Hisaaya 14:8 - Kifuliiru

⁸ Kiri neꞌbiti byeꞌshindano, na byeꞌmyerezi byeꞌLebanooni, nabyo bikoli shambiiri. Ulya mwami, birya biti bikola mu múhonyoleza kwokuno: “Honyo! Si mwami keera akanyanyagwa haashi! Buno, ndaakiye úgashubi tukuba!”

Hisaaya 14:8 ပူးပေါင်းရင်းမြစ်များ

Hezekyeri 31:16

«Yikyo kiti, ikyanya kikayibudika haashi, buu! Nanayami kilindimulira i kuzimu. Ikyanya kikalindimukiraga yo, izu lyakyo lyanayami teera ibinyamahanga ikyoba. Haliko, ibiti byoshi byeꞌHedeni kuguma na birya biti biija byeꞌLebanooni, kwo byâli kizi nywisibwa, byoshi byanaholobezibwa i kuzimu, imunda abafwiri batuuziri.

Zakariya 11:2

E biti byeꞌshindano, mubululukage. Si ibiti byeꞌmyerezi, kundu biryagagi bila bweneene, haliko bikakunyuka naaho. E migazi yeꞌBashaani! Na niinyu, mubululuke! Kundu ulubako lwinyu lushuba luhamu bweneene, buno keera lukatemwa.

Zaburi 29:5

Izu lya Nahano liri mu koona ibiti byeꞌmyerezi. Irya munda i Lebanooni, agweti agabijajagula-jajagula.

Hisaaya 37:24

Keera walungika abakozi baawe, gira ushekeereze Nahano, ti: “Amagaare gaani giꞌzibo, bwo galyagagi katundu, keera gakahika halinde ku marango geꞌLebanooni. Nanayami kuba ibiti byayo bila byeꞌmyerezi, kiri na byeꞌshindano kwo binonosiri. Keera nꞌgahika heꞌbiti bihekiiri, binali biti biija ngana-ngana!