Hisaaya 2:12 - Kifuliiru

¹² Ngiisi ábagweti bagayikuza, mu lwolwo lusiku, Nahano woꞌbushobozi bwoshi agabahana, anabatindimaze.

Hisaaya 2:12 ပူးပေါင်းရင်းမြစ်များ

2 Samweri 22:28

Abatuudu, uli mu bakiza. Si abanabwikangaate, uli mu batindimaza.

Hayubu 24:1

«Nangaloziizi kwo Rurema woꞌbushobozi bwoshi angashungisiri ikyanya kyoꞌkutwa kweꞌmaaja za banangora-mabi. Kundu kwokwo, yikyo kyanya, si abandu ba Rurema batagweti bagakiyitoneesa kwo!

Zaburi 131:1

Izaburi ya Dahudi. Luli mu yimbwa na ábali mu zamuukira i Yerusaleemu. E Nahano, ndali mu yiheemya mu mutima gwani. Kiri naꞌmasu gaani, gatali mu negurana. Ndagweti ngaalola ku magambo mahamu, kandi iri ku bya kahebuuza íbindeeziri ulugero.

Zaburi 18:28

Ee! Abanabwikangaate, uli mu batindimaza. Si abatuudu boohe, uli mu bakiza.

Zaburi 37:13

Kundu kwokwo, Nahano ali mu bashekeereza, bwo ayiji kwo bakola bagaahanwa naaho.

Zaburi 94:2

Uyimukage, maashi! Si we mu twa imaaja zaꞌbandu booshi mu kihugo. Aaho! Ngiisi ábagweti bagayikangaata, ugire ubahane nga kwo bibakwaniini.

Migani 16:5

Abanabwikangaate, Nahano abashombiri. Ku kasiisa, ngiisi muguma wabo agaahanwa ngana.

Hisaaya 10:12

Mwami weꞌHasuriya agweti agayikangaata, kinatume akola mu gira yaga mabi mingi. Kwokwo, ikyanya Nahano agaaba keera ayusa ukuhana umugazi Sayuni, yaho i Yerusaleemu, uyo mwami waꞌBahasuriya naye, lyo Nahano agamúhana.

Hisaaya 10:33

Kundu kwokwo, abakulu baabo, Rurema Nahamwitu woꞌbushobozi bwoshi, agabanyanyaga haashi. Kundu bangabiiri bali bagangambale, bagaakubwa haashi, nga kiti kihamu.

Hisaaya 13:11

Nahano adetaga kwokuno: «Bwaꞌbandu ba mu kihugo bakoli bihuusiri, ngolaga ngabahana. Ee! Ngahaniiriza banangora-mabi booshi. Kundu balyagagi noꞌbwikangaate, si ngabumala lwoshi. Na kundu bakiri mu tindimazania ku kanyaaro, haliko nabo, ngabatindimaza, gira batakizi ki yikangaata.

Hisaaya 13:6

E bandu beꞌBabeeri, mukizi banda akaluulu. Ulusiku lwo Nahano agayiji mùtwira kweꞌmaaja, lukoli yegeriiri. Ee! Rurema woꞌbushobozi bwoshi, akola agamùshereeza.

Hisaaya 13:9

Lolagi! Ulusiku lwo Nahano agaatwa kweꞌmaaja lukoli yegeriiri. Lulya lusiku, lwo agayerekana kwoꞌburaakari bwage, halinde abandu banahuumirwe. Yikyo kihugo kyoshi, agakishereeza, kinahinduke mushaka. Agaminika abanabyaha booshi ábakituuziri mwo.

Hisaaya 14:15

Si buno keera ukayami manulwa halinde i nakwere. Ee! Ukayami tibulirwa ho abafwiri bakoli tuuziri.

Hisaaya 23:9

Úwashungika kwoku, ali Nahano woꞌbushobozi bwoshi. Yaba bandu, kundu bâli kizi yikangaata, haliko Rurema analooza ukubatindimaza. Na kundu bâli gweti bagashaagwa, halikago anashungika ukubateeza ishoni.

Hisaaya 24:21

Ku lwolwo lusiku, Nahano agahaniiriza abatwali ba mwiꞌgulu, anahaniirize kiri naꞌbaami ba mu kihugo.

Hisaaya 24:4

Ikihugo kikoli yumagusiri. Neꞌmbuto zooshi zikoli hangalusiri. Abakulu ba kino kihugo bataki kaniri.

Hisaaya 40:23

Si abatwali, boohe, agweti agabatindimaza. Naꞌbatwi beꞌmaaja ba mu kihugo, ali mu bahindula babe tufwa-busha.

Hisaaya 42:15

«Ngashereeza imigazi noꞌtugangazi, bihinduke ishamba. Ibyasi byoshi, ngabiyumya. Ngayumya neꞌnyiiji neꞌbirigo, bihinduke luumagu.

Hisaaya 5:15

Abandu booshi bagaki biikwa haashi. Kiri naꞌbanabwikangaate booshi, nabo, bagaki teezibwa ishoni.

Hisaaya 61:2

Ninamenyeese ábajengiirwi kweꞌkyanya keera kyahika kyo Nahano agayerekana kwoꞌbwija bwage. Si abagoma baage boohe, Rurema witu agabayihoola.

Yeremiya 12:9

Abandu baani bakola mu hindwa nga kanyuni ákali mu hindwa ngiisi luhande na banyunda. Ngahwe! Mugendi kuumania inyamiishwa zooshi, gira nazo ziyiji balya.

Yeremiya 13:9

«Abandu beꞌYerusaleemu, kiri naꞌbandi Bayuda, kwokwo kwo ngabashereeza. Si bagweti bagayikangaata bweneene,

Yeremiya 30:7

Yulwo lusiku, lukola lugaaba lweꞌnguuke. Beene Yakobo bagagooka ngana-ngana! Yayewe! Ulusiku mwene yulwo, lutâye shubi ba ho. Kundu kwokwo, ubuzinda, bâye kizibwe.»

Yeremiya 46:10

Kundu kwokwo, luno lusiku lulyagagi lweꞌmwa Nahano Rurema woꞌbushobozi bwoshi! Yabo booshi, mu siku ízigayija, agabayihoola. Agahaniiriza abagoma baage, halinde anabaminike ku ngooti. Abagoma baabo, bagabajiga, halinde abasirikaani bingi banayitwe. Abandu ábatuuziri uluhande lweꞌmbembe, hoofi noꞌlwiji Hefuraati, bagaaba ngiꞌtuulo íryatangwa imwa Nahano woꞌbushobozi bwoshi.

Yeremiya 50:31

«E bandu boꞌbwikangaate! Niehe, nie Nahano woꞌbushobozi bwoshi. Na buno, ngola ngamùlwisa. Ee! Kikola kyanya kyoꞌkumùhaniiriza.

Hezekyeri 13:5

Kundu inzitiro ziinyu keera zikahongoka, si mutali mu zishakuulula, mutanali mu ziba amatule gaazo. Aaho! Ikyanya nie Nahano ngayiji twa imaaja zaꞌbandu, naꞌbagoma banabe bagweti bagamùteera, kutagi kwo mwangaki bahangirira?

Hamoosi 5:18

Si mugweti mugaadeta: «Ulusiku lwo Nahano agaatwa kweꞌmaaja, tululindiiri ku kyedu bweneene!» Yayewe imwinyu! Lulya lusiku, kundu mugweti mugalulindirira, si lutagamùleetera umulengeerwe, lunabe lwa kihulu naaho.

Mika 2:3

Kyo kitumiri Nahano adetaga kwokuno: «Ikyanya mugweti mugaagira amabi, niinyu, ngamùgirira go. Umutego gugamùgwasa, mutanashobole ukuguyifuushula mwo. Mu kugenda, mutagaki yikangaata, si kigaaba kikolaga kyanya kyoꞌkuhuumirwa.»

Mika 5:11

Ngashereeza ibiheeko biinyu byoshi, halinde mutagaki ba noꞌmundu woꞌkumùlagula.

Sefaniya 1:16

Ku lwolwo lusiku, abandu bagadihiriza ibibuga hiꞌgulu liꞌzibo, iri banabanda akashiba. Abagoma bagayiji hongola inzitiro zoꞌtwaya, kiri neꞌniizo zaatwo.

Sefaniya 3:11

«E bandu beꞌYerusaleemu, kundu mwâli kizi mbubira, haliko ku yulwo lusiku, mutâye ki teerwe neꞌshoni. Mu kati kiinyu, ngiisi ábagweti bagayiheemya, noꞌkuyidundulika, ngabashaaza mu kati kiinyu. Ndaanaye úgakizi yikangaata ku mugazi gwani mweru.

Mataayo 23:12

Mukuba, umundu, iri angayikuza, agabiikwa haashi. Haliko, iri angayibiika haashi, lyoki lyo agakuzibwa.

Luka 14:11

Ee! Umundu, iri angayikuza, agabiikwa haashi. Haliko, iri angayibiika haashi, lyoki lyo agakuzibwa.»

1 Bakorindo 5:5

Haaho uyo mundu, munamútange imwa Shetaani, gira amagala gaage gashereezibwe! Haliko, umutima gwage gwohe, gukalonge ukukizibwa ku lusiku lwo Nahano agagaluka kwo.

1 Batesaloniki 5:2

Si mwenyene muyijagi kwoꞌlusiku lwa Nahamwitu lugatutubiira, nga kwoꞌmuzimba ali mu tubiirana bushigi.

Yakobo 4:6

Kuguma na yibyo, Rurema ali mu tuyushuulira ulukogo. Kyo kitumiri biyandisirwi mu Mandiko Meeru na kwokuno: «Ikyanya abandu bali mu yiheemya, Rurema ali mu batindimaza. Si abatuudu boohe, ali mu bagashaanira.»