Hisaaya 22:12 - Kifuliiru

¹² Ku yikyo kyanya, Nahano woꞌbushobozi bwoshi akamùbwira, kwo muliruuke, munabululuke ku kimombo. Munakunguulwe amatwe, munayambale amasuuzu, mu kuyerekana kwo mukoli jengiirwi.

Hisaaya 22:12 ပူးပေါင်းရင်းမြစ်များ

2 Kutondobola 35:25

Uyo Yosiya, umuleevi Yeremiya anateera ulwimbo lweꞌkimombo hiꞌgulu lyage. Abahisiraheeri bali mu ba noꞌmugeeza gwoꞌkuyimba hiꞌgulu lya Yosiya mu kimombo kyabo, halinde zeene. Yizo nyimbo zeꞌkimombo, ziri nyandike mu bitaabo byabo.

Hizira 9:3

Mbu nyuvwagwe kwokwo, ibyambalwa byani, nanabidaatula, nanayami duutula noꞌmushaku kwiꞌtwe, kiri noꞌlwanwa. Nanajongama, ngoli shengusiri.

Nehemiya 9:9

«Ikyanya bashokuluza biitu bâli kizi libuuka mu kihugo kyeꞌMiisiri, wanababona. Neꞌkyanya bakakutakira ku Nyaaja Ndukula, wanabayuvwa.

Hayubu 1:20

Hayubu anayami yijejeeta, anadaatula ikyambalwa kyage. Ha nyuma, anayibega umushaku kwiꞌtwe, anayibulaga haashi, anatondeera ukuyikumba Rurema kwokuno:

Mwigiriza 3:11

Nanashubi bonaga kwo Rurema abiisiri amagambo geꞌmyakuula mu mitima yitu. Kundu kwokwo, mu byoshi byo tugweti tugaagira, ndaaye úli mu sobanukirwa ngiisi kwo akabitondeera, na ngiisi kwo akabiyusa.

Mwigiriza 3:4

Hali ikyanya kyoꞌkulira, na kyoꞌkushubi sheka. Hali ikyanya kyoꞌmwizingeerwe, na kyoꞌkushubi kina.

Hisaaya 15:2

Abamohabu booshi, ikyanya bakabona íbikakoleka ku bandu beꞌNebo naꞌbeꞌMedeba, banayami banda akashiba, ti yoho wee! Abandu beꞌDibooni, bagenda mu nyumba yeꞌmizimu yabo, gira bagendi lirira mwo. Yabo booshi keera bakunguulwa imishaku, kiri neꞌnyanwa.

Hisaaya 26:10

Si banangora-mabi, boohe, kundu wangabagirira bwija, ndaazo ngesho nyija zo bali mu yiga. Bagenderiiri naaho ukukizi bihuuka. Na kundu ulyagagi Nahano woꞌbulangashane, si batakutwaziizi.

Hisaaya 29:1

Yayewe imwawe, e Yerusaleemu! Ulyagagi kaaya ka mwami Dahudi, neꞌsiku zaawe ngulu ziyamiri zigenderiiri umwaka ku gundi.

Hisaaya 3:24

Ho bangakizi huumura amalaasi, bagakizi baya akatuuru. Na ho bangabiiri bayambiiti umukaba mwija, bagakizi shweka umugozi. Na ho bangabiiri bashanuziizi umushaku bwija, bagakizi mwebwa imbala. Na ho bangabiiri bayambiiti imirondo yoꞌmulimbo, bagakizi yambala amasuuzu. Na ho bangabiiri banonosiri bweneene, bagasigala batetiirwi neꞌshoni.

Hisaaya 32:11

E bakazi, kundu muki jeberiiri, ndaanabyo muhahiiri, si mukwiriiri mulengage mweꞌkinyukura. Aaho! Mukaturure ibyambalwa biinyu, munakenyere amasuuzu, mu kuyerekana kwo mukoli jengiirwi.

Hisaaya 37:1

Yago magambo gooshi, ikyanya mwami Hezekiya akagayuvwa, naye anadaatula ibyambalwa byage. Anayambala ubusuuzu, anayingira mu nyumba ya Nahano, gira amútabaaze.

Hisaaya 37:2

Heryakimu, umwimangizi waꞌkajumiro, naye âli yambiiti ubusuuzu kiri na Sebuna umwandisi, naꞌbakulu baꞌbagingi. Yabo booshi, mwami Hezekiya anabalungika imwoꞌmuleevi Hisaaya, mugala Hamoozi.

Hisaaya 58:3

Yabo bandu bagweti bagayidesa kwokuno: “Kundu tushuba mu yishalisa, si utatutwaziizi. Aaho! Kamaro kaki ko twalonga? Kundu tugweti tugayibiika haashi, si utatubwini.”» Kundu kwokwo, Nahano adetaga kwokuno: «Ikyanya mugweti mugayishalisa, si mugweti mugayihahalira mwenyene, munabe mugweti mugalyalyania abakozi biinyu.

Yeremiya 16:6

«Mu kyekyo kihugo kyeꞌBuyuda, mwaꞌbanabushobozi bagaherera, kuguma naꞌbagunda. Ndaanaye úgaagira mbu abaziike, kandi iri kubalirira. Ndaanaye úgayibejanga, kandi iri kubegwa, mu kuyerekana umwizingeerwe.

Yeremiya 16:8

«Emwe! Abandu, nga bangaba balyagagi noꞌbugeni, utakolwe mbu ugendi bakunga! Hatagire hyo ugaalya mwo, kandi iri hyo ugaanywa.

Yeremiya 4:8

Ku yukwo, mukenyerage amasuuzu, mu kuyerekana kwo mukoli jengiirwi. Munabululuke ku kimombo. Si uburaakari bwa Nahano butazi hooha hiꞌgulu liitu!»

Yeremiya 7:29

Nahano adetaga kwokuno: «E batuulaga beꞌYerusaleemu! Mukunguule imishaku yinyu, munagikabulire, munazamuukire ku marango, gira mugendi bululukira yo. Mukuba yaba bandu, keera bakandaakaza. Kwokwo naani, keera nꞌgabajanda.»

Hezekyeri 27:31

Amatwe gaabo, bagagakunguula hiꞌgulu lyawe, banayambale amasuuzu ku mwizingeerwe. Banabululukage ku kimombo, iri banashenguka.

Danyeri 5:1

Iri hakaba lusiku luguma, mwami Berishaaza analaalika abatwali baage kihumbi ku lusiku lukulu. Yabo booshi, bananywa idivaayi bo naye.

Hosheya 9:1

E Bahisiraheeri! Mutakizi shambaala, mutanakizi banda akabuuli, nga kweꞌbinyamahanga biri mu gira. Si mutali bemeera imwa Rurema winyu! Si keera mukayiguliisa, gira mubaagage bashule. Musiimiri bweneene ukuhembwa ha ngiisi kiyeluuliro hiꞌgulu lyoꞌbushule bwinyu.

Yuheeri 1:13

Na niinyu, e bagingi! Muyambalage ibyambalwa byoꞌkugandaara. Mwe mugweti mugaakola ha katanda ka Nahano, mulirage. Mwe mugweti mugakolera Rurema, mulaale muyambiiti amasuuzu. Mukuba abandu, ndaakiryo ituulo lyoꞌmushyano kandi iri lyeꞌdivaayi bakiri mu tanga mu nyumba ya Rurema.

Yuheeri 1:8

Kwokwo, mulirage! Mukizi ba ngoꞌmunyere úgweti úgabululuka mu kigandaaro kyeꞌshasha yage.

Yuheeri 2:12

Nahano adetaga kwokuno: «Bwo muki hiiti ikyanya, mungalukirage ku mutima gwinyu gwoshi. Si kikola kyanya kyoꞌkuyishalisa, na kyoꞌkulira, na kyoꞌkujengeerwa.

Yuheeri 2:17

Kiri naꞌbagingi, kwo bali mu kolera Nahano, nabo bayingire ha kati keꞌkisiika kyoꞌkuyingira mu nyumba ya Rurema, naꞌkatanda kaage. Ee! Balirage, iri banakizi huuna Rurema, ti: «E Nahano, si tulyagagi bandu baawe! Aaho! Utukejeerere, we kongwa. Utanaki tubonie ishoni! Utanaleke kweꞌbinyamahanga bikizi tuhonyoleza, mbu: “Aaho! Rurema winyu, ali hayagi?”»

Hamoosi 8:10

Isiku ziinyu ngulu, ngazihindula, zibe za kigandaaro. Na kundu muli mu yimba ku kisegengo, halikago mukola mugaalira ku kimombo. Mugayambala ibyambalwa byeꞌkigandaaro. Na bwo mugaaba mukoli jengiirwi, mugakunguula amatwe giinyu. Ku yikyo kigandaaro, mugaaba nga úwafwirwa neꞌkininga. Ulusiku lwoꞌkushibuuka, mugajengeerwa ngana-ngana!»

Yona 3:6

Mwami weꞌNinaawi, mbu ayuvwagwe kwo bakola bagaahanwa, naye anayami shaaga ku kitumbi kyage kyoꞌbwami, anahogola imirondo yage miija, anayambala ubusuuzu, anagendi yibwandalika mu munyota-kiiko.

Mika 1:16

E Bayuda! Mubegeese imishaku yinyu mu kuyerekana umwizingeerwe. Si mukola muganyagwa abaana biinyu bakundwa. Muyibege, halinde amatwe giinyu gashushaane nga ga ngukuma. Si abaana biinyu, bagatwalwa imbira i mahanga!

Yakobo 5:1

Na niinyu mwe bagale! Munyuvwirize bwija! Mukizi lira ku kimombo, iri munabululuka! Mukuba mugaki yingira mu makuba.