Hisaaya 17:3 - Kifuliiru

³ Ee! Iyo munda i Damasiki, ubutwali bukolaga bugaamala. Utwaya twaꞌBahifurahimu, kundu twâli zitiirwi, halikago, natwo tugashereezibwa ngana. Kiri na mu Baharaamu, ngiisi ábagasigala, bagaaba tufwa-busha, ngaꞌBahisiraheeri. Kwokwo, kwo Nahano woꞌbushobozi bwoshi adesiri.

Hisaaya 17:3 ပူးပေါင်းရင်းမြစ်များ

2 Baami 16:9

Irya ndumwa, mwami weꞌHasuriya anagiyemeera. Kwokwo, anagendi teera akaaya keꞌDamasiki, anakagwata, anayita mwami Resini, anatwala naꞌbandu baage imbohe i Kiiri.

2 Baami 17:6

Iri mwami Hosheya akahisa imyaka mwenda atwaziri, ulya mwami weꞌHasuriya anagwata akaaya keꞌSamariya, anatwala Abahisiraheeri imbohe, halinde i Hasuriya. Baguma baabo, anababiika mu kaaya keꞌHala. Naꞌbandi, anababiika i Gozani, hoofi noꞌlwiji Habori. Naꞌbandi, anababiika mu twaya tweꞌMediya.

Hisaaya 10:9

Akaaya keꞌKalino, keera nꞌgakashereeza, nga kwo nꞌgashereeza i Karikemishi. Kiri naꞌkaaya keꞌHamaati, nꞌgakashereeza, nga keꞌHaripaadi. NaꞌkeꞌSamariya kwakundi, nꞌgakashereeza, nga keꞌDamasiki.

Hisaaya 16:14

Haliko buno, adetaga kwokuno: «Ha nyuma lyeꞌmyaka ishatu, balya Bamohabu bagasigala bandu bagerwa naaho, banabe tufwa-busha. Ngiisi byo bâli kizi yikangaata kwo, bikola bigashombwa bweneene! (Iyo myaka ishatu igakulikirana neꞌndagaano yo sheebuja âli mu kizi gira noꞌmukozi.)»

Hisaaya 17:4

Ku yikyo kyanya, ubugale bwaꞌBahisiraheeri bugaaba bukoli maziri. Na kundu bashuba mu genda bajeziri, halikago, leero bakola mu genda, jabati-jabati!

Hisaaya 25:2

Akaaya kaꞌbagoma, inzitiro zaako, keera zikahongolwa. Na buno, ikoli sigiiri naaho ndundo yaꞌmabuye. Ee! Kalya kaaya, kundu bakakayubakira inzitiro ngomu, haliko, katakiri ho, katanâye ki yubakululwe.

Hisaaya 7:16

Buno, uki yobohiri mwami weꞌHaraamu, na weꞌHisiraheeri. Halikago, ikyanya uyo mwana agaaba akola mutabana woꞌkulahira amabi, anatoole amiija, yibyo bihugo byombi bigaaba bikola mushaka.

Hisaaya 7:8

Si akaaya kahamu keꞌHaraamu iri i Damasiki. Noꞌmukulu weꞌDamasiki ali mwami Resini naaho. Na kwakundi, akaaya kahamu keꞌHifurahimu iri i Samariya. Noꞌmukulu weꞌSamariya ali Peka, mugala Remalya naaho. Ha nyuma lyeꞌmyaka makumi galindatu niꞌtaanu, kirya kihugo kyeꞌHisiraheeri, kigaaba kyashahulwa lwoshi-lwoshi. E Ahaazi, umbiike kwoꞌmulangaaliro. Buzira kwokwo, mugaahimwa!”»

Hisaaya 8:4

Mukuba, ikyanya agaaba atazi twisagya ukudeta igambo “daata”, kandi iri “maawe”, mwami weꞌHasuriya agaaba keera anyaga akanyamwala keꞌbindu mu kaaya keꞌDamasiki, na mu keꞌSamariya, anabitwale imwabo.»

Hosheya 1:4

Nahano anabwira Hosheya: «Uyo mwana, umúyinike iziina Yezereheri. Mukuba mu ndekeera yeꞌYezereheri, mwami Yehu akayita mwaꞌbandu bingi. Kwokwo mu siku niniini, imbaga yage, ngagihana. Kuguma na yibyo, ubwami bwaꞌBahisiraheeri, nâye buhese.

Hosheya 1:6

Ha nyuma, Gomeeri anashubi heeka inda, anabuta umwana woꞌbunyere. Rurema anabwira Hosheya: «Uyo mwana, umúyinike iziina Lo-Ruhama, (kuli kudeta: Ndakundwa). Mukuba, ndagaki kunda Abahisiraheeri, ndaganaki bakoga.

Hosheya 10:14

Ku yukwo, mukola mugateerwa naꞌkashiba kiꞌzibo. Inzitiro ziinyu zooshi, zigayami hongolwa, nga kwo mwami Salimani akashereeza Beeti-Haribeeri. Kiri na bamaawe, bakanyanyagwa haashi, banafwa kuguma naꞌbaana baabo.

Hosheya 3:4

Kwokwo, kwaꞌBahisiraheeri bagaramba isiku nyingi, buzira mwami, na buzira batwali. Kiri ukutanga amatuulo kugaaba ndaakikwo. Kwakundi, indundo zaꞌmabuye, naꞌbagingi, neꞌmigisi, neꞌbikolanwa byoꞌkukizi hanuusa Rurema, bigaaba ndaakibyo.

Hosheya 8:8

Abahisiraheeri keera bamirwa. Banakoli kabuliirwi mu mahanga, nga kirugu íkitakiri mu koleesibwa.

Hosheya 9:11

Ku yukwo, ubulangashane bwa beene Hifurahimu bugabayisunga hala, nga hinyuni. Abakazi batâye ki heekage inda, batanâye ki bute!

Hamoosi 8:14

Kundu imizimu yeꞌSamariya igweti igateezania ishoni, si bagweti bagabiika indahiro ku maziina gaayo! Baguma bali mu kizi deta: “Nga kwoꞌmuzimu gweꞌDaani ayamiragi ho!” Abandi, ti: “Nga kwoꞌmuzimu gweꞌBeeri-Sheba ayamiragi ho!” Yabo bandu, bagayitimbaga haashi, batanaki vyuke.»