Hisaaya 18:4 - Kifuliiru

⁴ Nahano ambwiraga kwokuno: «Nduuziri mwiꞌgulu, na ndi mu langiiza hooshi mu kihugo. Na nyamiri naaho ndi munyerere. Nyamiragi mbulisiri naaho, ngiꞌzuuba lya kalenge-renge, kandi iri ngeꞌndara ku kyanya kyeꞌmimbu.»

Hisaaya 18:4 ပူးပေါင်းရင်းမြစ်များ

2 Samweri 23:4

haaho, ali nga lukula úwatema, anali ngiꞌzuuba íriri mu tunduuka, buzira kuhangirirwa neꞌbibungu. Ali nga nvula, íri mu meza umuyonga.”

2 Kutondobola 6:21

Ndi mukozi wawe. NaꞌBahisiraheeri nabo, bali bandu baawe. Kwokwo, ikyanya tugakizi hindukira hano handu, iri tunakuyinginga, ukizi tuyuvwiriza. Kundu utuuziri mwiꞌgulu, ukizi tuyuvwiriza, unatukoge.

Zaburi 72:6

Uyo mwami abaagage nga nvula, kwo igweti igaania mu ndangiriro, halinde ikihugo kikizi longa amiiji.

Migani 19:12

Ikyanya mwami araakara, ali mu ba nga ndare ígweti ígalunduma. Si urukundo lwage, luli mu ba nga kimi íkiri ku katendeezi.

Hisaaya 12:6

Mwe batuulaga beꞌSayuni! Mubandire Nahano akabuuli, awi yiyi yiyi! Ee! Ali Mutaluule waꞌBahisiraheeri. Anatuuziri mu kati kiinyu, ku njira ya kahebuuza!»

Hisaaya 14:32

Aaho! Yizo ndumwa ízilyosiri mu Bafirisiti, kutagi kwo tugabashuvya? Tubabwirage kwokuno: «Akaaya keꞌSayuni, Nahano yenyene keera akakasikamya. Abandu baage bakeni, bagakizi katibitira mwo, halinde balongage ukulangwa bwija.»

Hisaaya 18:7

Ku yikyo kyanya, birya bifigisi byaꞌbandu bigayijaga, binatange ituulo imwa Nahano woꞌbushobozi bwoshi! Yibyo bifigisi, umwego gwabyo gukeruusiri. Naꞌbandu baꞌmahanga gooshi, bayamiri babiyobohiri. Ee! Biryagagi bilangi ngana, binali mu minika abagoma. Ikihugo kyabyo, kiri mu golomba mweꞌnyiiji. Kundu kwokwo, balya bala bagayiji kizi tuula Nahano woꞌbushobozi bwoshi, ku mugazi Sayuni.

Hisaaya 26:19

Abandu baawe, kundu bakoli fwiri, haliko bagashubi zuuka, banabe bagumaana. E birunda, kundu mukiri mu kuzimu, muzuukage, munabande akabuuli. Kundu indara ikiri mu mùbwikira, haliko iri mu yerekana kwo hagaaba ulusiku luhyahya. Abafwiri bagalonga ukuzuuka bakola bagumaana.

Hisaaya 26:21

Lolagi! Nahano akola agalyoka mwiꞌgulu. Abandu beꞌkihugo bakiri mu gira amabi, kinatume agabahana hiꞌgulu lyago. Abiitani, kundu bâli kizi yona umuko mu kihugo, haliko yugwo muko, gutagaki shubi bishama.

Hisaaya 31:9

Yabo Bahasuriya bagahuumirwa. Abakulu baabo, ikyanya bagabonaga amarembera giinyu giꞌzibo, bagaagira mbu bapuumuke. Umuliro gwa Nahano guli mu kizi yaka hiꞌgulu lyaꞌkaaya keꞌSayuni. Ibengesheeshe lyagwo liyamiri haaho i Yerusaleemu. Kwokwo, kwo Nahano adesiri.

Hisaaya 46:13

Ngiisi íbikwaniini, ngola ngabigira. Bitaganaki tinda, si ngola ngamùkiza bwobuno. Ngola ngakiza akaaya keꞌSayuni. Na mbiike ubulangashane bwani mu Bahisiraheeri.»

Hisaaya 57:15

Rurema ayamiri ho imyaka neꞌmyakuula! Ali Mweruuka, anatuuziri mwiꞌgulu bweneene. Anadetaga kwokuno: «Nduuziri mwiꞌgulu bweneene, hanali hataluule. Na kwakundi, nduuziri kuguma na ngiisi úli mutuudu, anabe ayibiisiri haashi. Ee! Yabo batuudu, bwo bali mu yibiika haashi, kyo kitumiri ngabaheereza imisi mihyahya.

Hosheya 14:5

Nahano adetaga kwokuno: «Kundu mutali bemeera, haliko ngamùkiza. Na njubi mùkunda ku mutima gwani gwoshi. Emwe! Ndâye ki mùrakarire kandi.

Hosheya 5:15

«Ha nyuma, ngagalukira ahandu haani, na mbeere haaho, halinde ku kyanya bagayaga kwo balyagagi banabuhube, banandooze. Ee! Ikyanya bagalonga amalibu, bagayami ndooza.»

Hamoosi 3:7

Ku kasiisa, Rurema Nahamwitu atangagira igambo lyoshi, átazi menyeesa abakozi baage, abaleevi.