Hisaaya 12:6 - Kifuliiru

⁶ Mwe batuulaga beꞌSayuni! Mubandire Nahano akabuuli, awi yiyi yiyi! Ee! Ali Mutaluule waꞌBahisiraheeri. Anatuuziri mu kati kiinyu, ku njira ya kahebuuza!»

Hisaaya 12:6 ပူးပေါင်းရင်းမြစ်များ

Zaburi 132:14

Anadeta: «Hano, ho ngakizi luhuukira, halinde imyaka neꞌmyakuula. Hano handu, ho ngabwatala ku kitumbi kyani kyeꞌkyami. Ee! Haahano!»

Zaburi 135:21

E bandu beꞌYerusaleemu, mukizi huuza Nahano ku mugazi Sayuni. Tukizi huuza Nahano!

Zaburi 46:5

Mu kaaya ka Rurema, muli ulwiji. Amiiji gaalwo, gali mu shagalusania. Yako kaaya, kali keeru bweneene, hanali ho Rurema yenyene atuuziri, ulya úli hiꞌgulu lya byoshi.

Zaburi 68:16

E Bashaani! We kanywangi-nywangi koꞌmugazi, unali kwaꞌmarango mingi!

Zaburi 71:22

E Rurema wani, we Mutaluule waꞌBahisiraheeri, unayamiri uli mwemeera bweneene. Kwokwo, ngakizi kuyivuga mu kukulakiza ululanga. Ngakizi kuyivuga ku nyimbo zeꞌnzeeze.

Zaburi 89:18

We bulangashane bwitu, we na misi yitu! Tuli mu kizi hima abagoma ku butabaazi bwawe.

Zaburi 9:11

E Nahano, ngiisi ábakuyiji, bagakizi kubiika kwoꞌmulangaaliro. Na bwo bagweti bagakulooza, utâye bajandirire.

Zaburi 99:2

Mu kaaya keꞌSayuni, Nahano ye mukulu. Kiri na mu mahanga, ye sumbiri bweneene abandi booshi.

Hisaaya 1:24

Ku yukwo, Nahano akyula kwokuno: «Buno, mukola bagoma baani. Kwokwo, ngola ngamùrakarira, iri ninamùyihoola! Si nie Rurema woꞌbushobozi bwoshi! Na ndi kikalage waꞌBahisiraheeri.

Hisaaya 10:24

Nahano woꞌbushobozi bwoshi, adetaga kwokuno: «E bandu baani, mwe mutuuziri i Sayuni! Mutayobohe Abahasuriya. Ee! Mutabayobohage, kundu bâli kizi mùshulika ingoni, banakizi mùbangulira amahiri, nga kwaꞌBamiisiri nabo bâli kizi gira kare.

Hisaaya 24:14

Kundu kwokwo, ngiisi ábasigiiri bagweti bagabanda akabuuli, awi yiyi yiyi! Ábakola imuga, bagweti bagahuuza iziina lya Nahano.

Hisaaya 24:23

Ha nyuma, Nahano woꞌbushobozi bwoshi ye gakizi twala i Yerusaleemu, ku mugazi Sayuni. Abatwali beꞌYerusaleemu, bagayibonera ubulangashane bwage. Yubwo bulangashane, bwo bulangashiini bweneene, kinatume izuuba noꞌmwezi bigaboneka nga bifwifwitiiri.

Hisaaya 30:19

E bandu beꞌSayuni, mwe mutuuziri i Yerusaleemu! Ku kasiisa, mutâye ki bululuke. Iri mwangatabaaza Nahano, agakizi mùyuvwa, anamùshuvye duba.

Hisaaya 33:21

Mu kalya kaaya, mwo Nahano agayiyerekana kwo ali munabushobozi. Tugakizi tuula ha butambi lyoꞌtudota, kiri neꞌnyiiji mbamu. Si amashuba gaꞌbagoma, kundu gangaba gali nangungubanga, goohe, gatagakizi bilenga mwo.

Hisaaya 33:24

Mu batuulaga booshi beꞌYerusaleemu, ndaaye úgashubi deta, mbu: «Ngoli lwaziri!» Mukuba yabo booshi, ibyaha byabo bigaaba keera byakogwa.

Hisaaya 40:9

E Sayuni, ulyagagi ndumwa yoꞌkuleeta Imyazi Miija. Kwokwo, uzamuukirage kwiꞌrango lyoꞌmugazi, gira ugimenyeese. E Yerusaleemu, ugendi berangira, utanagire mbu uyobohe. Ugendi bwira utwaya tweꞌBuyuda: «Lola! Rurema winyu, yonago!»

Hisaaya 41:14

«E Bahisiraheeri, mwe bandu ba mwiꞌkondo lya Yakobo! Kundu mulyagagi nga bizimu naaho, mutakizi yoboha! Ndi Lukiza winyu, na ndi Mutaluule waꞌBahisiraheeri. Nienyene, ngakizi mùtabaala. Kwokwo, kwo Nahano adesiri.

Hisaaya 41:16

Ee ma! Yabo bagoma, mugakizi bayeluula, halinde ikihuhuuta kinabatwale hala. Si mwehe, mugasigala mugweti mugashambaalira Nahano, munakizi huuza Rurema waꞌBahisiraheeri, ulya Mutaluule.

Hisaaya 49:26

Ngiisi ábali mu mùlibuza, ngakyula kwo balyagage iminyofu yabo boonyene. Na mbanywese noꞌmuko gwabo, halinde gunabalaluse, nga banywa idivaayi yeꞌkishogwe. Niehe, nie Nahano! Kwokwo abandu booshi bagaamenya kwo nie wamùkiza, nanamùguluula. Nie Rurema wa Yakobo, Rurema woꞌbushobozi bwoshi!»

Hisaaya 54:1

Nahano adetaga kwokuno: «E Yerusaleemu, ugirage ushambaale. Kundu ulyagagi nga ngumba útazindi buta, na kundu utazindi yuvwa umukero gwoꞌkubuta, haliko ubande akabuuli, awi yiyi yiyi! Kundu uli ngoꞌmukazi úkakorora, haliko we gaaba naꞌbaana bingi ukuhima nakiriri!»

Hisaaya 60:16

Ibinyamahanga bigakizi mùleetera ibyokulya byabo, mugaalerwa naꞌbaami baabo. Haaho lyo mugaamenya kwo nie Nahano, Lukiza winyu, na kwo nie Rurema wa Yakobo, Mwene Ubushobozi.

Hisaaya 8:18

Ndi hano, twe naꞌbaana bo Nahano akambeereza. Twehe, tulyagagi tulangikizo twa Nahano woꞌBushobozi bwoshi, anali ye bwatiiri ku mugazi Sayuni. Ee! Twe tuli mu kukizi kengula Abahisiraheeri.

Yeremiya 10:6

E Nahano, ndaaye úkuhisiri kwo. Mukuba, uli mukulu bweneene. Niꞌziina lyawe lyo liri mwoꞌbushobozi.

Hezekyeri 35:10

«E Bahedoomu, ikihugo kyeꞌBuyuda, na kyeꞌHisiraheeri, mwâli gweti mugaadeta kwo bikola bigaaba byeꞌmwinyu, mbu mwe mugabihyana. Si nie Nahano! Na mu yibyo bihugo byombi, mwo nduuziri.

Hezekyeri 39:7

Ngayereka abandu baani Abahisiraheeri ngiisi kwiꞌziina lyani liri lyeru. Ndagaki leka kwo likizi gayirizibwa. Haaho, lyeꞌbinyamahanga bigaamenya ku kasiisa kwo nie Nahano, Rurema Mutaluule waꞌBahisiraheeri.

Hezekyeri 43:7

ti: «E mwana woꞌmundu, hano ho handu ikiti kyani kyoꞌbwami kiri, hanali ho ndi mu laaviza amagulu gaani. Abahisiraheeri, tugatuulanwa imyakuula. Kwokwo, iziina lyani, batâye ki lidwakaze. Kiri naꞌbaami baabo batagaki liyulubaza, mbu bakizi hayikumbira imigisi, kandi bahaziikira abaami baabo.

Hezekyeri 48:35

Yibyo bibambaazi byoshi kwo biri bina, ukubizunguluka, ziri meetere bihumbi mwenda. Ukulyokera ku yikyo kyanya, yaka kaaya kakola kagakizi detwa: Yaho ho Nahano ali.»

Hezekyeri 48:8

«Ikimaanye íkigakulikira íkya Yuda, ukutondeerera ku lubibi lweꞌsheere halinde lweꞌmuga ku nyaaja Mediterane, bagaasiga ikimaanye íkiyumiini neꞌkya ngiisi mulala. Kuli kudeta bilomeetere ikumi na bibiri kwiꞌkumi na bibiri. Ha kati kaakyo, heꞌnyumba ya Rurema igayubakwa.

Hosheya 11:9

Aahago! Buno, ndagaki mùfuka kwoꞌburaakari bwani, ndaganaki mùshereeza. Si nie Rurema, ndali mundu wa kufwa naaho. Niehe, ndi Mutaluule mu kati kiinyu, ndaganamùyijira mu buraakari.

Yuheeri 2:27

Haaho, lyo mugasobanukirwa kwo ndi mu kati kiinyu, na kwo nie Nahano, Rurema winyu. Ee! Ndaaye gundi. Ku kasiisa, abandu baani, batâye ki teezibwe ishoni.»

Sefaniya 2:5

E Bafirisiti, mwe mutuuziri ku butambi bweꞌnyaaja, na mu kaaya keꞌKaanani! Na niinyu kwakundi, mukolaga mugaahanwa. Ee! Nahano akola agamùminika, hataganasigala kiri na woꞌmuti!

Zakariya 2:5

Nanashubi langiiza, nanabona umundu afumbiiti umugozi gwoꞌkugera.

Zakariya 2:9

«Nahano adesiri kwokuno: “Niehe nienyene, ngababeera nga luzitiro lwoꞌmuliro, úluzungulusiri akaaya. Kiri na mu kati kaabo, ngayerekana mwoꞌbulangashane bwani!”»

Muharuuro 23:21

Mu beene Yakobo, ndaabwo buligo bwo mbabwini kwo. Yabo Bahisiraheeri, ndaago magoorwa go bagalonga. Nahano Rurema wabo, batuliinwi. Keera abamenyeesa kwo ye mwami wabo.

Bukengeeze 23:15

Kwokwo, ishumbi yinyu ikwiriiri ikizi ba handu heruusibwa. Mukuba, Nahano, Rurema winyu ali mu gilenga mwo mu kumùlanga, iri anamùhimira abagoma biinyu. Neꞌri angayiji bona íbitali nga byo, atangaki shubi mùbeera hoofi.»