Hisaaya 2:10 - Kifuliiru

¹⁰ Aahago! Mugendi yifunda mu nyaala, munayihumbire imihobo, gira muyibishe uburaakari bwa Nahano! Si Nahano ali wa kukangana! Noꞌbushobozi bwage, buli bwaꞌkahebuuza.

Hisaaya 2:10 ပူးပေါင်းရင်းမြစ်များ

Hayubu 31:23

Yibyo bihano, byo bikulu, ho Rurema yenyene angayiji njereeza. Iri Rurema woꞌbulangashane angambaga, iri namala lwoshi.

Hayubu 40:13

Unabaziike booshi kuguma mwiꞌdaho, unabashwekere mu kuzimu.

Zaburi 145:12

Kwokwo, lyaꞌbandu booshi bagaamenya ibitangaaza byawe bya kahebuuza, na ngiisi kwo ugingisirwi mu bwami bwawe.

Zaburi 90:11

Aaho! Nyandagi úwangasobanukirwa ngiisi kwoꞌburaakari bwawe bubambiri bweneene? Yubwo buraakari bwawe, ngiisi kwo buli buhamu, kwo na kwokwo abandu bakwiriiri bakizi kuyoboha bweneene.

Hisaaya 10:3

Aahago! Ulusiku Nahano agaahana abandu, kutagi kwo mwâye ki yibulanire? Ikyanya ibinyamahanga bigayiji mùteera kutagi kwo mwâye ki fuuke? Nyandagi ye mwâye tibitire, mbu amùtabaale? Ibindu biinyu, hayi ho mwâye gendi bibisha?

Hisaaya 25:11

Bagakizi lambuula amaboko, mbu bashaage mwo, ngoꞌmundu úli mu yoga. Kundu kwokwo, Nahano agaamala ubwikangaate bwabo, kuguma neꞌmikolezi yabo mibi.

Hisaaya 42:22

Halikago abandu baage, keera bakashahulwa ibindu. Yabo booshi, keera bakayihongoleka mu buhya, kandi iri kutwalwa mu nyumba yeꞌmbohe. Keera bakanyagwa, ndaanaye úkabafuukiza ibindu. Bakatwalwa imbohe, ndaanaye úkagendi baguluula yo.

Yeremiya 10:10

Kundu kwokwo, Nahano naaho, ye Rurema woꞌkuli. Yehe, ye Rurema úli mugumaana, anali ye mwami weꞌmyaka neꞌmyakuula. Ikyanya ali mu raakara, ikihugo kiri mu yami jugumbana. Yubwo buraakari bwage, ibinyamahanga bitangabuyigenderera.

Yeremiya 10:7

Uli mwami waꞌmahanga gooshi. Unakwaniini bweneene ukugingikwa. Mu milala yoshi, na mu maami gooshi, ndaaye mwitegeereza úli nga we.

Yeremiya 13:9

«Abandu beꞌYerusaleemu, kiri naꞌbandi Bayuda, kwokwo kwo ngabashereeza. Si bagweti bagayikangaata bweneene,

Hosheya 10:8

Na bwo bâli kizi yifunda mu byaha mu mbeero ku marango, yizo mbeero zooshi, Rurema agazihongola. Kiri noꞌtutanda twazo tugamera kweꞌmigenge neꞌbigunga. Banatondeere ukubwira imigazi, ti: «Mutubindikire!» Banakizi bwira noꞌtugangazi, ti: «Mutuhongokerage kwo!»

Nahumu 3:11

E Ninaawi! Si na naawe, leero ugalaluka. Ugagendi looza ukuyibisha, gira abagoma batakugwate.

Luka 12:5

«Buno, ngamùyerekaga ngiisi ye mukwiriiri ukukizi yoboha. Mukizi yoboha Rurema! Mukuba, yehe, alyagagi noꞌbushobozi bwoꞌkutee yita amagala goꞌmundu, akabuli múlasha i nakwere. Namùbwiraga, kwo yoyo ye mukwiriiri ukukizi yoboha!

Luka 23:30

Ku yikyo kyanya: “Bagabwira imigazi: Mutuhongokere kwo! Bagabwira noꞌtugangazi: Mutubindikire!”

2 Batesaloniki 1:9

Neꞌkyanya bagaahanwa, bagayama basheriiri imyaka neꞌmyakuula, banatwibwe ku Nahano, na ku bushobozi bwage úbuli mwoꞌbulangashane.