Hisaaya 11:10 - Kifuliiru

¹⁰ Ku yikyo kyanya, umwami muhyahya wa mu mbaga ya Yese agayimuka, ali ngiꞌrembera mu bandu baꞌmahanga. Yabo booshi, bagamúkumanira. Na ngiisi ho agaaba atuuziri, hagalangashana bweneene.

Hisaaya 11:10 ပူးပေါင်းရင်းမြစ်များ

Ndondeko 49:10

Abayuda bayamiragi bali neꞌngoni yeꞌkyami. Itaganalyoka mu magulu ga mwami wabo, halinde ukuhisa ku kyanya ulya úgikwaniini agaahika. Yehe, ibinyamahanga byoshi bigakizi músimbaha.

1 Kutondobola 2:12

Bowazi naye, anabuta Hobedi. Hobedi naye, anabuta Yese.

Zaburi 116:7

E mutima gwani, si Nahano agweti agakugirira amiija! Aaho! Ugirage ushubi luhuuka.

Zaburi 145:11

Bagamenyeesa ngiisi kwo uli mu gingikwa mu bwami bwawe, na ngiisi kwo uli munabushobozi.

Zaburi 149:5

Kwokwo, abandu baage bakizi shambaala mu kumúgingika. Kiri neꞌkyanya bali ku ngingo zaabo, bakizi múyimbira ku bushambaale.

Zaburi 91:1

Rurema ye riiri hiꞌgulu lya byoshi, ye na mwene ubushobozi bwoshi. Kwokwo, ngiisi úli mu langwa mu kabisho kaage, agakizi luhuuka mu kimbehwa kyage.

Zaburi 91:4

Ee ma! Ayamiri ali mwemeera. Kwokwo, aganakuvumbeera mu byubi byage. Mu mashala gaage, mwo ugakizi tibitira, halinde anabe siribo yoꞌkukizi kushuutira.

Hisaaya 11:1

Mu naludakwe weꞌkiti, mwo muli mu lyoka ishibwe. Kwo na kwokwo, na mwiꞌkondo lya Yese, mwo mugalyoka umwami muhyahya.

Hisaaya 11:12

Lirya irembera, Rurema agalishonia. Ligakizi menyeesa Abahisiraheeri naꞌBayuda booshi ábakoli tuuziri mu mahanga, kwo kundu bakashaabulwa mu mbande zooshi zeꞌkihugo, haliko agaki bakuumania.

Hisaaya 14:3

E Bahisiraheeri, si mukoli ba baja. Munakola mu libuzibwa ngana-ngana, mu kukoleesibwa ku kahaati. Kundu kwokwo, Nahano agaki mùholeeza, anamùluhuule.

Hisaaya 2:11

Hâye ki be ulusiku, lwo Nahano naaho ye gakuzibwa! Si abanabwihemye boohe, bagabiikwa haashi. Ee! Abanabwikangaate bagakizi goka mu kati keꞌshoni.

Hisaaya 2:2

Mu siku zeꞌmberuuka, umugazi úguyubasirwi kweꞌnyumba ya Nahano, gwo gwâye gingikwe ukuhima igindi yoshi. Gwâye shuume bweneene, ukuhima utugangazi twoshi, halinde aba mu mahanga gooshi banakizi gushololokera.

Hisaaya 2:3

Yugwo mugazi, abingi baabo bagakizi guyija kwo, iri banadeta: «Muyije tuzamuukire ku mugazi gwa Nahano, halinde mu nyumba ya Rurema wa Yakobo! Mango twahika, agatuyigiriza injira zaage, halinde tukizi zikulikira.» Iyo munda i Sayuni, yaꞌmigirizo hiꞌgulu lya Nahano gagakizi lyoka. Ee! Igambo lya Nahano, haaho i Yerusaleemu ho tugaliyigirizibwa.

Hisaaya 28:12

Nahano âli mali gwanwa alagaania abandu baage kwokuno: «Haahano ho mugaluhuuka!» Na kwakundi: «Mwe muluhiri, nie gamùluhuusa.» Kundu kwokwo, batasiimiri kwo bamúyuvwe.

Hisaaya 42:4

Atâye vunike umutima, atanâye hebuure. Agayitanga, halinde abandu booshi balonge íbikwaniini. Kwokwo, ikyanya agayigiriza, ibinyamahanga bigakizi biika amagambo gaage kwoꞌmulangaaliro.

Hisaaya 49:22

Nahano Rurema adetaga kwokuno: «Lolagi! Ngayeheza, mu kuhamagala ibinyamahanga. Ngashinga irembera, kabe kalangikizo imwabo booshi. Bagayija batengetiiri abaana biinyu boꞌbutabana, banabe babetwiri abanyere ku bitugo.

Hisaaya 59:19

Ku yikyo kyanya, Nahano agayija ali nga lwiji úlukundwiri. Umuuka gwage gunabe guli mu luvwarusa. Kwokwo, lyaꞌbandu bagakizi simbaha Nahano, banahuuze ubulangashane bwage, ukulyokera isheere, halinde imuga.

Hisaaya 60:3

Yugwo mulengeerwe gwinyu, ibinyamahanga bikola bigaguyijira. Kiri naꞌbaami bagayiji bona ngiisi kwo gwamùtunduukira.

Hisaaya 60:5

Ikyanya mugababona, imitima yinyu igashenguuka bweneene, halinde munashambaale, munabe mukoli keyengiini. Mukuba, abadandaza bagalyoka i kajabo keꞌnyaaja, baheesiri akanyamwala keꞌbindu ukulyoka i mahanga.

Hisaaya 62:10

E batuulaga beꞌYerusaleemu, muhuluke mu kaaya! Ee! Muhulukage, mulingaanize abandu biinyu injira, gira bagaluke. Ngiisi áhali ibihomogolo, muhaseemanie. Na áhali amabuye, mugalyosagye. Mubiike irembera, likizi languula abandu ho bagalenga.

Hisaaya 66:19

Baguma baabo, ngabagira mweꞌkisoomeza. Na ngiisi ábagaaba basigiiri, ngabatwala zibe ndumwa mu binyamahanga. Ngaatuma baguma i Tarasisi, naꞌbandi i Puuti, naꞌbandi i Luudi, heꞌbikalage biri mu fwora imiheto. Abandi banagende i Tubaali, naꞌbandi i Bugiriki, naꞌbandi mu gandi mahanga. Mukuba, iyo munda, abandu batazindi yuvwa imyazi yani, kandi iri ukubona ibitangaaza byani. Kwokwo, bagakizi gendi yereka ibinyamahanga ubulangashane bwani.

Yeremiya 6:16

Nahano adetaga kwokuno: «Muyimange mu mashangaaniza, muloleekeze bwija. Irya njira nyiija ya kare, mubuuze ngiisi ho iri. Ee! Irya njira nyiija, ibe yo mugakizi lenga mwo. Iri mwangagira kwokwo, lyo mugaluhuuka. Haliko, balya bandu banashuvya: “Iyo njira nyiija, twalahira, kwo tutagagikulikira.”

Hagayi 2:9

Ku yukwo, iyo nyumba mbyahya, igalangashana bweneene ukuhima irya ya mbere. Ee! Hano handu, abandu bagahalongera umutuula. Nie Nahano woꞌbushobozi bwoshi, nie ndesiri kwokwo.”»

Zakariya 6:13

Iyo nyumba yani, ye gagiyubakulula, Agayambala ibyambalwa byeꞌkyami, anabuli gingikwa ku kitumbi kyabwo, gira atwale abandu. Ha butambi lyage, hagabwatala noꞌmugingi ku kyeꞌmwage. Yabo bombi, bagakizi yuvwanwa ngana-ngana.

Muharuuro 10:33

Kwokwo, yabo bandu banalyoka ku mugazi gwa Nahano i Sinaayi, banahisa isiku zishatu, bagweti bagagenda. Akajumba keꞌKihango, kanakizi genda imbere lyabo, gira kakizi baloogeza ho bagashubi shumbika.

Mataayo 12:21

Abapagaani booshi, bagakizi múbiika kwoꞌmulangaaliro.»

Mataayo 8:11

«Namùbwira kwaꞌbandu bingi bagalyoka uluhande lweꞌsheere, na lweꞌmuga. Banayiji yingira mu bwami bwa mwiꞌgulu, banabwatale ha byokulya, kuguma na Hiburahimu, na Hisake, na Yakobo.

Luka 2:32

Yubwo bukize guli mulengeerwe gwoꞌkuyerekana injira yawe mu batali Bayahudi, halinde abandu baawe Abahisiraheeri bagingikwe.»

Yohana 12:32

Ikyanya ngalengezibwa mu kino kihugo, lyo ngakumaniza abandu booshi imwani.»

Mikolezi 11:18

Yabo Bayahudi, mbu bayuvwagwe kwokwo, banayeguka, banayivuga Rurema, ti: «Kiziga Rurema keera aheereza abandu beꞌgindi milala nabo ubulyo bwo bangatwikira ku byaha byabo, banalonge ubulamu!»

Mikolezi 28:28

Pahulu anashubi deta: «Aaho! Mumenyage kwoꞌbukize bwa Rurema keera bukatwalwa mu bandu beꞌgindi milala. Boohe, bagagenderera noꞌkukizi buyakiira!» [

Baheburaniya 4:1

Rurema keera akatulagaania kwo tugayingira mu buluhuukiro bwage. Kwokwo, tukizi ba masu! Hatagirage kiri noꞌmuguma witu úgaabula ukubuyingira mwo!

1 Peturu 5:10

Rurema ye mwene ulukogo lwoshi. Ye kanamùhamagala kwo mulamage mu bulangashane bwage bweꞌmyaka neꞌmyakuula mu kati ka Kirisito! Neꞌkyanya mugaaba keera mwalibuuka ku kyanya kiniini, yenyene agamùgira mushubi ba bagumaana. Anamùkanie halinde musikame, munabe mukoli dediiri.

Bwigule 22:16

«Niehe Yesu, keera namùtumira umuganda wani, gira amùmenyeese yaga magambo mu mashengero. Niehe niꞌSina wiꞌKondo lya mwami Dahudi. Mwomwo, mwo nꞌgalyoka. Na ndi nie Ndonde íri mu yaka bweneene ku lukula.»

Bwigule 5:5

Mu balya bashaaja, muguma anambwira: «Uleke ukulira! Lolaga! Indare yoꞌmulala gwa Yuda, ulya wa mwiꞌkondo lya Dahudi, keera akasinda ubugoma. Yehe, ye shobwiri ukununguula yizo nungu zirinda, anabunguule ikitaabo.»