli koꞌbushambaale, si mukola mugashenguka!

Hosheya 10:8

Na bwo bâli kizi yifunda mu byaha mu mbeero ku marango, yizo mbeero zooshi, Rurema agazihongola. Kiri noꞌtutanda twazo tugamera kweꞌmigenge neꞌbigunga. Banatondeere ukubwira imigazi, ti: «Mutubindikire!» Banakizi bwira noꞌtugangazi, ti: «Mutuhongokerage kwo!»

Mika 7:4

Mu kati kaabo, kundu bangadetwa kwo balyagagi biija, banabe boꞌkuli, si bakola mu shuta nga mishuugi. Aaho! Ulusiku lwinyu lwoꞌkuhanwa, keera lwahika! Ngiisi mundu agapumukira haage-haage.

Sefaniya 1:15

Yulwo lusiku, uburaakari bwa Nahano bugayonerwa ku bandu, banalibuuke, iri banashenguka bweneene. Banashereezibwe, iri banasigwa mu mushaka. Lulya lusiku, lugaaba lweꞌkihulu, na lwoꞌmwizingeerwe, lunayidike mweꞌbibungu biiru, halinde kinabe kihulu kya namudidi.

Mataayo 24:16

Haaho, abandu ábali i Buyahudi, batibitirage mu migazi!

Luka 23:30

Ku yikyo kyanya: “Bagabwira imigazi: Mutuhongokere kwo! Bagabwira noꞌtugangazi: Mutubindikire!”