Hisaaya 15:5 - Kifuliiru

⁵ Yabo Bamohabu, umutima gwani gukoli jengiirwi hiꞌgulu lyabo. Keera batibita halinde i Sowari, kiri neꞌHegulaati-Sherishiya. Banakola mu zamuukira i Luhiti, iri banalira. Bwo keera bakashereezibwa, bakola mu genda i Horonayimu bali mu lira.

Hisaaya 15:5 ပူးပေါင်းရင်းမြစ်များ

Ndondeko 13:10

Luutu, analangiiza-langiiza yizo mbande zooshi. Neꞌri akalangiiza indekeera yoshi ya ku lwiji Yorodaani, anabona kwo yâli kizi nywisibwa, nga kwokulya kweꞌndalo ya Nahano. Yanâli riiri ngeꞌkihugo kyeꞌMiisiri, mu mbande za mu kaaya keꞌSowari. (Yibyo, bikakoleka ku kyanya Nahano atâli zaazi shereeza akaaya keꞌSoodoma naꞌkeꞌGomora.)

Ndondeko 14:2

yabo baami kwo bali bana, bakagendi lwisa Beera mwami weꞌSoodoma, na Birisha mwami weꞌGomora, na Shinaabu mwami weꞌHadima, na Shemebeeri mwami weꞌSeboyimu, na mwami weꞌBeela (kuli kudeta: Sowari).

Ndondeko 19:22

Haliko, uvwarukage, uhitibitire mwo. Ndangalunguli gira igambo lyoshi, índazi bona kwo wahihika mwo.» Kyanatuma yako kaaya kagabuuzibwa Sowari.

2 Samweri 15:23

Ulya Dahudi, ikyanya akaba akola mu lenga naꞌbakozi baage, abandu booshi banalira ku kimombo. Mwami, na balya bandu booshi, banajabuka umusima gweꞌKidorooni, banagenda imbande za mwiꞌshamba.

2 Samweri 15:30

Dahudi anazamuuka umugazi gweꞌMizehituuni, ali buzira biraato, iri analira. Yenyene, kuguma naꞌbandu booshi bo bâli ririinwi, bâli yibwisiri ibihunika. Banakizi zamuuka, iri banabululuka.

Hisaaya 16:14

Haliko buno, adetaga kwokuno: «Ha nyuma lyeꞌmyaka ishatu, balya Bamohabu bagasigala bandu bagerwa naaho, banabe tufwa-busha. Ngiisi byo bâli kizi yikangaata kwo, bikola bigashombwa bweneene! (Iyo myaka ishatu igakulikirana neꞌndagaano yo sheebuja âli mu kizi gira noꞌmukozi.)»

Hisaaya 22:5

Luno lusiku lwatutwisa indege ngana-ngana! Nahano woꞌbushobozi bwoshi atubiisiragi mwaꞌkalugi, anatushengusa lwoshi-lwoshi! Mu ndekeera yaꞌmabone, abandu bagweti bagalibatana mwo. Inzitiro zaꞌkaaya, keera bakazihongolera haashi, banakola mu tabaaza imweꞌmigazi.

Hisaaya 59:7

Muyeshuhiri ukugendi kola amabi. Munavwarusiri, kwo mugendi yita abandu bazira buhube. Inzaliro ziinyu ziri mu lola ku mabi naaho. Na ngiisi ho muli mu genda, muli mu yita haꞌbandu, munahasige mushaka.

Yeremiya 13:17

Keera namùkengula. Haliko, iri mutangandwaza, munabe mukiri noꞌbwikangaate, iri ngakizi kungumira i mutima mu kumùlirira. Ikyanya mugatwalwa imbohe, mwe bandu ba Nahano, ngaliruuka ngana, imigenge yani inakereke.

Yeremiya 17:16

E Nahano! Si we kambiika mbe mungere, ndanali mu kutibita. Lulya lusiku lweꞌkihano, ndaluyifwijiri mbu luhike. Aahago! Byoshi byo nâli kizi deta, wenyene ubiyiji-yiji.

Yeremiya 4:19

Umutima gwani gukola mu lyana! Gukola mu lyana bweneene! Keera gwanatulagula! Umutima gwani, gugweti gugapuupa-puupa ngana! Si keera nayuvwa ibibuga bikola mu dihirizibwa, kuguma noꞌlujongo lweꞌkiteero. Ku yukwo, ndagaki hulika.

Yeremiya 4:20

Inguuke ziri mu kizi kulikirana, halinde ikihugo kyoshi kinabe kikoli sherebiiri. Abagoma keera bakashikula amaheema giitu, ndanaki hiiti ho nangashumbika.

Yeremiya 48:3

Yuvwagwi! Abahoronayimu bakola mu shereezibwa, banakola mu bululuka ku kimombo, iri banayamuluka.

Yeremiya 48:5

Balya Bamohabu, akaaya kaabo keera kayihongoleka haashi. Kyanatuma bagazamuukira i Luhiti, mu njira yoꞌkugenda i Horonayimu, iri banabululuka ku kimombo.

Yeremiya 50:46

Ikyanya ikihugo kyeꞌBabeeri kigagwatwa, abandu booshi bagateerera induulu bweneene, neꞌkihugo kinajugumbane. Abandu ba mu mahanga gooshi bagayuvwa ngiisi kwaꞌBababeeri bakola mu bululuka ku kimombo.

Yeremiya 9:10

Nahano adetaga kwokuno: «Akaaya keꞌYerusaleemu, ngakagira bibe biguuka, gunabe mushaka, halinde kanahinduke igomberano lyeꞌmirunga. Abandu ba mu twaya tweꞌBuyuda, ngabashaabula, halinde yutwo twaya tusigale tuzira bandu.»

Muharuuro 21:29

E bandu beꞌMohabu, yayewe imwinyu. Kundu mulyagagi bandu boꞌmugisi Kemooshi, haliko keera mukashereezibwa. Bagala biinyu, keera mukabaleka babe boꞌkukizi tibita-tibita. Banyere biinyu, keera mwabajandirira, bagendi gwatwa imbira na Sihooni, mwami waꞌBahamoori.