Hisaaya 17:10 - Kifuliiru

¹⁰ E Bahisiraheeri, keera mukahinduliraga Rurema ingoto, anali ye gweti úgamùkiza. Mutaki kengiiri kwo Rurema yiꞌbuye lyo mwâli bishamiri mwo. Si muli mu gendi leeta imbuto nyiija mu binyamahanga, munayiji zibyala.

Hisaaya 17:10 ပူးပေါင်းရင်းမြစ်များ

1 Kutondobola 16:35

Muyiberekanie, ti: «E Rurema, Lukiza witu! Utukizagye maashi! Utukuumanie, unatukize mu binyamahanga, gira lyo tukizi huuza iziina lyawe, kwo liri lyeru. Ee! Tugakizi yiyuvwa, mu kukuyivuga.»

Zaburi 106:13

Haliko ha nyuma, banakizi yibagira imikolezi yage, batanalindirira mbu abahanuule.

Zaburi 106:21

Rurema ye kabalyosa mu kihugo kyeꞌMiisiri, ku njira yeꞌbitangaaza bingi, anabagirira neꞌkindi kitangaaza ku Nyaaja Ndukula. Kundu kwokwo, banayami múyibagira.

Zaburi 18:2

E Nahano, ngukuuziri! Mukuba we ndi mu longera mweꞌmisi.

Zaburi 31:2

E Nahano, we ngweti ngatibitira. Aaho! Utandekage mbu ndeezibwe ishoni. Si uli mu gira íbikwaniini! Kwokwo, ungizagye.

Zaburi 65:5

Bahiriirwi ngiisi bo ukatoola, kwo bayiji tuula mu nyumba yawe ndaluule. Mwomwo, mwo tugakizi gashaanirwa.

Zaburi 79:9

E Rurema, Lukiza witu, ututabaale, we kongwa, halinde wenyene ukizi gingikwa. Utukoge ibyaha biitu, unatuguluule, halinde iziina lyawe likizi yivugwa.

Zaburi 9:17

Nahano amenyekiini kwo ali woꞌkuli. Si yabo banangora-mabi, boohe, bali mu yigwasa mu mitego yabo boonyene.

Hisaaya 12:2

«Lolagi ngiisi kwo Rurema akayiji ngiza! Ye mu mbimira, ye nali mu mbiika mwoꞌbushobozi. Kwokwo, ndagaki yoboha, si ngakizi múbiika kwoꞌmulangaaliro, iri ninamúyimbira.»

Hisaaya 17:9

Ku lwolwo lusiku, kundu utwaya twaꞌBahisiraheeri twâli tuzitire, si tugasigala mushaka. Tugaaba biguuka, nga kwaꞌBahivi naꞌBahamoori bakasiga utwaya twabo yaho keera, ikyanya Abahisiraheeri bâli bayimwiri.

Hisaaya 18:5

Ikyanya mutazi tondeera ukuteerana, ikyanya ishungi ziinyu zikiri mu yera nga mizabibu, haaho, lyo Nahano agayiji mùhahuulira noꞌmugushu. Agamùtwisa nga milandalira yeꞌmizabibu, anamùshaaze yaho, halinde mutwalwe hala.

Hisaaya 25:4

Ikyanya abandu bakolaga noꞌbukaholwe, uli mu balanga. Ee! Uli mu langa abakeni ku kyanya bakoli goozirwi. Abagoma, ikyanya bakola mu bahonda-honda, balyagagi nga kihuhuuta kikayu, íkiri mu yipukula ku kibambaazi, kandi iri ngiꞌdugumbo yiꞌzuuba írigweti ligakizi babaza. Kundu kwokwo, ukiri mu bakingira.

Hisaaya 26:4

Mukizi langaalira Nahano isiku zooshi. Mukuba ye Lwala lwitu lweꞌmyaka neꞌmyakuula.

Hisaaya 30:29

E bandu ba Rurema, mwehe mugakizi yimba ku malega, iri munashambaala ngana-ngana, nga bandu ábakola mu yimba ku siku ngulu. Ubushambaale bwinyu bugaaba nga bwaꞌbandu ábakola mu zamuukira ku mugazi gwa Nahano, Ulwala lwaꞌBahisiraheeri. Bali mu kizi genda ku kisegengo, iri banalasa imiteera-teera.

Hisaaya 33:2

E Nahano, tukubiisiri kwoꞌmulangaaliro. Aaho! Utukejererage! Ukizi tusikamya ngiisi shesheezi. Neꞌkyanya tugakizi longa amalibu, unatukize.

Hisaaya 44:8

«Mwehe, mwe bandu baani! Aaho! Mutakizi yoboha, mutanajugume. Ka ndakagwanwa namùbwira ibyâye be, ukulyokera yaho keera? Si mwe mulyagagi tumasi twani! Ka halyagagi ugundi Rurema átali niehe? Nanga, maashi! Atayimbwa ho! Nie Lwala lwinyu. Ndaanaye gundi ye nyiji.»

Hisaaya 51:13

Si nie Nahano, nie kamùbumba! Aaho! Kituma kiki wanyibagira? Nie katabika igulu, nanabiika neꞌndaliro zeꞌkihugo. Aahago! Yabo banakahambwa, kituma kiki muki bayobohiri? Kundu bâli kizi mùlibuza, banagire mbu bakizi mùshereeza, haliko leero bakolaga hayi?

Hisaaya 61:10

Ngweti ngashambaalira Nahano. Ee! Umutima gwani guyamiri gumúshambaliiri. Ye mu nyambika ubukize, nga mirondo, anali mu ndimbiisa na íbikwaniini. Ngoli limbisiibwi, ngoꞌmuhya mushosi. Na ndi nga muhya mukazi, úkoli limbisiibwi noꞌbungeni-ngeni.

Hisaaya 62:11

Nahano agweti agabwira abandu baꞌmahanga gooshi kwokuno: «Mubwire abatuulaga beꞌSayuni, kwo Lukiza wabo akolaga mu njira. Anali neꞌmbembo yage, gira abahembe.»

Yeremiya 12:13

Abandu baani, kundu bakabyala ingano, si bakola bagayimbula imigenge. Na kundu bâli kizi yitubanula mu kukola, ndaako kamaro balongaga. Buno, mu kuyimbula, bakola bagateteerwa, bwo ngoli barakariiri.»

Yeremiya 17:13

E Nahano! We Abahisiraheeri babiisiri kwoꞌmulangaaliro. Halikago, ngiisi ábagakujajaaka, bagateezibwa ishoni. Ee! Ngiisi ábagakuyihandula kwo, boohe, baganyerera ngiꞌziina íriyandisirwi mu luvu. Yabo banakuhambwa, bagaaba bajaziiri Nahano, anali ye shyoko íri mu leeta ubulamu.

Yeremiya 2:32

Umunyere, si atangayibagira ukuyilimbiisa noꞌbungeni-ngeni bwage! Noꞌmuhya-kazi atangayibagira ukuyambala ikanju lyage lyoꞌbuhya! Halikago abandu baani boohe, bakoli hisiizi isiku kandaharuurwa banyibagiiri.

Yeremiya 3:21

«Abandu bagweti bagayamuluka ku marango. Yayewe! Bahisiraheeri, yabo. Bakanyibagira, nie Rurema Nahamwabo, banakizi vujuuka mu bitali nga byo. Kyo kitumiri bakola mu bululuka, iri banahuuna kwo mbakejeerere.

Hezekyeri 22:12

«Baguma biinyu bagweti bagakizi yitana, lyo bahaabwe imbuli. Banali mu kizi haana umwenda, mu kulooza ubunguke bwingi! Banagweti bagakizi nyaga ibya beene mu kugungana. Balya bandu, keera banyibagira lwoshi! Kwokwo, kwo nie Rurema Nahamwinyu ndesiri.

Hezekyeri 23:35

«Buno, nie Rurema Nahamwinyu nadetaga kwokuno: Keera ukambeereza ingoto, wanayami nyibagira. Wanakizi lungumirwa mu busambani bwawe. Kyo kitumiri ukola mu hanirizibwa.»

Hosheya 4:6

Na íbitumiri abandu baani bakoli gweti bagashereezibwa, bwo babuziri ubumenyi. E bagingi! Bwo mulahiiri ukummenya, naani ngalahira kwo mutakiri bandu baani. Na bwo mutaki twaziizi imaaja za Rurema winyu, naani ndagaki twaza abaana biinyu.

Hosheya 8:14

«Abahisiraheeri, keera bakayibagira Umulemi wabo, banayiyubakira inyumba nyiija-nyiija za kahebuuza. Abayuda nabo, keera bakayiyubakira inzitiro ngomu mu twaya twabo. Kundu kwokwo, tulya twaya, ngatujigiivya twoshi, kuguma noꞌbutibitiro bwabo.»

Yuheeri 1:17

Kundu tukabyala imbuto, haliko, zayumira mwiꞌdaho. Ibihinda, bikoli sigiiri bimaata peperege! Ibitunda byoꞌkusingulira mweꞌmbuto, keera byahongoka. Ingano yamala ngana-ngana!

Balaawi 26:16

«Aaho! Yuvwagwi ngiisi kwo ngamùhaniiriza: Ngakizi mùleetera amalibu. Neꞌkyanya mugashuushirwa, amasu giinyu gagahumaala, halinde munajambe ngana-ngana. Kundu mugakizi byala imbuto mu ndalo, zitagamùgenduukira. Mukuba abagoma biinyu, bo bagakizi zirya.

Balaawi 26:20

Mugakizi yitubanula ku busha. Indalo ziinyu zitagayera ihiteerwa ku shinda. Kiri neꞌbiti, bitagatongeka.

Hamoosi 5:11

Ikyanya abandu bakeniri, muli mu shubi balibata-libata. Si ikyanya muli mu batangiisa ingano ku kahaati, lyo muli mu bazimba. Kundu mukakizi yubaka inyumba nyiija zaꞌmabuye mabaaje, mutâye zituule mwo! Na kundu muli mu limiisa indalo zeꞌmizabibu miija, ikyanya bâye gikande mweꞌdivaayi, mutâye ginywe kwo.

Habakuki 3:18

Kundu kwokwo, niehe ngakizi shambaalira Nahano. Nyamiri ngakizi shagalukira Rurema Lukiza wani.

Sefaniya 1:13

Ehee! Si abagoma baabo, bagayiji bashahula ibindu, halinde inyumba zaabo zinasigale mishaka! Kundu bagweti bagayiyubakira inyumba, haliko batagazituula mwo! Na kundu bagakizi byala imizabibu, haliko batagakizi nywa ku divaayi yayo.»

Bukengeeze 28:30

«Kundu mwangaba neꞌshasha, haliko ugundi mundu agayiji múnyaga, anamúsambane. Na kundu mugayubaka inyumba, si mutali mwe mugazituula mwo. Na kundu mugabyala imizabibu, si mutali mwe gatee giyimbula.

Bukengeeze 32:15

«Kwokwo, kundu Abahisiraheeri bakajega, haliko banahuna imbere lyage. Emwe! Bakalya, banajega, banafiika. Ha nyuma, banajanda Rurema wabo, kundu ye kababumba. Bakagayiriza lukiza wabo, kundu ali lwala lukomu.

Bukengeeze 32:18

«E Bahisiraheeri, si keera mukagayiriza Lwala, anali ye kamùbuta. Mukayibagira Rurema, anali ye tumiri muli bagumaana.

Bukengeeze 32:31

«“Abagoma baabo, bayiji-yiji kwo ye bali mu yikumba, atali nga Rurema waꞌBahisiraheeri.

Bukengeeze 32:4

ye na lwala. Imikolezi yage ikwaniini. Neꞌnjira zaage zooshi, ziri zoꞌkuli. Rurema witu ali mwemeera, ndaanago mahube go ali mu gira. Ayamiri ali mu gira íbikwaniini, na íbiri byoꞌkuli.

Bukengeeze 6:12

mukizi ba masu. Hatagirage úgayibagira Nahano. Mukuba, ye kamùlyosa mu buja mu kihugo kyeꞌMiisiri.

Bukengeeze 8:11

«Mutakolwe mbu muyibagire Nahano, Rurema winyu. Zeene namùheereza amategeko gaage, neꞌmaaja zaage, neꞌmigeeza yage. Yibyo byoshi, mutakolwe mbu mukizi bihaasa-haasa kwo.

Bukengeeze 8:14

Ku yikyo kyanya, hatagire úgakizi yikangaata. Mutanayibagire Nahano, Rurema winyu. Mukuba, yehe naaho ye kamùlyosa mu buja mu kihugo kyeꞌMiisiri.

Bukengeeze 8:19

«Iri mwangamúyibagira, munabe mukulikiiri ibindi-bindi íbiri mu yikumbwa, iri munabifukamira, zeene namùkengula kwokuno: “Ukushereezibwa, ku kasiisa mugaki shereezibwa.”