Hisaaya 14:4 - Kifuliiru

⁴ Ku yulwo lusiku, mugahonyoleza mwami weꞌBabeeri kwokuno: «Honyo! Uyo mwami weꞌBabeeri, kundu âli kizi tushundeeza, si leero ubulangi bwage bwamala!

Hisaaya 14:4 ပူးပေါင်းရင်းမြစ်များ

2 Kutondobola 36:18

Ulya Nebukandeneza anayabiira ibirugu byoshi íbyâli sigiiri mu nyumba ya Rurema, kiba kihamu kandi iri kiniini, banabitwala i Babeeri. Akanyaga byoshi bya mu kihinda kyeꞌnyumba ya Nahano, na mu kyeꞌbwami, na mu byaꞌbakulu beꞌbwami.

Hisaaya 13:1

Ulya muleevi Hisaaya mugala Hamoozi, Rurema akamúyereka yaga mabone hiꞌgulu lyeꞌkihugo kyeꞌBabeeri:

Hisaaya 13:19

Mu maami gooshi, ikihugo kyeꞌBabeeri kyo kilimbisiibwi bweneene. Abandu baamwo, bayiyuvwiti hiꞌgulu lyakyo bweneene. Kundu kwokwo, Rurema agabaminika, nga kwo âli mali minika i Soodoma neꞌGomora.

Hisaaya 14:17

Ka atanali ye kahindula ikihugo, kibe ngiꞌshamba? Si ye wâli kizi hongola utwaya twamwo, atanahanguula imbohe kwo zigalukire imwabo!”

Hisaaya 14:5

Balya banangora-mabi, Nahano keera avuna-vuna ingoni zaabo, batanaki hiiti ubushobozi bwoꞌkutukoleesa.

Hisaaya 14:6

Ulya mwami weꞌBabeeri âli kizi kubula abandu ingoni. Âli kizi bakomeeresa ku buraakari bweneene.

Hisaaya 16:4

Twe Bamohabu, keera twayimulwa mu kihugo kiitu. Aahago! Mutuhanguule tuyiji tuula mu kihugo kiinyu. Utubishage na banangora-mabi.» Twe Bamohabu, kundu bâli kizi tunyaga, haliko yubwo bunyazi bugaki mala. Ngiisi ábakiri mu tuvindagaza, bâye himwe, banahere mu kihugo.

Hisaaya 21:2

Gano mabone, kiryagagi kihuume ngana! Nꞌgabona abiira balyalya keera bakuhindukira, banakola mu kushahula ibindu, babuli kushereeza. E Bahelamu, kuguma naꞌBamediya! Mugirage muzunguluke kano kaaya, munakateere! Abandu baamwo, kundu bagweti bagababaza abaabo, haliko yukwo kubabala, ngola ngakumala.

Hisaaya 47:5

«Haliko wehe, e kaaya keꞌBabeeri! Utâye ki buuzibwe Mugoli waꞌmaami. Si ukizi bwatalaga mu kihulu, buzira kudeta.

Hisaaya 49:26

Ngiisi ábali mu mùlibuza, ngakyula kwo balyagage iminyofu yabo boonyene. Na mbanywese noꞌmuko gwabo, halinde gunabalaluse, nga banywa idivaayi yeꞌkishogwe. Niehe, nie Nahano! Kwokwo abandu booshi bagaamenya kwo nie wamùkiza, nanamùguluula. Nie Rurema wa Yakobo, Rurema woꞌbushobozi bwoshi!»

Hisaaya 51:13

Si nie Nahano, nie kamùbumba! Aaho! Kituma kiki wanyibagira? Nie katabika igulu, nanabiika neꞌndaliro zeꞌkihugo. Aahago! Yabo banakahambwa, kituma kiki muki bayobohiri? Kundu bâli kizi mùlibuza, banagire mbu bakizi mùshereeza, haliko leero bakolaga hayi?

Hisaaya 51:23

Yulwo rusoozo, ngolaga ngaluheereza ngiisi ábagweti bagamùlibuza. Si bâli kizi mùbwira: “Gwejeraga buubi, gira tukutandale kwo!” Wanabategaga umugongo, ibe nga njira yo bagafina-fina kwo.»

Hisaaya 54:14

Ugakizi sikama mu bikwaniini, halinde utaki hahazibwe naꞌbagoma. Utanaki be noꞌlushunguti, mbu uyobohe ikindu kyoshi. Ikyoba kigaamala.

Hisaaya 9:4

Ibiraato byaꞌbasirikaani, kiri neꞌbyambalwa byabo íbiyijwiragi imiko, keera bikakabulirwa mu muliro, byanasingooka.

Yeremiya 24:9

Abandu baꞌmahanga gooshi, bagakizi bashomba, iri banabanegura. Ngiisi ho ngabashabulira, abandu bagakizi bashekeereza, iri banabahonyoleza noꞌkubadaaka.

Yeremiya 48:17

E batuulani baꞌBamohabu! Na niinyu mwe mubayijiriiri! Mubalirire, ma! Mukizi deta, ti: “Kino kihugo, kundu kishubi lumbuusiri, haliko abagoma keera bakiyogogoza. Ubulangashane bwakyo, noꞌbushobozi bwakyo, ndaakibyo!”

Kimombo 4:1

Inooro, kundu ishuba njukiirize, inashubi keyengiini, halikago keera yakulubuka. Kiri naꞌmabuye ágakeyengiini ga mu nyumba ya Rurema, keera gakashaabulwa bwalaafwe mu njira zaꞌkaaya.

Hezekyeri 5:15

«Ngaaba keera namùhaniiriza ku buraakari bweneene, mu kuyagazania. Abagoma biinyu bagakizi mùshekeereza, honyo! Ikyanya bagaabona ngiisi kwo mwahanwa, bagalonga ukukengulwa, iri banahuumirwa. Ee! Bagaabona ngiisi kwo ndi mu hana ikihugo. Kwokwo, kwo nie Nahano ndesiri.

Danyeri 2:38

Keera anakusikiiriza ubushobozi hiꞌgulu lyaꞌbandu, na hiꞌgulu lyeꞌnyamiishwa, na hiꞌgulu lyoꞌtunyuni. Yibyo byoshi, ngiisi ho bituuziri, keera akakugira ube mutwali wabyo byoshi! Aaho! Lirya itwe írikatulwa mu nooro, we wehe.

Habakuki 2:17

Si keera mukayita abandu bingi i Lebanooni, mu twaya twabo, mwanayita kiri neꞌnyamiishwa. Buno niinyu, mukolaga mugayoboha, munakomeresibwe. Ngiisi byo mukagirira abandi mu twaya twabo, niinyu, bigaamùba kwo.

Bwigule 17:6

Nanabonaga kwoꞌyo mukazi âli koli lalusiri umuko gwaꞌbandu ba Rurema. Yabo bandu, bakayitwa, bwo bâli kizi tangira Yesu ubumasi. Ulya mukazi, ikyanya nꞌgamúbona, nanasoomerwa ngana-ngana!

Bwigule 18:16

Bagayamiza kwokuno: «Yayewe imwawe! Yayewe imwawe, e kaaya kahamu! Mu mwawe, abandu bâli kizi yambala imirondo miija ítyeriiri, neꞌmirondo yeꞌkituku-tuku, neꞌmidukula. Banashuba mu yilimbiisa noꞌbungeni-ngeni úbukagirwa mu nooro, na mu mabuye miija geꞌkishingo, na mu mbembe.

Bwigule 18:20

We igulu, ushambaalage! Mukuba, keera kashereera! Na niinyu mwe ndumwa, kuguma naꞌbaleevi, naꞌbandi bandu ba Rurema booshi, niinyu mushambaale kwakundi! Mukuba, kundu yako kaaya kâli kizi mùgirira amabi, haliko, keera Rurema akatwira ulubaaja hiꞌgulu lyago.