Hisaaya 15:9 - Kifuliiru

⁹ Ulwiji lweꞌDibooni, lukoli yijwiri mwoꞌmuko. Kundu kwokwo, Rurema agaki yushuulaga mweꞌkindi kihano. Abamohabu ábasigiiri, bakola bagerwa naaho. Kundu bakatee kira, haliko Rurema agaki batumira indare, zibayilale mwo, zinabayite.

Hisaaya 15:9 ပူးပေါင်းရင်းမြစ်များ

2 Baami 17:25

Mu yikyo kihugo kyeꞌSamariya, birya binyamahanga, ikyanya bikakibungira mwo, bitâli kizi yikumba Nahano. Kwokwo, anatuma indare zibayite mwo.

Hisaaya 15:8

Yaho hooshi mu kihugo kyeꞌMohabu, abandu bakola mu liruuka. Yukwo kulira kwabo, kukoli hisiri halinde i Hegulayimu, kiri neꞌBeeri-Herimu.

Yeremiya 15:3

«Ngabalungikira abashereeza bana, bo baaba: ingooti, zikizi bayita. Noꞌtubwa, tubakululire ha butambi. Na banyunda, babajojomole. Neꞌnyamiishwa, zijanganule ibirunda byabo.» Kwokwo kwo Nahano adesiri.

Yeremiya 50:17

«Abahisiraheeri balyagagi nga bibuzi. Indare zigweti zigabahiiva, iri zinabashaabula. Ubwa mbere, bakashaabulwa na mwami weꞌHasuriya. Noꞌbuzinda, mwami Nebukandeneza weꞌBabeeri, ye kabavungula amavuha.»

Balaawi 26:18

«Na kundu mugaaba keera mwahanwa, si mugaaba mukiri banduuvwa. Hiꞌgulu lyeꞌbyaha biinyu, ngamùyushuulira ikihano ubugira kalinda.

Balaawi 26:24

bwo mugaaba muki gweti mugayifunda mu byaha, ngashubi mùhaniiriza ubugira kandi kalinda.

Balaawi 26:28

ngashubi mùhana kandi ku buraakari bwani. Bwo mugaaba muki gweti mugaagira ibyaha, ngashubi mùhaniiriza ubugira kalinda.

Hamoosi 5:19

Yulwo lusiku, ikyanya lugaahika, mugaaba ngoꞌmundu úgweti úgatibita indare, kiziga, agendi yituruuza ku dubu. Kandi iri, ikyanya agayingira mu mwage, anayegamire ku kibambaazi, umujoka gunayami múkoma!

Muharuuro 21:30

Kundu kwokwo, balya booshi, twehe buno keera twabashereeza, ukulyokera i Heshibooni, halinde i Dibooni. Keera tukabaminika, ukulyokera i Nashimu halinde i Noofa, neꞌMedeba.