Hisaaya 21:3 - Kifuliiru

³ Ala nie! Ngoli yuvwiti ubulyanirwe mu kibuno. Bukola mu lyana nga mukero gwoꞌmukazi. Ngiisi byo ngola mu yuvwa, bikoli nyobohesiizi! Kiri na byo ngola mu bona, biri mu mbiika uluhuha.

Hisaaya 21:3 ပူးပေါင်းရင်းမြစ်များ

Zaburi 48:6

Haliko, iri bakakabonaga, banasoomerwa ngana. Banagwatwa neꞌkyoba, banayami puumuka.

Hisaaya 13:8

Yabo booshi bakola mu shenguka, iri banababala. Bakola mu lyanirwa, nga mukazi úkola mu liibwa noꞌmukero. Bakola mu lolana-lolana kwo mu kati keꞌkyoba. Na bwo bakoli humiirwi, amalanga gaabo gakola mu yaga-yaga nga muliro.

Hisaaya 15:5

Yabo Bamohabu, umutima gwani gukoli jengiirwi hiꞌgulu lyabo. Keera batibita halinde i Sowari, kiri neꞌHegulaati-Sherishiya. Banakola mu zamuukira i Luhiti, iri banalira. Bwo keera bakashereezibwa, bakola mu genda i Horonayimu bali mu lira.

Hisaaya 16:11

Umutima gwani gukola mu lirira ikihugo kyeꞌMohabu. Ngolaga nga kinubi íkiri mu laka ku kigandaaro. Ee! Umutima gwani gukola mu lirira akaaya keꞌKiiri-Heresi.

Hisaaya 16:9

Na bweꞌyo mizabibu yeꞌShibima isherebiiri, yabo bandu beꞌYazeeri, tukola mu lirira kuguma. Tunakola mu lirira kuguma naꞌbandu beꞌHeshibooni naꞌbeꞌHereyale. Si batâye ki yimbule ibitumbwe, batanâye ki bande akabuuli ku bushambaale!

Hisaaya 26:17

Twâli riiri ngoꞌmukazi úkola úgaabuta. Ali mu liruuka bweneene, iri anagaya-gaya noꞌmukero.

Yeremiya 4:19

Umutima gwani gukola mu lyana! Gukola mu lyana bweneene! Keera gwanatulagula! Umutima gwani, gugweti gugapuupa-puupa ngana! Si keera nayuvwa ibibuga bikola mu dihirizibwa, kuguma noꞌlujongo lweꞌkiteero. Ku yukwo, ndagaki hulika.

Yeremiya 48:41

Utwaya twamwo tugagwatwa, kiri noꞌtwaya tuzitire. Ku yikyo kyanya, ibikalage byeꞌndwani bigahuumirwa, ngoꞌmukazi úgweti úgaabuta.

Yeremiya 49:22

Lolagi! Abagoma baꞌbandu beꞌBosira bakola bagayija nga nyunda úli mu yami yihwika mu kaaya kaabo. Yulwo lusiku, abasirikaani beꞌHedoomu bagateerwa neꞌkyoba, nga mukazi úkola mu yuvwa umukero.

Yeremiya 50:43

Yabo basirikaani, mwami weꞌBabeeri keera akayuvwa imyazi hiꞌgulu lyabo, anayoboha, halinde amaboko gaage gakoli lebiiri. Akoli shengusiri, anakola mu lyanirwa, ngoꞌmukazi úgweti úgaliibwa noꞌmukero.

Yeremiya 6:24

Abandu beꞌYerusaleemu banadeta: «Yabo basirikaani, keera tukayuvwa imyazi hiꞌgulu lyabo, tunakoli shengusiri. Ala twe! Tukolaga noꞌlushunguti ngoꞌmukazi úgweti úgaliibwa noꞌmukero.

Habakuki 3:16

Iri nꞌgayuvwa kwokwo, ibya mu nda byanalyamuza liguma, gyuu! Akanwa kaani, kanakizi shushubira. Neꞌndege zanayami tera! Balya bandu bagweti bagatuteera, kundu kwokwo, ngalindirira ku bwigenderezi, halinde balonge ukuminikwa.

Yohana 16:21

«Kiri noꞌmukazi, ikyanya akola agaabuta, ali mu liibwa noꞌmukero, bweꞌkyanya kyage kyahikaga. Kundu kwokwo, ikyanya ali mu ba keera abuta, yugwo mukero, ali mu yami guyibagira, bwo ali mu ba keera abuta umwana mu kihugo, anabe akola mu yuvwa amalega naaho.

Bukengeeze 28:67

Ikyanya mugakizi bona íbyakoleka, mugakizi juguma. Shesheezi, mugakizi gerania, ti: “Yoho wee! Kákibe ko kabigingwe.” Naꞌkabigingwe, munageranie, ti: “Yoho wee! Líkibe yo shesheezi.”

1 Batesaloniki 5:3

Neꞌkyanya abandu bagaaba bakiri mu deta: «Tuli noꞌmutuula, tuli noꞌbutoge», lyeryo lyo bagayami shereezibwa. Bigaaba nga kwoꞌmukazi weꞌnda ali mu yami hikirwa noꞌmukero. Yabo bandu batagafuushuka, kiri neꞌhiniini!