Hisaaya 17:8 - Kifuliiru

⁸ Batagaki shubi lola ku tutanda two bakayigirira bongwa ku maboko gaabo. Batâye ki langaalire inguliro zoꞌmuzimu Hasheera, kandi iri akatanda ko bakaguyubakira.

Hisaaya 17:8 ပူးပေါင်းရင်းမြစ်များ

2 Samweri 22:42

Yabo bagoma baani, ikyanya bâli kizi looza úgabatabaala, batanamúlonga. Na kundu bâli kizi kutakira e Nahano, haliko utanabayakula.

2 Kutondobola 14:5

Mwiꞌyo myaka, Nahano yenyene akamúheereza umutuula, ndaanaye úkayiji múteera. Kwokwo, anazitira utwaya tweꞌBuyuda.

2 Kutondobola 31:1

Yulwo lusiku lukulu lweꞌPasaka, ikyanya lukamala, ngiisi Bahisiraheeri ábâli lukumaniri kwo, banagenda bagalenga mu twaya tweꞌBuyuda, iri banahongola amabuye mataluule imweꞌmizimu. Banavungula-vungula neꞌnguliro zoꞌmuzimu Hasheera, banashereeza kiri neꞌmbeero ku marango, noꞌtutanda. Bâli kizi gira kwokwo mu kihugo kyoshi kyeꞌBuyuda, na mu kyeꞌBinyamiini, na mu kyeꞌHifurahimu, na mu kyeꞌManaasi. Neꞌri bakabimala byoshi, banagalukira imwabo, ngiisi mundu mu mwage.

2 Kutondobola 34:4

Uyo Yosiya anahanguula abandu kwo bahongole ututanda twoꞌmuzimu Baali. Kiri noꞌtutanda twoꞌkuyokera kwoꞌmubadu, ho twâli teresirwi, banatutema-tema. Banavungula-vungula neꞌnguliro zoꞌmuzimu Hasheera, neꞌgindi migisi yoshi. Yibyo byoshi, mwami akabivungula-vungula, halinde byanahinduka nga lukungu, banagendi luyonera ku shinda za ábâli kizi bitangira amatuulo.

Kulyoka 34:13

Ngiisi kwo mugaagira naaho, muhongolage ututanda twabo. Naꞌmabuye gaabo mataluule, mugavungule-vungule. Kiri neꞌnguliro zo bamanisiri hiꞌgulu lyoꞌmugisi gwabo Hasheera, muyami zihooja-hooja.

Hisaaya 1:29

Bwo mwâli kizi yikumba imizimu mwiꞌdako lyeꞌbiti byeꞌmyalooni, na mu matongo go mwâli kizi yisiisa, kyo kitumiri mugalonga ishoni, munateteerwe.

Hisaaya 10:20

Ku yikyo kyanya, hagasigala Abahisiraheeri bagerwa naaho. Yabo, batagaki yegamira abandu beꞌHasuriya, banali bo bakabahima. Si leero umulangaaliro gwabo, bagagubiika imwa Nahano, Umutaluule waꞌBahisiraheeri.

Hisaaya 17:9

Ku lwolwo lusiku, kundu utwaya twaꞌBahisiraheeri twâli tuzitire, si tugasigala mushaka. Tugaaba biguuka, nga kwaꞌBahivi naꞌBahamoori bakasiga utwaya twabo yaho keera, ikyanya Abahisiraheeri bâli bayimwiri.

Hisaaya 2:8

Kuguma na yibyo, kirya kihugo kiyijwiri mweꞌmigisi. Iyo migisi, kundu abandu bakagiyibaajira naꞌmaboko gaabo boonyene, haliko baki gweti bagakizi giyikumba!

Hisaaya 27:9

Kwokwo, kwo Rurema agahotola amabi gaꞌBahisiraheeri. Mango ayusagya, ututanda twoshi tweꞌkipagaani tugavungulwa, tunasigale luvu naaho. Ndaagwo mugisi gwa Hasheera úgugasigala, kandi iri akatanda koꞌkuguyokera kwoꞌmubadu.

Hisaaya 30:22

Kwokwo, irya migisi yinyu, mukola mugagibona kwo iyulubiiri, munagikabulire. Kundu yangaba íkatulwa mu harija, kandi iri mu nooro, mugagibwira, ti: «Muyihereere! Si mulyagagi ngiꞌjolera!»

Hisaaya 37:19

Bakaduulika imigisi yabo kwoꞌmuliro, banagijigiivya, bwo itâli riiri ye Rurema nirizina. Si yâli migisi naaho yaꞌbandu bakabaaja mu biti, na mu mabuye.

Hisaaya 41:29

Aahabi! Iyo migisi yoshi, si iri yeꞌbibeesha naaho! Imikolezi yayo iri ndaayo. Iryagagi mimaata naaho, nga mbuusi!»

Hisaaya 44:15

Yibyo biti, biguma bigagendi ba shaali. Ali mu kizi zitwana, anakaluuke, kandi iri ayokye mweꞌmikate. Neꞌzindi, anakizi baaja mweꞌmigisi, anabuli kizi giyikumba.

Yeremiya 17:2

Kiri naꞌbaana baabo, bali mu genda ha yutwo tutanda, banakizi yikumba hoꞌmuzimu Hasheera. Yutwo tutanda, tukoli biisirwi mwiꞌdako lya ngiisi kiti, na ku ngiisi irango.

Hezekyeri 36:25

Ha nyuma, ninamùyeruuse, mu kumùshaangira kwaꞌmiiji meeru. Bwo muyulubiiri hiꞌgulu lyoꞌkuyikumba imigisi, ngamùyeruusa

Hosheya 14:8

Bagashubi tuula mwiꞌdako lyoꞌbulaazi bwani, Bagakizi gangaala nga ngano, Banayase bwija nga mizabibu. Bagaaba noꞌmuhongolo mwija, nga gweꞌdivaayi yeꞌLebanooni.

Hosheya 14:9

«E beene Hifurahimu maashi! Mutwikire lwoshi ku migisi. Ikyanya mugweti mugandabaaza, si nie mu mùshuvya, na ndi mu kizi mùkuya-kuya. Ngamùbeera nga kimbehwa kyeꞌkiti íkiyamiri neꞌbihunda. Neꞌbitumbwe biinyu byoshi, mugakizi bilongera imwani.»

Sefaniya 1:3

Ngaminika abandu, neꞌnyamiishwa, noꞌtunyuni twa mu kyanyaanya, kiri neꞌfwi mu nyaaja. Ngiisi ábakoli bihuusiri, ngaasiga nabalunda nga ndundo zaꞌmabuye. Yabo bandu, ikyanya ngabaminika, batâye ki boneke mu kihugo.

Zakariya 13:2

Nahano woꞌbushobozi bwoshi, adetaga kwokuno: «Ku kirya kyanya, ngashaaza imigisi mu Bahisiraheeri. Kiri naꞌmaziina gaayo, gagayibagirwa lwoshi-lwoshi. «Ngazimiiza abaleevi beꞌbibeesha, kiri neꞌmizimu íri mu bakoleesa.

Bukengeeze 7:5

«Yibyo binyamahanga, mukizi bigira kwokuno: Ututanda twabo twoꞌkutangira kwaꞌmatuulo, mutuhooje-hooje. Naꞌmabuye gaabo go bakataluula imweꞌmigisi yabo, mugavungule-vungule. Munahongolage kiri neꞌnguliro zoꞌmuzimu gwabo Hasheera. Munaduulike imigisi yabo kwoꞌmuliro.