Hisaaya 22:16 - Kifuliiru

¹⁶ «E Sebuna, maki gano? Biki byo ugweti ugaagira? Nyandagi úkakuhanguula kwo uyihumbire ishinda hano? Aahago! Kituma kiki ugweti ugagiyibaajira mu luno lwala?

Hisaaya 22:16 ပူးပေါင်းရင်းမြစ်များ

Ndondeko 50:5

kwo daata akasiga ambikiisa indahiro, ti: “Ngola bu fwa. Kwokwo, ukagendi nziika mu shinda yo nꞌgahumba, mu kihugo kyeꞌKaanani.” Ukukulikirana niꞌragi, nayinginga mwami ambanguule kwo ngendi ziika daata, na njubi galuka.»

2 Samweri 18:18

Ku kyanya Habusalumu âli ki riiri mugumaana, âli mali gwanwa ayishingira inguliro áhali mu buuzibwa Indekeera ya Mwami. Anadeta: «Bwo ndahiiti umwana mutabana, ndaaye úgasigala mwiꞌziina lyani, mbu ngizi kengeerwa.» Iyo nguliro, anagiyinika iziina lyage. Kwokwo, kwo iri mu buuzibwa, halinde zeene.

2 Kutondobola 16:14

anaziikwa mu shinda yo âli mali gwanwa ayihumbira, mu Kaaya ka Dahudi. Ikirunda kyage, bakakigwejeza ku ngingo njiige kwaꞌmalaasi ga kwingi-kwingi, nga kwo gakategaanurwa naꞌbahinga ábali mu galingaania. Babuli twana ikombe lyoꞌmuliro mwingi mu kumúgingika.

Hayubu 3:14

Nangabiiri nduhuusiri kuguma naꞌbaami, bo naꞌbagingi ba mu kihugo. Kundu bâli yubasiri inyumba mbamu, haliko buno bikolaga biguuka.

Hisaaya 14:18

«Abaami ba mu kihugo, bali mu kizi ziikwa mu kati koꞌlushaagwa, ngiisi muguma mu shinda yage.

Hisaaya 14:19

Si wehe, ikirunda kyawe kikashaazibwa mwiꞌheero. Ukolaga nga kaanafu, kaꞌbandu bataki loziizi. Si buno, ukolaga ugamanukira i nakwere! Ukola nga kirunda kyaꞌbandu balibata-libata kwo, unakoli luuzirwi kweꞌbindi birunda. Byoshi kuguma, binayami lashwa mu kishimo hiꞌgulu lyawe.

Hisaaya 22:17

Ewe! Kundu uli mutasumbwa, Nahano agaki kugwata, anakuzuuze-zuuze, anakushulugute.

Hisaaya 52:5

Aahago! Kituma kiki muki gweti mugatindimazibwa kandi? Si abagoma biinyu bakiri mu mùhonyoleza! Bayamiri bali mu jambuura iziina lyani ubwakya-ubwayira. Kwokwo, kwo nie Nahano ndesiri.

Mika 2:10

Aaho! Yimuki, mulyokage hano! Kino kihugo kitakiri kyeꞌmwinyu, mutaganaki kiluhuuka mwo. Si keera mukakiyulubaza, kinakoli lindiriiri naaho ukushereezibwa!»

Mataayo 27:60

Ha nyuma, anakilambika mu shinda yage mbyahya. Mukuba, âli mali gwanwa agibajiisa mu lwala. Na ha mulyango gweꞌyo shinda, anaseeneka haꞌkabururunge kiꞌbuye, abuli lyoka yaho.