Hisaaya 13:11 - Kifuliiru

¹¹ Nahano adetaga kwokuno: «Bwaꞌbandu ba mu kihugo bakoli bihuusiri, ngolaga ngabahana. Ee! Ngahaniiriza banangora-mabi booshi. Kundu balyagagi noꞌbwikangaate, si ngabumala lwoshi. Na kundu bakiri mu tindimazania ku kanyaaro, haliko nabo, ngabatindimaza, gira batakizi ki yikangaata.

Hisaaya 13:11 ပူးပေါင်းရင်းမြစ်များ

Hayubu 40:12

Ee! Yabo banabwikangaate, ubalole naaho, unabatindimaze. Ufinage banangora-mabi ngiisi ho bali.

Migani 11:31

Umundu úkwaniini ali mu longa ikihembo ku byo agira hano mu kihugo. Aahago! Imwa nangora-mabi, neꞌmwoꞌmunabyaha, ka itali yo haahe!

Migani 8:13

Ngiisi úsimbahiri Nahano, ali mu shomba amabi. Kwokwo naani, njombiri ubwikangaate, noꞌkuyihaya. Njombiri neꞌngesho mbi, neꞌbibeesha.

Hisaaya 11:4

Haliko yehe, ikyanya agakizi twa ulubaaja lwaꞌbakeni, noꞌlwa ábatindimaziibwi, kugakizi ba ku njira íkwaniini. Ikyanya agakyula, abandu babi bagaahanwa, na banangora-mabi banaminikwe.

Hisaaya 14:21

«Muyibiikage ibiringiini, muminike abaana baage. Ee! Bayitwe hiꞌgulu lyeꞌbyaha bya yishe. Hatagire ábagashubi vyula itwe, mbu bashubi twala ikihugo, kandi iri bayijuza mwoꞌtwaya twabo.»

Hisaaya 14:5

Balya banangora-mabi, Nahano keera avuna-vuna ingoni zaabo, batanaki hiiti ubushobozi bwoꞌkutukoleesa.

Hisaaya 2:11

Hâye ki be ulusiku, lwo Nahano naaho ye gakuzibwa! Si abanabwihemye boohe, bagabiikwa haashi. Ee! Abanabwikangaate bagakizi goka mu kati keꞌshoni.

Hisaaya 2:12

Ngiisi ábagweti bagayikuza, mu lwolwo lusiku, Nahano woꞌbushobozi bwoshi agabahana, anabatindimaze.

Hisaaya 2:17

Ku kirya kyanya, Nahano naaho ye gakizi huuzibwa. Si abanabwikangaate boohe, bagatindimazibwa, banagoke mu kati keꞌshoni.

Hisaaya 22:14

Nahano woꞌbushobozi bwoshi, keera anyereka kwo kiri na ku lusiku lwo mugaafwa kwo, gano mabi giinyu gatâye kogwe! Kwokwo, kwo Nahano woꞌbushobozi bwoshi, adesiri.

Hisaaya 23:9

Úwashungika kwoku, ali Nahano woꞌbushobozi bwoshi. Yaba bandu, kundu bâli kizi yikangaata, haliko Rurema analooza ukubatindimaza. Na kundu bâli gweti bagashaagwa, halikago anashungika ukubateeza ishoni.

Hisaaya 24:21

Ku lwolwo lusiku, Nahano agahaniiriza abatwali ba mwiꞌgulu, anahaniirize kiri naꞌbaami ba mu kihugo.

Hisaaya 25:3

Ibinyamahanga, kundu balyagagi banambamba, haliko bakola bagakugingika. Na kundu bali balangi, banatuuziri mu twaya twabo tuzitire, si bagakizi kusimbaha.

Hisaaya 25:5

Yabo bagoma bakatuteera, ngiꞌzuuba likayu lya mwiꞌshamba. Kundu kwokwo, ugweti ugabahangirira. Uli nga kimbehwa kyeꞌkibungu, íkiri mu fwifwitiza izuuba. Yabo bandu, kundu balyagagi banambamba, banali mu yimba ku bwikangaate, si ugweti ugabahulisa.

Hisaaya 26:21

Lolagi! Nahano akola agalyoka mwiꞌgulu. Abandu beꞌkihugo bakiri mu gira amabi, kinatume agabahana hiꞌgulu lyago. Abiitani, kundu bâli kizi yona umuko mu kihugo, haliko yugwo muko, gutagaki shubi bishama.

Hisaaya 29:20

Si banangora-mabi boohe, bagaahera ngana. Na ábali mu honyolezania, bagaamala. Bwo bakuuziri ukugira amabi, bagaminikwa duba.

Hisaaya 29:5

Kundu kwokwo, abagoma baawe, bagatumuulwa nga lukungu. Na kundu balyagagi katundu, banali banambamba, si bagalyosibwa ngana, nga byula íbiri mu yehuulwa. Masaasa atabukwa, yibyo byoshi bigayami koleka.

Hisaaya 3:11

Halikago banangora-mabi, boohe, yayewe imwabo! Bagaahanwa, ukukulikirana naꞌmabi gooshi go bâli kizi kola.

Hisaaya 5:15

Abandu booshi bagaki biikwa haashi. Kiri naꞌbanabwikangaate booshi, nabo, bagaki teezibwa ishoni.

Hisaaya 65:7

Ee! Ngayihoola ibyaha byabo, halinde kiri neꞌbyaha bya bashokuluza baabo. Si bâli kizi yokera imizimu yabo umubadu ku migazi, na ku tugangazi, banâli kizi ndeegeza heꞌshoni. Kwokwo, ngabahana nga kwo bibakwaniini, ukukulikirana na kwo bâli kizi gira yaho keera.” Kwokwo, kwo nie Nahano ndesiri.»

Yeremiya 48:29

«Twâli yuvwiti kwaꞌBamohabu bâli kizi yikangaata bweneene. Ee ma! Ubwikangaate bwabo bwâli leeziri ulugero. Bâli kizi yiheemya bweneene mu mitima yabo, mbu bo bali naꞌkamaro.

Danyeri 4:34

Kwokwo buno, ngola mu huuza Mwami wa mwiꞌgulu. Na ngweti ngamúyivuga, noꞌkumúhimbaaza, iri ninamúgingika. Mukuba, imikolezi yage, iri yoꞌkuli. Si ngiisi ábali mu yiheemya boohe, ali mu batindimaza.

Habakuki 2:4

Uyandike kwokuno: “Ulolage yaba banabwikangaate. Bagweti bagatuula ku gindi-gindi njira, ítakwaniini. Si abandu ábakwaniini boohe, bagaramba ku njira yoꞌkulangaalira Rurema.