Hisaaya 17:7 - Kifuliiru

⁷ Ku yulwo lusiku, Abahisiraheeri bagashubi lola ku Mulemi wabo. Ee! Amasu gaabo gagakizi lola, kuꞌlya Mutaluule wabo.

Hisaaya 17:7 ပူးပေါင်းရင်းမြစ်များ

2 Samweri 22:42

Yabo bagoma baani, ikyanya bâli kizi looza úgabatabaala, batanamúlonga. Na kundu bâli kizi kutakira e Nahano, haliko utanabayakula.

2 Kutondobola 31:1

Yulwo lusiku lukulu lweꞌPasaka, ikyanya lukamala, ngiisi Bahisiraheeri ábâli lukumaniri kwo, banagenda bagalenga mu twaya tweꞌBuyuda, iri banahongola amabuye mataluule imweꞌmizimu. Banavungula-vungula neꞌnguliro zoꞌmuzimu Hasheera, banashereeza kiri neꞌmbeero ku marango, noꞌtutanda. Bâli kizi gira kwokwo mu kihugo kyoshi kyeꞌBuyuda, na mu kyeꞌBinyamiini, na mu kyeꞌHifurahimu, na mu kyeꞌManaasi. Neꞌri bakabimala byoshi, banagalukira imwabo, ngiisi mundu mu mwage.

Zaburi 95:6

Aaho! Bwo Nahano ye katubumba, muyijage, tuyiname imbere lyage, mu kumúyikumba, tukizi múfukamira.

Hisaaya 19:22

Yabo Bamiisiri, kundu Nahano agabahaniiriza, halikago ha nyuma, agashubi bakiza. Ikyanya bagamúgalukira, agayuvwa ngiisi kwo bali mu mútabaaza, anabakize.

Hisaaya 22:11

Mwanahumbira ikindi kirigo ha kati keꞌbibambazi bibiri, gira mulonge ukukuumania amiiji ga mu kirya kirigo kya mbere. Kundu kwokwo, mutanatwaza Rurema, anali ye wâli mali gwanwa ashungika ukulyokera keera kwo yibyo byoshi bigakoleka.

Hisaaya 29:24

Haaho, ngiisi ábakoli habusiri, bagashubi tumburukwa. Na kundu bâli kizi yidodomba, haliko leero bagayemeera ukuhanuulwa.»

Hosheya 3:5

Si ha nyuma, Abahisiraheeri bagagalukira Rurema Nahamwabo, banashubi kizi múkulikira. Bagayiji yibiika na ku mwami, wa mwiꞌkondo lya Dahudi. Ee! Mu siku ízigayija, bagagalukira Nahano, iri banakizi juguma imbere lyage. Nahano anakizi bagashaanira.

Hosheya 6:1

Haaho mugaadeta kwokuno: «E maashi, mugirage tugalukire Nahano! Kundu akatujanganula-janganula, haliko ye ganashubi tukiza. Na kundu akatubeza zirya nguma, haliko ye ganashubi tulunga zo.

Hamoosi 3:12

Nahano adetaga kwokuno: «Indare, ikyanya igweti ikibuzi mu kanwa kaayo, umungere ali mu fuusa amagulu gabiri naaho, kandi iri ikihande kyoꞌkutwiri. Kwokwo, kwaꞌBahisiraheeri bagakizibwa mu kaaya keꞌSamariya. Biryagagi kwokwo, kundu baki gweti bagavwagarara ku bitumbi biija, naꞌbandi ku ngingo. Si ábagasigala, bagaaba bagerwa naaho.»

Mika 7:7

Si Abahisiraheeri boohe, bagweti bagaadeta kwokuno: Niehe, ngaloogeza ubutabaazi imwa Nahano. Ngalindirira Rurema, bwo ye gangiza. Ee! Rurema wani aganyuvwa!