Hisaaya 18:7 - Kifuliiru

⁷ Ku yikyo kyanya, birya bifigisi byaꞌbandu bigayijaga, binatange ituulo imwa Nahano woꞌbushobozi bwoshi! Yibyo bifigisi, umwego gwabyo gukeruusiri. Naꞌbandu baꞌmahanga gooshi, bayamiri babiyobohiri. Ee! Biryagagi bilangi ngana, binali mu minika abagoma. Ikihugo kyabyo, kiri mu golomba mweꞌnyiiji. Kundu kwokwo, balya bala bagayiji kizi tuula Nahano woꞌbushobozi bwoshi, ku mugazi Sayuni.

Hisaaya 18:7 ပူးပေါင်းရင်းမြစ်များ

2 Kutondobola 32:23

Abandu bingi banakizi yija i Yerusaleemu, gira batangire Nahano yaꞌmatuulo. Kiri na mwami Hezekiya, banakizi yiji mútengula ibindu byeꞌkishingo. Ukulyokera yaho, uyo mwami Hezekiya, abandu baꞌmahanga gooshi, banakizi músimbaha.

Zaburi 68:32

Indumwa ziyijage ukulyoka i Miisiri. Kiri naꞌBahendyopiya bagirage bakizi tabaaza Rurema.

Hisaaya 16:1

Mwami weꞌYerusaleemu, mumútwalirage imirambu yeꞌbibuzi. Bilenge mwiꞌshamba lyeꞌSeela, halinde bihike ku mugazi Sayuni.

Hisaaya 18:2

Muli mu lungika indumwa mu lwiji Niire, mu bwato úbukalinganizibwa mu kaliri. E ndumwa, musuulage umulindi. Mugende mu bifigisi byaꞌbandu, balya boꞌmwego gukeruusiri. Birya bifigisi, abandu booshi bayamiri babiyobohiri, halinde mu mahanga gooshi. Biryagagi bilangi ngana, binali mu minika abagoma. Ikihugo kyabo, kiri mu golomba mweꞌnyiiji.

Hisaaya 18:4

Nahano ambwiraga kwokuno: «Nduuziri mwiꞌgulu, na ndi mu langiiza hooshi mu kihugo. Na nyamiri naaho ndi munyerere. Nyamiragi mbulisiri naaho, ngiꞌzuuba lya kalenge-renge, kandi iri ngeꞌndara ku kyanya kyeꞌmimbu.»

Hisaaya 45:14

Nahano adetaga kwokuno: «Abamiisiri bagaaba bandu baawe, kuguma naꞌBahendyopiya, naꞌBasheeba. Ibindu byabo, we bigayegukira. Bagakizi yija bakushalagiiri nga mbohe ízishwesirwi neꞌmigufu, banakizi kufukamira, iri banadeta: “Ku kasiisa mutuliinwi na Rurema. Ndaanaye gundi úli ho.”»

Mika 4:13

Nahano adetaga kwokuno: «E bandu beꞌYerusaleemu, muyimuke, gira mubakubule. Ngamùshoboleesa, mube nga muhiiti amahembe geꞌbyuma neꞌbinogosho byoꞌmulinga. Kwokwo, yibyo binyamahanga mugabitema-tema bitolo-bitolo. Noꞌbugale bwabo, munayiji bundangira nie Nahano, bwo nie ndwaziri amahanga gooshi.»

Habakuki 1:7

Yabo Bababeeri, bayijikiini kwo bali balangi, banali mu leeza abandu mweꞌkinyukura. Bali mu gira ngiisi kwo baloziizi, buzira kutwaza ugundi mundu.

Sefaniya 3:10

Abandu baani, kundu bâli shabukiiri i kajabo keꞌnyiiji zeꞌKuushi, haliko bagakizi yiji ndeetera amatuulo.

Malaki 1:11

«Iziina lyani, ligweti ligahuuzibwa mu mahanga gooshi, ukulyokera isheere halinde imuga. Ee! Ngiisi hooshi, bagweti baganyokera umubadu, iri banandangira amatuulo ágakwaniini. Kwokwo, lyeꞌmilala yoshi iri mu kizi huuza iziina lyani. Kwokwo, kwo nie Nahano woꞌbushobozi bwoshi, ndesiri.

Mataayo 2:11

Balya banabwenge beꞌndonde banayingira mu nyumba. Neꞌri bakabonaga ulya mwana, ali kuguma na nyina Maryamu, banafukama imbere lyage, banamúyikumba. Ha nyuma, banabohoola amafumba, banatengula umwana inooro, noꞌmubadu, naꞌmanemane.