Hisaaya 15:4 - Kifuliiru

⁴ Abandu beꞌHeshibooni, naꞌbeꞌHereyale, nabo bakola mu bululuka. Amazu gaabo gakola mu yuvwikana hala, halinde mu kaaya keꞌYahasa. Balya Bamohabu, kiri naꞌbasirikaani baabo, bakoli shengusiri, banakola mu banda akashiba!

Hisaaya 15:4 ပူးပေါင်းရင်းမြစ်များ

Ndondeko 27:46

Uyo Rebeka, anagendi bwira Hisake: «Ewe! Yaba bali-kazi baawe baꞌBahiti, keera bakambahaza bweneene. Aahago! Iri Yakobo naye angayiji yangira mu Bahiti, nangakengeera navunika umutima lwoshi.»

1 Baami 19:4

Si yehe, anagenderera umulege-rege gwoshi, halinde mwiꞌshamba, anagendi bwatala mwiꞌdako lyeꞌkiti kiguma kyeꞌngaja-malungu. Haaho, anahuuna Rurema kwo alonge ukufwa. Anamúbwira, ti: «E Nahano, ndaakikwo kundi! Ubulyo, ndaakibwo. Ndali nie mwija ukuhima bashokuluza baani. Kwokwo buno, unyitage.»

Yeremiya 20:18

Iyo nda ya maawe, kituma kiki nꞌgagilyoka mwo? Si isiku zaani zooshi, ndi mu libuuka naaho, iri na njengeerwa! Kiri na ku mbeka yoꞌburambe bwani, si ngagenderera naaho ukukizi negurwa!

Yeremiya 48:21

Abatuulaga ba mu ndekeera ya ha lugulu, keera bahanirizibwa, kiri naꞌkaaya keꞌHolooni, naꞌkeꞌYahasa, naꞌkeꞌMefaati,

Yeremiya 48:34

«Yabo Bamohabu, bakola mu bululuka mu twaya twabo, ukulyokera i Heshibooni, halinde i Heryari neꞌYahasa, noꞌkulyoka i Sowari halinde i Horonayimu, neꞌHegulaati-Sherishiya. Emwe! Kiri naꞌmiiji geꞌNimurimu, keera gakama.

Yeremiya 8:3

Yabo banangora-mabi, ngiisi ábagaaba basigiiri, ngabashabulira hooshi mu mahanga. Halikago iyo munda, batagalooza ukulama, si bagakizi yifwija naaho kwo bafwe.» Kwokwo Nahano adesiri.

Yona 4:3

E Nahano! Buno, nakuyinginga, undeke nvwagage. Ee ma! Bwangabiiri bwija nvwe, ho nangaramba!»

Yona 4:8

Ikyanya izuuba likahuluka, Rurema anavyula imbuusi yeꞌdugumbo ukulyoka uluhande lweꞌsheere. Izuuba lyanadaruula, halinde Yona anayuvwa kwiꞌtwe lyahiira bweneene, anahambiri hola. Kwokwo, analooza ukufwa, anatulagula, ti: «Yoho wee! Bulyagagi bwija nvwe ngana, ho nangaki ramba.»

Muharuuro 11:15

Iri wangakizi ndibuza kwokwo, nakuhuuna we kongwa we, bwangabiiri bwija uyami nyita ngana. Utaki ndekere mu yubu buhanya.»

Muharuuro 21:23

Uyo mwami Sihooni, analahira kwaꞌBahisiraheeri batalenge mu kihugo kyage, anakuumania abasirikaani baage booshi, anabatwala i Yahasa. Yaho mwiꞌshamba, ulya mwami, anagendi bateera.

Muharuuro 21:28

Umuliro, gukalyoka i Heshibooni, wa gwi! Imbigi zaagwo, zikalyoka mu kaaya ka Sihooni. Yugwo muliro, gwanasiriiza akaaya keꞌHari, mu Mohabu, gwanajigiivya abakulu beꞌmigazi yeꞌHarinooni.

Bukengeeze 2:32

«Ha nyuma, Sihooni naꞌbasirikaani baage booshi, banayiji tulwikiza hoofi naꞌkaaya keꞌYahasa.

Yoshwa 13:18

neꞌYahasa, neꞌKedemooti, neꞌMefaati,

Bwigule 9:6

Mwiꞌyo myezi itaanu, abandu bagakizi loozagya ulufu, bataganalubona. Na kundu bagalusara bweneene, lugabatibita!

Batwi beꞌmaaja 11:20

«Halikago, Sihooni anabalahirira, atanabahanguula kwo balenge mu kihugo kyage. Lyeryo, anakuumania abandu baage booshi, anagendi bashumbikana i Yahasa, anateera Abahisiraheeri.