Hisaaya 22:4 - Kifuliiru

⁴ Kwokwo, namùbwira: «Abandu baani keera bakashereezibwa. Aahago! Mundeke ngana ndee balirira ku kimombo. Mutandwaze! Mutanagire mbu mumboleeze.»

Hisaaya 22:4 ပူးပေါင်းရင်းမြစ်များ

Hesiteeri 4:1

Birya byoshi íbikakoleka, iri Moredekaayi akabimenya, anayami daatula ibyambalwa byage. Anayambala ubusuuzu, iri anayishiiga umunyota-kiiko. Ha nyuma, anagenda mu kaaya agweti agabululuka.

Zaburi 77:2

Ikyanya nâli riiri mu makuba, nâli kizi tabaaza Nahano Rurema. Kwokwo, nanamúlirira kwiꞌzu lihamu. Nanamala ubushigi bwoshi, nimúlambuliiri amaboko gaani. Kundu kwokwo, umutima gwani gwanalahira, mbu gutaholeezibwe.

Hisaaya 15:3

Yabo bandu bakola mu genda mu njira bayambiiti amasuuzu, mu kuyerekana umwizingeerwe. Mu ngiisi nyumba, kiri na mu lubuga lwaꞌkaaya, Abamohabu bakola mu nduulu.

Hisaaya 33:7

Lolagi! Kundu abasirikaani biinyu bali bikalage, si leero bakola mu bululuka mu njira. Kiri na ábakatumwa kwo bagendi huuna umutuula, nabo banagaluka bakola mu lira ku kimombo.

Yeremiya 13:17

Keera namùkengula. Haliko, iri mutangandwaza, munabe mukiri noꞌbwikangaate, iri ngakizi kungumira i mutima mu kumùlirira. Ikyanya mugatwalwa imbohe, mwe bandu ba Nahano, ngaliruuka ngana, imigenge yani inakereke.

Yeremiya 31:15

Nahano adetaga kwokuno: «Mu kaaya keꞌRama, abandu bakola mu bululuka ku kimombo, munali mu yuvwikana uluhanga bweneene! Ee! Laheeri ye gweti úgalirira abaana baage. Atanaloziizi kwo hagire úgamúholeeza, bwo batakiri ho.

Yeremiya 4:19

Umutima gwani gukola mu lyana! Gukola mu lyana bweneene! Keera gwanatulagula! Umutima gwani, gugweti gugapuupa-puupa ngana! Si keera nayuvwa ibibuga bikola mu dihirizibwa, kuguma noꞌlujongo lweꞌkiteero. Ku yukwo, ndagaki hulika.

Yeremiya 6:26

Nahano adetaga kwokuno: «E bandu baani, muyambale amasuuzu, munayivuruguuze mu munyota-kiiko. Mubululuke nga úwafwirwa noꞌmwana weꞌkininga. Mukuba, masaasa atabukwa, umushereeza akola agayija.

Yeremiya 8:18

E Rurema, umutima gwani gukola mu siriira noꞌmwizingeerwe, ndaanaye woꞌkugungania.

Yeremiya 9:1

«Yaba bandu baani, balyagagi bahuni, banali bashule. Aahago! Nangaloziizi ukubajanda, na nyigendere, ngendi tuula haꞌbageezi bali mu shumbika mwiꞌshamba.

Yeremiya 9:18

Mu kaaya keꞌSayuni, abandu bakola mu bululuka, ti: «Ala twe! Si twaheraga! Keera twayagagala lwoshi. Inyumba ziitu, keera zahongolwa, tunakola mu yimulwa mu kihugo kiitu.»

Kimombo 2:11

Keera nabululuka bweneene, halinde amasu gaani ganayami konoka. Umutima gwani gutakiri mu yika mu nda. Ikyanya nabona ngiisi kwaꞌbandu baani bagweti bagaminikwa, emwe! Nanayabirwa ukuyihangirira. Si kiri noꞌtuboojo, tukola mu fwira mu njira!

Hezekyeri 21:11

«E mwana woꞌmundu, uyigonyage nga útahiiti umulangaaliro, unatondeere ukulira ku kimombo mu masu gaabo.

Hezekyeri 27:31

Amatwe gaabo, bagagakunguula hiꞌgulu lyawe, banayambale amasuuzu ku mwizingeerwe. Banabululukage ku kimombo, iri banashenguka.

Mika 1:8

Hiꞌgulu lya yubwo buhanya, ngagongeera noꞌkulira. Na ngizi genda bukondwe, buzira kuyambala ibiraato, kandi iri mirondo yoshi. Ngakizi moka nga nyambwe, na ngizi gongeera nga nafufulu.

Mataayo 2:18

«Mu kaaya keꞌRama, mwanayuvwikana ikimombo, noꞌluhanga! Ee! Laheeri ye gweti úgalirira abaana baage ku kimombo! Atanaloziizi kwo hagire úgamúholeeza, bwo batakiri ho.»

Mataayo 26:75

Peturu anayami kengeera galya magambo go Yesu âli mali gwanwa amúbwira: «Uluhazi lútazi bika, ugaaba keera wanyiyogookola ubugira kashatu.» Lyeryo, anayami pumukira imbuga, anatondeera ukubululuka.

Luka 1:2

Ee! Boonyene bo bakatangi giyibonera, banakizi gimenyeesania. Na nyiitu, keera banatumenyeesa hiꞌgulu lyayo.

Luka 19:41

Yesu anayegerera akaaya keꞌYerusaleemu. Neꞌri akakabandaga kwaꞌmasu, anatondeera ukukalirira,