Hisaaya 12:4 - Kifuliiru

⁴ Ku yikyo kyanya, mugaadeta: «Mutange kongwa imwa Nahano! Mukizi múyivuga. Mubwire abandu beꞌmahanga gooshi ngiisi kwo akagira, na ngiisi kwo ali mukulu bweneene.

Hisaaya 12:4 ပူးပေါင်းရင်းမြစ်များ

1 Kutondobola 16:8

Mukizi tanga kongwa imwa Nahano, munakizi menyeesania ngiisi kwo ali mukulu. Ngiisi byo âli kizi kola, mukizi bimenyeesa mu binyamahanga byoshi.

1 Kutondobola 29:11

We mwene ubukalage, noꞌbushobozi, noꞌbulangashane, noꞌbukulu, noꞌlushaagwa. Kiri na byoshi íbiri mwiꞌgulu, na mu kihugo, biri byeꞌmwawe. E Nahano! Ubwami bulyagagi bweꞌmwawe. Unali mu huuzibwa, bwo uli hiꞌgulu lya byoshi.

Nehemiya 9:5

Ha nyuma, yabo Balaawi (Yeshuha, na Kadimyeri, na Baani, na Hashabineya, na Sherebiya, na Hodiya, na Shebaniya, na Petahya) banabwira abandu kwokuno: «Yimuki, mukizi huuza Rurema Nahamwinyu. Mukizi múhuuza, imyaka neꞌmyakuula. E Nahano, iziina lyawe likizi yivugwa. Mukuba, liri lya kahebuuza, linahuziibwi bweneene, ukuhima ibindi byoshi.

Zaburi 105:1

Mukizi tanga kongwa imwa Nahano, munakizi menyeesania ngiisi kwo ali mukulu. Ngiisi byo âli kizi kola, mukizi bimenyeesa mu binyamahanga byoshi.

Zaburi 107:22

Bwo Nahano âli gweti agakizi gira ibisoomeza, bakwaniini bakizi deta kongwa, mu kumútangira ituulo. Banakizi múyimbira ku bushambaale.

Zaburi 113:5

Rurema Nahamwitu, twangamúshushirania na nyandi? Si abwatiiri ku kitumbi kyoꞌbwami mwiꞌgulu!

Zaburi 148:13

Yabo booshi bakizi huuza iziina lya Nahano. Mukuba, iziina lyage naaho, lyo liri mu kuzibwa hiꞌgulu lya byoshi. Ubulangashane bwage buhimiri byoshi bya mu kihugo, kiri neꞌbya mwiꞌgulu.

Zaburi 18:46

Balya bandu, bakayija bakoli vunisiri imitima. Na ábâli bishamiri, banakizi yibishuula, iri banalenga mweꞌkinyukura.

Zaburi 21:13

Ikyanya ugakizi balasha imyambi, bagakizi yami hinduka, banapuumuke.

Zaburi 22:31

Kiri na ábagaki butwa, bagakizi yiji ganuulirwa hiꞌgulu lya Nahano, halinde nabo banakizi múkolera.

Zaburi 34:3

Ngakizi yiyuvwa mu kati ka Nahano. Ábagweti bagalibuuka, bagakizi yuvwa kwokwo, banashambaale.

Zaburi 40:5

Ahiriirwi ngiisi úbiisiri Nahano kwoꞌmulangaaliro. Uyo mundu atagweti agaalola ku banabwikangaate, balya ábali mu yifunda mu byeꞌmizimu.

Zaburi 46:10

Agweti agaamala izibo, halinde ukuhisa haꞌmahanga gooshi gahekiiri. Agweti agavuna imiheto, wa koto! Naꞌmatumu, ali mu gajajagula. Kiri neꞌsiribo, ali mu zisiriiza.

Zaburi 57:5

Yabo bagoma bagweti baganzokanana nga ndare, gira balonge ukunjanganula. Amiino gaabo galyagagi muugi, nga matumu, na ngeꞌmyambi. Ikyanya bali mu deta, amagambo gaabo gali mu tumitana nga ngooti.

Zaburi 68:5

Rurema agweti agalenga mu bibungu! Kwokwo, mukizi múyimbiraga, iri munayivuga iziina lyage. Ee! Mukizi múhuuza. Iziina lyage, ye Nahano, anatuuziri mu nyumba yage ndaluule. Kwokwo, mukizi shambaala imbere lyage. Rurema ye yishe weꞌfuuvi, ye nali mu langa banamufwiri.

Zaburi 73:28

Ha lwani niehe, buli bwija ngizi beera hoofi na Nahano Rurema. Mukuba, ye mwene ubushobozi bwoshi. Ku yukwo, ndi mu tibitira imwage. E Rurema, amiija go uli mu kizi kola, ngakizi gamenyeesa mu bandi.

Zaburi 9:11

E Nahano, ngiisi ábakuyiji, bagakizi kubiika kwoꞌmulangaaliro. Na bwo bagweti bagakulooza, utâye bajandirire.

Zaburi 96:3

Mukizi menyeesa ubulangashane bwage mu binyamahanga. Mumenyeese abandu booshi imikolezi yage ya kahebuuza.

Zaburi 97:9

E Nahano, we riiri hiꞌgulu lyaꞌmahanga gooshi. We kuliiri bweneene abandi ábali mu yikumbwa booshi.

Kulyoka 15:2

«Nahano ye misi yani. Ye nganakizi yimbira inyimbo zoꞌbwivuge. Yehe ye Rurema wani, ye na Rurema wa daata. Kwokwo, ngakizi múyivuga, na ngizi múhuuza.

Kulyoka 33:19

Nahano, ti: «Ubwija bwani bwoshi, ngola ngabuyerekana imwawe. Na ngumenyeese iziina lyani, kwo nie Nahano. Ngiisi ye ndoziizi ukukejeerera, ndi mu múkejeerera. Na ngiisi ye ndoziizi ukuyuvwirwa indengeerwa, ndi mu múyuvwirwa zo.

Hisaaya 12:1

Ku kyanya íkigayija, mugayimba, ti: «E Nahano, ngweti ngakuyivuga. Ee! Kundu wâli koli ndakariiri, haliko, ubute bwawe keera bwamala, unakola mu mboleeza.

Hisaaya 2:11

Hâye ki be ulusiku, lwo Nahano naaho ye gakuzibwa! Si abanabwihemye boohe, bagabiikwa haashi. Ee! Abanabwikangaate bagakizi goka mu kati keꞌshoni.

Hisaaya 2:17

Ku kirya kyanya, Nahano naaho ye gakizi huuzibwa. Si abanabwikangaate boohe, bagatindimazibwa, banagoke mu kati keꞌshoni.

Hisaaya 24:15

Na ábali isheere, bagweti bagamúyivuga. Yehe ye Nahano Rurema waꞌBahisiraheeri. Iziina lyage, likizi huuzibwa kiri na mu bandu ba mu tulira.

Hisaaya 25:1

E Nahano, we Rurema wani. Ngweti ngakuhuuza, iri ninayivuga iziina lyawe. Mukuba, ngiisi byo uli mu gira, biryagagi bya kahebuuza! Wâli mali gwanwa wabishungika ukulyokera keera. Na buno, bikola mu koleka.

Hisaaya 26:8

E Nahano, tukulindiriiri, tunali mu kulikira imaaja zaawe. Tukuyifwijiri, tunali neꞌkyedu kyoꞌkukizi kuhuuza.

Hisaaya 33:5

Nahano atuuziri mwiꞌgulu, anali mu gingikwa bweneene. Agayijuza akaaya keꞌSayuni mwoꞌkuli, na íbikwaniini.

Hisaaya 42:12

Abatuulaga ba mu tulira, nabo bakizi huuza Nahano.

Hisaaya 48:20

E balya, mulyokage i Babeeri. Mutibitage, mulyoke yo! Munakizi menyeesa umwazi mu kubanda akabuuli, awi yiyi yiyi! Mugumenyeese halinde heꞌkihugo kihekiiri. Mukizi deta: «Nahano keera akaguluula abandu baage, beene Yakobo.»

Hisaaya 66:19

Baguma baabo, ngabagira mweꞌkisoomeza. Na ngiisi ábagaaba basigiiri, ngabatwala zibe ndumwa mu binyamahanga. Ngaatuma baguma i Tarasisi, naꞌbandi i Puuti, naꞌbandi i Luudi, heꞌbikalage biri mu fwora imiheto. Abandi banagende i Tubaali, naꞌbandi i Bugiriki, naꞌbandi mu gandi mahanga. Mukuba, iyo munda, abandu batazindi yuvwa imyazi yani, kandi iri ukubona ibitangaaza byani. Kwokwo, bagakizi gendi yereka ibinyamahanga ubulangashane bwani.

Yeremiya 50:2

«Mukizi menyeesa ibinyamahanga indumwa, buzira kubibisha umwazi. Muyimusagye irembera, mu kubamenyeesa kwaꞌBababeeri bagwatwa imbira. Imigisi yabo igateezibwa ishoni, halinde inavungulwe. Iyo migisi yabo Beeri, na Merodaaki, igateteerwa, inahuumirwe bweneene.

Malaki 1:11

«Iziina lyani, ligweti ligahuuzibwa mu mahanga gooshi, ukulyokera isheere halinde imuga. Ee! Ngiisi hooshi, bagweti baganyokera umubadu, iri banandangira amatuulo ágakwaniini. Kwokwo, lyeꞌmilala yoshi iri mu kizi huuza iziina lyani. Kwokwo, kwo nie Nahano woꞌbushobozi bwoshi, ndesiri.

Yohana 17:26

Mukuba, keera nꞌgakumenyeesa mu kati kaabo. Nganagenderera ukukizi kumenyeesa imwabo, halinde yulwo rukundo lwo unguuziri, nabo lubayame mwo. Na naani nienyene, mbayame mwo.»