Hisaaya 11:16 - Kifuliiru

¹⁶ Yabo bandu baage ábasigiiri, bagalonga injira yoꞌkulyoka mu kihugo kyeꞌHasuriya, nga kwokulya Abahisiraheeri ba keera bakalyoka mu kyeꞌMiisiri.

Hisaaya 11:16 ပူးပေါင်းရင်းမြစ်များ

Kulyoka 14:22

Neꞌkyanya Abahisiraheeri bakayingira áhashuba amiiji, banahajabuka hakoli kamiri, banakizi lenga ha kati keꞌbikombo bibiri byaꞌmiiji.

Hisaaya 1:9

Nahano woꞌbushobozi bwoshi, átaki tufuuse mwaꞌbandu bagerwa, nga tukahera lwoshi nga bandu ba mu kaaya keꞌSoodoma, naꞌba mu keꞌGomora!

Hisaaya 10:20

Ku yikyo kyanya, hagasigala Abahisiraheeri bagerwa naaho. Yabo, batagaki yegamira abandu beꞌHasuriya, banali bo bakabahima. Si leero umulangaaliro gwabo, bagagubiika imwa Nahano, Umutaluule waꞌBahisiraheeri.

Hisaaya 11:11

Ku yikyo kyanya, Nahano agashubi golola ukuboko kwage, anagalule abandu baage ábaki sigiiri imbohe mu kihugo kyeꞌHasuriya, na mu kyeꞌMiisiri, na mu kyeꞌPaturo, na mu kyeꞌHendyopiya, na mu kyeꞌHelamu, na mu kyeꞌShinaari, na mu kyeꞌHamaati, kiri na mu tulira.

Hisaaya 19:23

Ku yikyo kyanya, mu kihugo kyeꞌMiisiri mugalenga injira mbamu yoꞌkugenda i Hasuriya. Kwokwo, Abahasuriya bagakizi balamira i Miisiri. NaꞌBamiisiri nabo, banabalamire i Hasuriya. Yabo bandu booshi, banakizi yikumba Rurema kuguma.

Hisaaya 27:13

Ku yulwo lusiku, ikibuga kihamu kigadihirizibwa. Mu kati kaꞌBahisiraheeri, baguma bagaaba bagwasirwi imbohe mu kihugo kyeꞌHasuriya, na mu kyeꞌMiisiri. Balya booshi, bagagalulirwa i Yerusaleemu, gira bagendi yikumba Nahano ku mugazi gwage mutaluule.

Hisaaya 49:11

Imigazi yoshi, ngagibera mweꞌnjira. Iyo njira inakizi lenga áharambagiiri.

Hisaaya 49:12

Langiizi! Abandu baani bagweti baganyijira, ukulyoka hala. Baguma balyosiri imbembe, naꞌbandi imuga, naꞌbandi ikisaka, halinde mu kihugo kyeꞌMiisiri.»

Hisaaya 51:10

Na kundu inyaaja yâli yisiri bweneene, we kagikamya. Ukagibera mweꞌnjira, halinde abandu baawe banajabuka.

Hisaaya 57:14

Nahano adetaga kwokuno: «Muvwaruke, mulingaanie injira! Mugishongaanie, halinde abandu baani balonge ukulyoka mu mahanga.»

Hisaaya 62:10

E batuulaga beꞌYerusaleemu, muhuluke mu kaaya! Ee! Muhulukage, mulingaanize abandu biinyu injira, gira bagaluke. Ngiisi áhali ibihomogolo, muhaseemanie. Na áhali amabuye, mugalyosagye. Mubiike irembera, likizi languula abandu ho bagalenga.

Sefaniya 2:7

Abayuda ábasigiiri, nabo bagakizi hashumbika. Ee! Bagakizi ragirira heꞌbitugwa byabo. Bushigi, bagakizi gwejera mu nyumba ízikasigwa mu kaaya keꞌHashikelooni. Mukuba, Rurema Nahamwabo, agabatanduula, anakizi bagenduusa, halinde banashubi tuula bwija nga kwo bâli tuuziri ubwa mbere.