Hisaaya 13:18 - Kifuliiru

¹⁸ Si abasirikaani baabo bagakoleesa imyambi mu kuyiji yita imisore. Batanakizi kejeerera utulenge, kandi iri abaana.»

Hisaaya 13:18 ပူးပေါင်းရင်းမြစ်များ

2 Baami 8:12

Hazaheeri anabuuza: «E nahamwitu, kituma kiki walira?» Hirisha anashuvya: «Ngoli yiji amabi go ugagirira Abahisiraheeri. Inzitiro zaabo, ugazijigiivya. Unayite imisore yabo, unatute-tute abaana baabo. Na ábali neꞌnda, ugakizi babunduula zo.»

2 Kutondobola 36:17

Nahano anabiika abandu baage mu maboko ga Nebukandeneza, mwami waꞌBakalidaayo. Ulya mwami, anaminika imisore yabo ku ngooti, kiri na mu nyumba ya Rurema. Ndaanaye mundu ye akakejeerera, aba mushosi, kandi iri mukazi, aba mwana, kandi iri mushaaja.

Zaburi 127:3

Bagala biitu, bulyagagi buhyane ukulyoka imwa Nahano. Yenyene ye mu tuheereza abaana, bibe bihembo.

Hisaaya 13:16

Abaana boꞌtulenge, ababusi baabo bagayibonera ngiisi kwo bagayitwa, mu kunyanyagwa haashi. Inyumba zaabo zigashahulwa mweꞌbindu. Na bakaabo banakizi bimbiirwa.

Hisaaya 47:9

Si yago mahanya gombi, gagayami kuhikira ku lusiku luguma! Ku lwolwo lusiku, ugafwirwa naꞌbaana, unabaagage namufwiri! Kwokwo kwo bigaaba, kundu ulyagagi mulozi sizigirye, unali munamaleere waꞌkaminuuza.

Hisaaya 5:28

Imyambi yabo ishongosiri bweneene, keera banagifwora mu miheto yabo. Ibinogosho byeꞌfwarasi zaabo, biri bikomu nga mabuye. Naꞌmapine gaꞌmagaare gaabo giꞌzibo, gali mu kizi suula umulindi nga munyaga.

Yeremiya 18:21

«Ku yukwo, ulekage abaana baabo bafwe niꞌshali. Nabo boonyene, uleke abagoma baabo babayite neꞌngooti. Bakaabo bafwirwe naꞌbaana, kiri na bayiba! Abashaaja bafwe neꞌkiija, neꞌmisore iyitwe ku ngooti mwiꞌzibo.

Yeremiya 5:16

Yabo booshi bali bikalage byaꞌbasirikaani. Ikyanya bali mu lasha imyambi, abandu bingi bali mu yami fwa.

Yeremiya 50:30

Ku yukwo, imisore yabo igayitirwa mu njira. Abasirikaani baabo booshi, bagaminikwa ku lwolwo lusiku luguma.» Kwokwo, kwo Nahano adesiri.

Yeremiya 50:42

Abasirikaani baabo, bahagasiri imiheto, naꞌmatumu. Balyagagi balangi, batanali mu yuvwirana indengeerwa. Ikyanya bali ku fwarasi zaabo, bali nga midunda mu nyaaja. E Babeeri! Yabo bagoma bakola ibiringiini, kwo bayiji kuteera.

Yeremiya 51:22

Munavungule abashosi naꞌbakazi, kiri naꞌbashaaja neꞌmisore. Mugavungula abatabana naꞌbanyere.

Yeremiya 6:23

Yabo basirikaani bahagasiri imiheto naꞌmatumu. Balyagagi balangi, batanali mu yuvwirana indengeerwa. Ikyanya bali ku fwarasi zaabo, bali mu yamuuka nga midunda mu nyaaja. E bandu beꞌSayuni! Yabo bagoma bakola ibiringiini, kwo bayiji mùteera.»

Hezekyeri 9:10

«Kwokwo, naani ndagaki bakejeerera, kandi iri kubakeerera. Si amabi go bâli kizi girira abandi, go nabo ngakizi bagirira.»

Danyeri 7:5

«Ha nyuma, nanashubi bona inyamiishwa ya kabiri iyimaaziri ha mbere lyani. Iyo nyamiishwa yohe, yâli shushiini nga dubu, yanâli tigaliiri luhande luguma. Na mu kanwa kaayo, yâli bangiiti mweꞌmbavu zishatu. Nanayuvwa izu, lyanagibwira: “Yimukaga, ugendi vwajagira inyama, nga ngiisi kwo uloziizi!”

Nahumu 2:1

E Bayuda! Langiizi ku migazi! Si hali mu yija indumwa ígweti igaleeta imyazi miija yoꞌmutuula! Aaho! Mugirage isiku ngulu! Na ngiisi byo mukalagaania Rurema, mubikwizagye. Banangora-mabi, batâye ki teere ikihugo kiinyu. Mukuba, ngabashereeza lwoshi-lwoshi!

Nahumu 3:10

Kundu kwokwo, yabo bandu beꞌTebeesi nabo bakagwatwa imbohe, banatwalwa i mahanga. Kiri naꞌbaana baage baanuke, abagoma baabo bakabatenga-tenga, halinde banafwira mu ngiisi mashangaaniza. Abanalushaagwa baabo booshi, bakabagaba mu kubataarira ikibare. Abatwali baage booshi, bakabashweka iminyororo.