Hisaaya 17:11 - Kifuliiru

¹¹ Yizo mbuto, muli mu zibyala lusiku luguma, zinayami mera. Na úbugaakya, zinaleete akaaso. Halikago, ikyanya muli mu gira mbu muyimbule, ehee! Zinayami nyerera. Mukuba, yizo mbuto zooshi, ubulwazi buli mu yami ziyita.

Hisaaya 17:11 ပူးပေါင်းရင်းမြစ်များ

Hayubu 4:8

Keera nꞌgabona kwo ábali mu byala ubuligo, noꞌbubi, byo na byebyo, bali mu yiji yimbula.

Zaburi 90:6

Kundu kiri mu ba kidohiri bweneene, haliko kabigingwe, kiri mu ba keera kyaholoka, kinayume.

Hisaaya 17:5

Yabo Bahisiraheeri bagajandwa ngana, nga kweꞌndalo mu ndekeera yeꞌRefahimu, iri mu jandwa inyuma liꞌyimbula.

Yeremiya 5:31

Abaleevi bagweti bagatanga ubuleevi bweꞌkinyoma. Kiri naꞌbagingi bakola mu kizi yihahalira boonyene naaho. Aahabi! Amabi mwene yago, abandu baani bakoli bwini kwo go gakwaniini. Halikago, ku kyanya kyeꞌmberuuka, kutagi bâye gire?»

Hosheya 8:7

«Yabo bandu, bakabyala imbuusi. Si mu kuyimbula, bagakizi yimbula ikihuhuuta! Imbuto zeꞌngano, kundu zigweti zigakizi mera mu ndalo, halikago, ndaayo mihuli igakizi bitongeka kwo. Na kundu yangatongesiri kweꞌmbuto, si ibinyamahanga byo bigakizi zirya.

Hosheya 9:16

Beene Hifurahimu, keera bakanyanyagwa haashi. Imizi yabo, ikoli yumiri, ndaanabyo bitumbwe byo bagatongeka. Kundu bangabusiri abaana, banabe bakundwa baabo, halikago ngabayita naaho.»

Yuheeri 1:17

Kundu tukabyala imbuto, haliko, zayumira mwiꞌdaho. Ibihinda, bikoli sigiiri bimaata peperege! Ibitunda byoꞌkusingulira mweꞌmbuto, keera byahongoka. Ingano yamala ngana-ngana!

Balaawi 26:20

Mugakizi yitubanula ku busha. Indalo ziinyu zitagayera ihiteerwa ku shinda. Kiri neꞌbiti, bitagatongeka.

Barumi 2:5

Si ulyagagi mundagabika! Keera wanayumya umutima gwawe! Ku yukwo, ugweti ugayibiikira ikihano kihamu ngana-ngana ku lusiku lwo Rurema agayerekana uburaakari bwage. Ee! Rurema agaatwa imaaja zaꞌbandu ku njira íkwaniini.

Bukengeeze 28:39

Mugabyala imizabibu, munakizi gihwahuulira. Kundu kwokwo, mutâye nywe ku divaayi yayo, mutanayimbule kiri neꞌmihuli yayo. Mukuba, ibishoolera bigagisivya.