Hisaaya 16:4 - Kifuliiru

⁴ Twe Bamohabu, keera twayimulwa mu kihugo kiitu. Aahago! Mutuhanguule tuyiji tuula mu kihugo kiinyu. Utubishage na banangora-mabi.» Twe Bamohabu, kundu bâli kizi tunyaga, haliko yubwo bunyazi bugaki mala. Ngiisi ábakiri mu tuvindagaza, bâye himwe, banahere mu kihugo.

Hisaaya 16:4 ပူးပေါင်းရင်းမြစ်များ

Hisaaya 14:4

Ku yulwo lusiku, mugahonyoleza mwami weꞌBabeeri kwokuno: «Honyo! Uyo mwami weꞌBabeeri, kundu âli kizi tushundeeza, si leero ubulangi bwage bwamala!

Hisaaya 15:6

Kiri naꞌmiiji geꞌNimurimu gakoli kamiri. Bweꞌmbuto mbishi zahangaluka, ikishuka kikoli yumagusiri. Ndaakizo mbuto ízikiri mu mera.

Hisaaya 25:10

Nahano agakizi langa i Yerusaleemu. Si Abamohabu, boohe, agabahinyata-hinyata. Bagaaba ngiꞌsukiro íri mu hinyatwa mwaꞌmashe geꞌngaavu.

Hisaaya 33:1

Yayewe imwinyu, mwe Bahasuriya! Kundu mugweti mugaminikana, si mwenyene mutazindi minikwa. Na kundu batazindi mùtanga mu bagoma, si mwehe mugweti mugatangana mwo. Yuvwagwi! Ikyanya mugaaba keera mwashereezania, lyo na niinyu mugashereezibwa. Neꞌkyanya mugaaba keera mwayusa ukusongerana mu bagoma, lyo na niinyu mugasongerwa mwo.

Hisaaya 49:26

Ngiisi ábali mu mùlibuza, ngakyula kwo balyagage iminyofu yabo boonyene. Na mbanywese noꞌmuko gwabo, halinde gunabalaluse, nga banywa idivaayi yeꞌkishogwe. Niehe, nie Nahano! Kwokwo abandu booshi bagaamenya kwo nie wamùkiza, nanamùguluula. Nie Rurema wa Yakobo, Rurema woꞌbushobozi bwoshi!»

Hisaaya 51:13

Si nie Nahano, nie kamùbumba! Aaho! Kituma kiki wanyibagira? Nie katabika igulu, nanabiika neꞌndaliro zeꞌkihugo. Aahago! Yabo banakahambwa, kituma kiki muki bayobohiri? Kundu bâli kizi mùlibuza, banagire mbu bakizi mùshereeza, haliko leero bakolaga hayi?

Hisaaya 54:14

Ugakizi sikama mu bikwaniini, halinde utaki hahazibwe naꞌbagoma. Utanaki be noꞌlushunguti, mbu uyobohe ikindu kyoshi. Ikyoba kigaamala.

Hisaaya 58:7

Ukuyishalisa kwoꞌkuli, kuli kushangiira ibyokulya na ábashalisiri. Na ábabuziri inyumba, mubayegereze mu zeꞌmwinyu. Neꞌkyanya mwabonaga kwo batahiiti ibyambalwa, munabaheereze byo. Kiri na beene winyu, nabo mukizi batabaala.

Hisaaya 9:4

Ibiraato byaꞌbasirikaani, kiri neꞌbyambalwa byabo íbiyijwiragi imiko, keera bikakabulirwa mu muliro, byanasingooka.

Yeremiya 40:11

Abandi Bayuda, imunda bâli shabukiiri i mahanga, banayuvwa kwo mwami weꞌBabeeri akasiga Abayuda baguma mu kihugo kyabo. Banayuvwa na kwo akayimika Gedaliya abe mutwali wabo. Hali ábâli riiri mu Bamohabu, na mu Bahamooni, na mu Bahedoomu, na mu gandi mahanga.

Yeremiya 48:18

«Na niinyu, mwe batuulaga beꞌDibooni! Mukizi yibiika haashi, munayibodeke mu luvu. Si ngiisi ábagaminika Abamohabu, na niinyu, bagayiji mùteera! Inzitiro ziinyu, bagaasiga bazishereeza.

Yeremiya 48:8

Utwaya twinyu twoshi tugaminikwa, ndaanako ákagafuuka. Indekeera zigashereezibwa, kiri noꞌtugangazi kwakundi.» Kwokwo, kwo Nahano adesiri!

Hobadiya 1:14

Si mukagendi bayitega ha mashangaaniza, lyo ngiisi ábagafuuka, mulonge ukubayihoola. Neꞌkyanya bakatibita yubwo buhanya, balya ábakasigala, mukabatanga mu bagoma baabo.

Zakariya 10:5

Ee ma! Bagaaba ndwani ngana-ngana mwiꞌzibo. Bagakizi genda bagakandagira abagoma baabo nga bidaka. Bwo bali kuguma na Nahano, ikyanya bagakizi lwa, bagakizi hima kiri naꞌbagoma ábali mu gendera ku fwarasi.

Zakariya 9:8

Inyumba yani, nienyene ngagilaliiraga, gira abasirikaani batayiji giteera. Ee ma! Yabo bandu baani, ngoli babiisiri kwaꞌmasu, hatayije ikinyamahanga íkigashubi yifunda mu kihugo kyabo.

Luka 21:24

«Abandu baguma, bagayomekwa ingooti. Naꞌbandi, bagagwatwa imbira, banatwalwe mu mahanga gooshi. Kiri neꞌYerusaleemu yonyene, ibinyamahanga bigayiji gikandagira, halinde isiku zaabo zimale.

Barumi 16:20

Rurema, ye shyoko yoꞌmutuula, anakola bu futira Shetaani mwiꞌdako lyaꞌmagulu giinyu. Kwokwo, mukizi yama mutuuziri mu lukogo lwa Nahamwitu Yesu.

Bukengeeze 24:14

«Iri wangaba uli mu koleesa umundu útashobwiri, anali nakahuku, aba winyu Muhisiraheeri, kandi iri kinyamahanga kyo mutuliinwi, utahangwirwi kwo ukizi múlibuza, kundu wangaba we mu múhemba.

Bwigule 11:2

Halikago, ulubuga lwayo lwohe, utalugere! Keera lukahaabwa ibinyamahanga. Biganamala imyezi makumi gana niꞌbiri bigweti bigakandagira akaaya keeru.